Dionysius of Halicarnassus, Antiquitates Romanae, book 1, chapter 86

(디오니시오스, Antiquitates Romanae, book 1, chapter 86)

χρόνου δέ τινοσ ἐν τούτῳ διαγενομένου, ἐπειδὴ οὐδὲν ἐμειοῦτο τὸ τῆσ στάσεωσ, δόξαν ἀμφοῖν τῷ μητροπάτορι ἐπιτέψαι παρῆσαν εἰσ τὴν Ἄλβαν. ὁ δὲ αὐτοῖσ ταῦτα ὑποτίθεται· θεοὺσ ποιήσασθαι δικαστάσ, ὁποτέρου χρὴ τὴν ἀποικίαν λέγεσθαι καὶ τὴν ἡγεμονίαν εἶναι. ταξάμενοσ δὲ αὐτοῖσ ἡμέραν ἐκέλευσεν ἐξ ἑωθινοῦ καθέζεσθαι χωρὶσ ἀλλήλων, ἐν αἷσ ἑκάτεροι ἀξιοῦσιν ἕδραισ· προθύσαντασ δὲ τοῖσ θεοῖσ ἱερὰ τὰ νομιζόμενα φυλάττειν οἰωνοὺσ αἰσίουσ· ὁποτέρῳ δ’ ἂν οἱ ὄρνιθεσ προτέρῳ κρείττουσ γένωνται, τοῦτον ἄρχειν τῆσ ἀποικίασ.

ἀπῄεσαν οἱ νεανίσκοι ταῦτ’ ἐπαινέσαντεσ καὶ κατὰ τὰ συγκείμενα παρῆσαν ἐν τῇ κυρίᾳ τῆσ πράξεωσ ἡμέρᾳ.

ἦν δὲ Ῥωμύλῳ μὲν οἰωνιστήριον, ἔνθα ἠξίου τὴν ἀποικίαν ἱδρῦσαι, τὸ Παλλάντιον, Ῥώμῳ δ’ ὁ προσεχὴσ ἐκείνῳ λόφοσ Αὐεντῖνοσ καλούμενοσ, ὡσ δέ τινεσ ἱστοροῦσιν ἡ Ῥεμορία· φυλακή τε ἀμφοῖν παρῆν οὐκ ἐπιτρέψουσα ὅ τι μὴ φανείη λέξειν. ὡσ δὲ τὰσ προσηκούσασ ἕδρασ ἔλαβον ὀλίγον ἐπισχὼν χρόνον ὁ Ῥωμύλοσ ὑπὸ σπουδῆσ τε καὶ τοῦ πρὸσ τὸν ἀδελφὸν φθόνου, ἴσωσ δὲ καὶ ὁ θεὸσ οὕτωσ ἐνῆγε, πρὶν ἢ καὶ ὁτιοῦν σημεῖον θεάσασθαι πέμψασ ὡσ τὸν ἀδελφὸν ἀγγέλουσ ἥκειν ἠξίου διαταχέων, ὡσ πρότεροσ ἰδὼν οἰωνοὺσ αἰσίουσ.

ἐν ᾧ δὲ οἱ πεμφθέντεσ ὑπ’ αὐτοῦ δι’ αἰσχύνησ ἔχοντεσ τὴν ἀπάτην οὐ σπουδῇ ἐχώρουν, τῷ Ῥώμῳ γῦπεσ ἐπισημαίνουσιν ἓξ ἀπὸ τῶν δεξιῶν πετόμενοι. καὶ ο μὲν ἰδὼν τοὺσ ὄρνιθασ περιχαρὴσ ἐγένετο, μετ’ οὐ πολὺ δὲ οἱ παρὰ τοῦ Ῥωμύλου πεμφθέντεσ ἀναστήσαντεσ αὐτὸν ἄγουσιν ἐπὶ τὸ Παλλάντιον. ἐπεὶ δὲ ἐν τῷ αὐτῷ ἐγένοντο ἤρετο μὲν τὸν Ῥωμύλον ὁ Ῥῶμοσ, οὕσ2τινασ οἰωνοὺσ ἴδοι πρότεροσ, ὁ δὲ ἐν ἀπόρῳ γίνεται ὅ τι ἀποκρίναιτο.

ἐν δὲ τούτῳ δώδεκα γῦπεσ αἴσιοι πετόμενοι ὤφθησαν, οὺσ ἰδὼν θαρρεῖ τε καὶ τῷ Ῥώμῳ δείξασ λέγει, Τί γὰρ ἀξιοῖσ τὰ πάλαι γενόμενα μαθεῖν;

τούσ2δε γὰρ δή που τοὺσ οἰωνοὺσ αὐτὸσ ὁρᾷσ. ὁ δὲ ἀγανακτεῖ τε καὶ δεινὰ ποιεῖται, ὡσ διηρτημένοσ ὑπ’ αὐτοῦ, τῆσ τε ἀποικίασ οὐ μεθήσεσθαι αὐτῷ φησιν.

일치하는 문장이 없습니다.

SEARCH

MENU NAVIGATION