Dionysius of Halicarnassus, Antiquitates Romanae, book 1, chapter 10

(디오니시오스, Antiquitates Romanae, book 1, chapter 10)

τοὺσ δὲ Ἀβοριγῖνασ, ἀφ’ ὧν ἄρχει Ῥωμαίοισ τὸ γένοσ, οἱ μὲν αὐτόχθονασ Ἰταλίασ, γένοσ αὐτὸ καθ’ ἑαυτὸ γενόμενον ἀποφαίνουσιν· Ἰταλίαν δὲ καλῶ τὴν ἀκτὴν σύμπασαν, ὅσην Ιὄνιόσ τε κόλποσ καὶ Τυρρηνικὴ θάλασσα καὶ τρίται περιέχουσιν ἐκ γῆσ Ἄλπεισ. καὶ τὴν ὀνομασίαν αὐτοῖσ τὴν πρώτην φασὶ τεθῆναι διὰ τὸ γενέσεωσ τοῖσ μετ’ αὐτοὺσ ἄρξαι, ὥσπερ ἂν ἡμεῖσ εἴποιμεν γενεάρχασ ἢ πρωτογόνουσ.

ἕτεροι δὲ λέγουσιν ἀνεστίουσ τινὰσ καὶ πλάνητασ ἐκ πολλῶν συνελθόντασ χωρίων κατὰ δαίμονα περιτυχεῖν ἀλλήλοισ αὐτόθι καὶ τὴν οἴκησιν ἐπὶ τοῖσ ἐρύμασι καταστήσασθαι, ζῆν δὲ ἀπὸ λῃστείασ καὶ νομῆσ.

παραλλάττουσι δὲ καὶ τὴν ὀνομασίαν αὐτῶν ἐπὶ τὸ ταῖσ τύχαισ οἰκειότερον, Ἀβερριγῖνασ λέγοντεσ, ὥστε δηλοῦσθαι αὐτοὺσ πλάνητασ. κινδυνεύει δὴ κατὰ τούτουσ μηδὲν διαφέρειν τὸ τῶν Ἀβοριγίνων φῦλον ὧν ἐκάλουν οἱ παλαιοὶ Λελέγων· τοῖσ γὰρ ἀνεστίοισ καὶ μιγάσι καὶ μηδεμίαν γῆν βεβαίωσ ὡσ πατρίδα κατοικοῦσι ταύτην ἐπετίθεντο τὴν ὀνομασίαν ὡσ τὰ πολλά. ἄλλοι δὲ Λιγύων ἀποίκουσ μυθολογοῦσιν αὐτοὺσ γενέσθαι τῶν ὁμορούντων Ὀμβρικοῖσ· οἱ γὰρ Λίγυεσ οἰκοῦσι μὲν καὶ τῆσ Ἰταλίασ πολλαχῇ, νέμονται δέ τινα καὶ τῆσ Κελτικῆσ.

ὁποτέρα δ’ αὐτοῖσ ἐστι γῆ πατρίσ, ἄδηλον· οὐ γὰρ ἔτι λέγεται περὶ αὐτῶν προσωτέρω σαφὲσ οὐδέν.

일치하는 문장이 없습니다.

SEARCH

MENU NAVIGATION