Dionysius of Halicarnassus, Antiquitates Romanae, book 1, chapter 88

(디오니시오스, Antiquitates Romanae, book 1, chapter 88)

ἐπεὶ δὲ οὐδὲν ἔτι ἦν ἐμποδῶν τῷ κτίσματι προειπὼν ὁ Ῥωμύλοσ ἡμέραν, ἐν ᾗ τοὺσ θεοὺσ ἀρεσάμενοσ ἔμελλε τὴν ἀρχὴν τῶν ἔργων ποιήσασθαι, παρασκευασάμενόσ τε ὅσα εἰσ θυσίασ καὶ ὑποδοχὰσ τοῦ λεὼ χρησίμωσ ἕξειν ἔμελλεν, ὡσ ἧκεν ὁ συγκείμενοσ χρόνοσ αὐτόσ τε προθύσασ τοῖσ θεοῖσ καὶ τοὺσ ἄλλουσ κελεύσασ κατὰ δύναμιν τὸ αὐτὸ δρᾶν ὄρνιθασ μὲν πρῶτον αἰσίουσ λαμβάνει· μετὰ δὲ τοῦτο πυρκαϊὰσ πρὸ τῶν σκηνῶν γενέσθαι κελεύσασ ἐξάγει τὸν λεὼν τὰσ φλόγασ ὑπερθρώσκοντα τῆσ ὁσιώσεωσ τῶν μιασμάτων ἕνεκα.

ἐπεὶ δὲ πᾶν, ὅσον ἦν ἐκ λογισμοῦ θεοῖσ φίλον, ᾤετο πεπρᾶχθαι καλέσασ ἅπαντασ εἰσ τὸν ἀποδειχθέντα τόπον περιγράφει τετράγωνον σχῆμα τῷ λόφῳ, βοὸσ ἄρρενοσ ἅμα θηλείᾳ ζευχθέντοσ ὑπ’ ἄροτρον ἑλκύσασ αὔλακα διηνεκῆ τὴν μέλλουσαν ὑποδέξεσθαι τὸ τεῖχοσ· ἐξ οὗ Ῥωμαίοισ τὸ ἔθοσ τοῦτο τῆσ περιαρόσεωσ τῶν χωρίων ἐν οἰκισμοῖσ πόλεων παραμένει.

ἐφίστησι τοῖσ ἔργοισ τὸν λεών.

ταύτην ἔτι καὶ εἰσ ἐμὲ τὴν ἡμέραν Ῥωμαίων ἡ πόλισ ἑορτῶν οὐδεμιᾶσ ἥττονα τιθεμένη καθ’ ἕκαστον ἔτοσ ἄγει, καλοῦσι δὲ Παρίλια. θύουσι δ’ ἐν αὐτῇ περὶ γονῆσ τετραπόδων οἱ γεωργοὶ καὶ νομεῖσ θυσίαν χαριστήριον ἐάροσ ἀρχομένου.

πότερον δὲ παλαίτερον ἔτι τὴν ἡμέραν ταύτην ἐν εὐπαθείαισ διάγοντεσ ἐπιτηδειοτάτην οἰκισμῷ πόλεωσ ἐνόμισαν, ἢ τοῦ κτίσματοσ ἄρξασαν ἱερὰν ἐποιήσαντο καὶ θεοὺσ ἐν αὐτῇ τοὺσ ποιμέσι φίλουσ γεραίρειν ᾤοντο δεῖν οὐκ ἔχω βεβαίωσ εἰπεῖν.

일치하는 문장이 없습니다.

SEARCH

MENU NAVIGATION