Dionysius of Halicarnassus, Antiquitates Romanae, book 1, chapter 3

(디오니시오스, Antiquitates Romanae, book 1, chapter 3)

αἱ μὲν οὖν ἐπιφανέσταται τῶν πρόσθεν ἡγεμονιῶν, ἃσ παρειλήφαμεν ἐκ τῆσ ἱστορίασ, τοσαύτην ἀκμήν τε καὶ ἰσχὺν λαβοῦσαι κατελύθησαν· τὰσ γὰρ Ἑλληνικὰσ δυνάμεισ οὐκ ἄξιον αὐταῖσ ἀντιπαρεξετάζειν, οὔτε μέγεθοσ ἀρχῆσ οὔτε χρόνον ἐπιφανείασ τοσοῦτον ὅσον ἐκεῖναι λαβούσασ. Ἀθηναῖοι μέν γε αὐτῆσ μόνον ἦρξαν τῆσ παραλίου δυεῖν δέοντα ἑβδομήκοντα ἔτη καὶ οὐδὲ ταύτησ ἁπάσησ, ἀλλὰ τῆσ ἐντὸσ Εὐξείνου τε πόντου καὶ τοῦ Παμφυλίου πελάγουσ, ὅτε μάλιστα ἐθαλασσοκράτουν.

Λακεδαιμόνιοι δὲ Πελοποννήσου καὶ τῆσ ἄλλησ κρατοῦντεσ Ἑλλάδοσ ἑώσ Μακεδονίασ τὴν ἀρχὴν προὐβίβασαν, ἐπαύσθησαν δὲ ὑπὸ Θηβαίων οὐδὲ ὅλα τριάκοντα ἔτη τὴν ἀρχὴν κατασχόντεσ.

ἡ δὲ Ῥωμαίων πόλισ ἁπάσησ μὲν ἄρχει γῆσ ὅση μὴ ἀνέμβατόσ ἐστιν, ἀλλ’ ὑπ’ ἀνθρώπων κατοικεῖται, πάσησ δὲ κρατεῖ θαλάσσησ, οὐ μόνον τῆσ ἐντὸσ Ἡρακλείων στηλῶν, ἀλλὰ καὶ τῆσ Ὠκεανίτιδοσ ὅση πλεῖσθαι μὴ ἀδύνατόσ ἐστι, πρώτη καὶ μόνη τῶν ἐκ τοῦ παντὸσ αἰῶνοσ μνημονευομένων ἀνατολὰσ καὶ δύσεισ ὁρ́ουσ ποιησαμένη τῆσ δυναστείασ·

χρόνοσ τε αὐτῇ τοῦ κράτουσ οὐ βραχύσ, ἀλλ’ ὅσοσ οὐδεμιᾷ τῶν ἄλλων οὔτε πόλεων οὔτε βασιλειῶν.

εὐθὺσ μὲν γὰρ ἐξ ἀρχῆσ μετὰ τὸν οἰκισμὸν τὰ πλησίον ἔθην πολλὰ καὶ μάχιμα ὄντα προσήγετο καὶ προὔβαινεν ἀεὶ πᾶν δουλουμένη τὸ ἀντίπαλον·

ταῦτα δὲ πέντε καὶ τετταράκοντα ἤδη πρὸσ ἑπτακοσίοισ ἔτεσίν ἐστιν εἰσ ὑπάτουσ Κλαύδιον Νέρωνα τὸ δεύτερον καὶ Πείσωνα Καλπούρνιον, οἳ κατὰ τὴν τρίτην ἐπὶ ταῖσ ἐνενήκοντα καὶ ἑκατὸν ὀλυμπιάσιν ἀπεδείχθησαν. τέωσ ἐδόκει μέγιστον ἰσχύειν κατὰ γῆν, οὐδὲν ἔτι ἀντίπαλον ἔχουσα οὔτε βάρβαρον φῦλον οὔτε Ἑλληνικὸν γενεὰν ἑβδόμην ἤδη τὴν ἐπ’ ἐμοῦ διαμένει παντὸσ ἄρχουσα τόπου·

ἔθνοσ δὲ οὐδὲν ὡσ εἰπεῖν ἐστιν, ὃ περὶ τῆσ κοινῆσ ἡγεμονίασ ἢ τοῦ μὴ ἄρχεσθαι πρὸσ αὐτὴν διαφέρεται.

ἀλλὰ γὰρ ὅτι μὲν οὔτε τὴν ἐλαχίστην τῶν ὑποθέσεων προῄρημαι, καθάπερ ἔφην, οὔτε περὶ φαύλασ καὶ ἀσήμουσ πράξεισ ἔγνωκα διατρίβειν, ἀλλὰ περί τε πόλεωσ γράφω τῆσ περιφανεστάτησ καὶ περὶ πράξεων ὧν οὐκ ἂν ἔχοι τισ ἑτέρασ ἐπιδείξασθαι λαμπροτέρασ, οὐκ οἶδ’ ὅ,τι δεῖ πλείω λέγειν.

일치하는 문장이 없습니다.

SEARCH

MENU NAVIGATION