헬라어 문장 검색 - Διονψσ́Αντιθυί1́71́

(디오니시오스, Antiquitates Romanae, book 1, chapter 71)

Σιλουϊού δ’ ἑνὸσ δέοντα τριάκοντα ἔτη κατασχόντοσ τὴν ἀρχὴν Αἰνείασ υἱὸσ αὐτοῦ διαδεξάμενοσ τὴν δυναστείαν ἑνὶ πλείω τριάκοντα ἐτῶν ἐβασίλευσεν. μετὰ δὲ τοῦτον ἓν καὶ πεντήκοντα Λατῖνοσ ἦρξεν ἔτη.

Ἄλβασ δὲ μετὰ τοῦτον ἑνὸσ δέοντα τετταράκοντα ἔτη. μετὰ δὲ Ἄλβαν Κάπετοσ ἓξ ἐπὶ τοῖσ εἴκοσιν. ἔπειτα Κάπυσ δυεῖν δέοντα τριάκοντα. μετὰ δὲ Κάπυν Κάλπετοσ ἄχρι τρισκαίδεκα ἐτῶν κατέσχε τὴν ἀρχήν. ἑξῆσ δὲ Τιβερῖνοσ ὀκταετῆ χρόνον ἐβασίλευσεν. τελευτῆσαι δ’ οὗτοσ ἐν μάχῃ παρὰ ποταμῷ γενομένῃ λέγεται·

παρενεχθεὶσ δὲ ὑπὸ τοῦ ῥεύματοσ ἐπώνυμον ἑαυτῷ κατέλιπε τὸν ποταμὸν Ἄλβουλαν καλούμενον πρότερον. Τιβερίνου δὲ διάδοχοσ Ἀγρίππασ ἓν καὶ τετταράκοντα ἐβασίλευσεν ἔτη. μετὰ δὲ Ἀγρίππαν Ἀλλώδιοσ τυραννικόν τι χρῆμα καὶ θεοῖσ ἀπεχθόμενον ἑνὸσ δέοντα εἴκοσιν·

ᾧ περιφρονοῦντι τὰ δαιμόνια κατεσκεύαστο κεραυνῶν τε μιμήματα καὶ κτύποι βρονταῖσ ἐμφερεῖσ, οἷσ δεδίττεσθαι τοὺσ ἀνθρώπουσ ὡσ θεὸσ ἠξίου. ὄμβρων δὲ καὶ κεραυνῶν εἰσ τὸν οἶκον αὐτοῦ κατασκηψάντων τῆσ τε λίμνησ, παρ’ ἣν οἰκῶν ἐτύγχανε, πλημμύραν οὐκ εἰωθυῖαν λαβούσησ κατακλυσθεὶσ πανοίκιοσ ἀπόλλυται. καὶ νῦν ἔτι διαλαμπούσησ τῆσ λίμνησ ἐν μέρει τινί, ὅταν ὑπονοστήσῃ τὸ νᾶμα καὶ σταθερὸσ ὁ βυθὸσ γένηται, παστάδων ἐρείπια καὶ ἄλλα οἰκήσεωσ ἴχνη φαίνεται.

Αουἐντῖνοσ δὲ παρὰ τούτου τὴν δυναστείαν διαδεξάμενοσ, ἀφ’ οὗ τῶν ἑπτὰ λόφων τισ ἐπώνυμοσ ἐγένετο τῶν συμπεπολισμένων τῇ Ῥώμῃ, τριάκοντα καὶ ἑπτὰ ἔτη τὴν ἀρχὴν κατέσχεν.

πρόκασ δὲ μετὰ τοῦτον ἔτη εἴκοσι καὶ τρία. ἔπειτα Ἀμόλιοσ οὐ σὺν δίκῃ τὴν βασιλείαν κατασχὼν Νεμέτορι προσήκουσαν, ὃσ ἦν αὐτῷ πρεσβύτεροσ ἀδελφόσ, δύο καὶ τετταράκοντα ἔτη δυναστεύει. Ἀμολίου δὲ ἀναιρεθέντοσ ὑπὸ Ῥωμύλου καὶ Ῥώμου τῶν ἐκ τῆσ ἱερᾶσ κόρησ γενομένων, ὡσ αὐτίκα λεχθήσεται, μετὰ τὸν ἐκείνου θάνατον ἀπολαμβάνει τὴν κατὰ νόμον δυναστείαν Νεμέτωρ ὁ τῶν νεανίσκων μητροπάτωρ.

μετὰ τὴν Ἰλίου ἅλωσιν, ἀποικίαν στείλαντεσ Ἀλβανοὶ Ῥωμύλου καὶ Ῥώμου τὴν ἡγεμονίαν αὐτῆσ ἐχόντων κτίζουσι Ῥώμην ἔτουσ ἐνεστῶτοσ πρώτου τῆσ ἑβδόμησ ὀλυμπιάδοσ, ἣν ἐνίκα στάδιον Δαϊκλῆσ Μεσσήνιοσ, ἄρχοντοσ Ἀθήνησι Χάροποσ ἔτοσ τῆσ δεκαετίασ πρῶτον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, book 1, chapter 71

(디오니시오스, Antiquitates Romanae, book 1, chapter 71)

상위

목록

SEARCH

MENU NAVIGATION