Dionysius of Halicarnassus, Antiquitates Romanae, book 1, chapter 37

(디오니시오스, Antiquitates Romanae, book 1, chapter 37)

οὐ γὰρ ἀρούρασ μὲν ἀγαθὰσ ἔχει καὶ πολλάσ, ἄδενδροσ δ’ ἐστὶν ὡσ σιτοφόροσ· οὐδ’ αὖ φυτὰ μὲν ἱκανὴ παντοῖα θρέψασθαι, σπείρεσθαι δ’ ὡσ δενδρῖτισ ὀλιγόκαρποσ· οὐδ’ ἄμφω μὲν ταῦτα παρέχειν δαψιλήσ, προβατεύεσθαι δ’ ἀνεπιτήδειοσ· οὐδ’ ἄν τισ αὐτὴν φαίη πολύκαρπον μὲν εἶναι καὶ πολύδενδρον καὶ πολύβοτον, ἐνδιαίτημα δ’ ἀνθρώποισ ὑπάρχειν ἄχαρι· ἀλλ’ ἔστι πάσησ ὡσ εἰπεῖν ἡδονῆσ τε καὶ ὠφελείασ ἔκπλεωσ. ποίασ μὲν γὰρ λείπεται σιτοφόρου μὴ ποταμοῖσ, ἀλλὰ τοῖσ οὐρανίοισ ὕδασιν ἀρδομένησ τὰ καλούμενα Καμπανῶν πεδία, ἐν οἷσ ἐγὼ καὶ τρικάρπουσ ἐθεασάμην ἀρούρασ θερινὸν ἐπὶ χειμερινῷ καὶ μετοπωρινὸν ἐπὶ θερινῷ σπόρον ἐκφερούσασ;

ποίασ δ’ ἐλαιοφόρου τὰ Μεσσαπίων καὶ Δαυνίων καὶ Σαβίνων καὶ πολλῶν ἄλλων γεώργια;

ποίασ δ’ οἰνοφύτου Τυρρηνία καὶ Ἀλβανὴ καὶ τὰ Φαλερίνων χωρία θαυμαστῶσ ὡσ φιλάμπελα καὶ δι’ ἐλαχίστου πόνου πλείστουσ ἅμα καὶ κρατίστουσ καρποὺσ ἐξενεγκεῖν εὔπορα; χωρὶσ δὲ τῆσ ἐνεργοῦ πολλὴν μὲν ἄν τισ εὑρ́οι τὴν εἰσ ποίμνασ ἀνειμένην αὐτῆσ, πολλὴν δὲ τὴν αἰγινόμον, ἔτι δὲ πλείω καὶ θαυμασιωτέραν τὴν ἱπποφορβόν τε καὶ βουκολίδα·

ἡ γὰρ ἕλειοσ καὶ λειμωνία βοτάνη δαψιλὴσ οὖσα τῶν τε ὀργάδων ἡ δροσερὰ καὶ κατάρρυτοσ ἄπειροσ ὅση θέρει νέμεται καὶ παρέχει διὰ παντὸσ εὐθενούσασ τὰσ ἀγέλασ. πάντων δ’ εἰσὶν οἱ δρυμοὶ θαυμασιώτατοι περί τε τὰ κρημνώδη χωρία καὶ τὰσ νάπασ καὶ τοὺσ ἀγεωργήτουσ λόφουσ, ἐξ ὧν πολλῆσ μὲν εὐποροῦσι καὶ καλῆσ ὕλησ ναυπηγησίμου, πολλῆσ δὲ τῆσ εἰσ τὰσ ἄλλασ ἐργασίασ εὐθέτου.

καὶ τούτων οὐδὲν οὔτε δυσπόριστόν ἐστιν οὔτε πρόσω τῆσ ἀνθρωπίνησ χρείασ κείμενον, ἀλλ’ εὐκατέργαστα καὶ ῥᾴδια παρεῖναι πάντα διὰ πλῆθοσ τῶν ποταμῶν, οἳ διαρρέουσιν ἅπασαν τὴν ἀκτὴν καὶ ποιοῦσι τάσ τε κομιδὰσ καὶ τὰσ ἀμείψεισ τῶν ἐκ γῆσ φυομένων λυσιτελεῖσ.

ἔχει δὲ ἡ γῆ καὶ νάματα θερμῶν ὑδάτων ἐν πολλοῖσ εὑρημένα χωρίοισ, λουτρὰ παρασχεῖν ἥδιστα καὶ νόσουσ ἰάσασθαι χρονίουσ ἄριστα, καὶ μέταλλα παντοδαπὰ καὶ θηρίων ἄγρασ ἀφθόνουσ καὶ θαλάττησ φύσιν πολύγονον ἄλλα τε μυρία, τὰ μὲν εὔχρηστα, τὰ δὲ θαυμάσια, πάντων δὲ κάλλιστον, ἀέρα κεκραμένον ταῖσ ὡρ́αισ συμμέτρωσ, οἱο͂ν ἥκιστα πημαίνειν κρυμῶν ὑπερβολαῖσ ἢ θάλπεσιν ἐξαισίοισ καρπῶν τε γένεσιν καὶ ζῴων φύσιν.

일치하는 문장이 없습니다.

SEARCH

MENU NAVIGATION