헬라어 문장 검색 - Διονψσ́Αντιθυί1́40́

(디오니시오스, Antiquitates Romanae, book 1, chapter 40)

οἱ δὲ Ἀβοριγῖνεσ καὶ τῶν Ἀρκάδων οἱ τὸ Παλλάντιον κατοικοῦντεσ, ὡσ τοῦ τε Κάκου τὸν θάνατον ἔγνωσαν καὶ τὸν Ἡρακλέα εἶδον, τῷ μὲν ἀπεχθόμενοι διὰ τὰσ ἁρπαγάσ, τοῦ δὲ τὴν ὄψιν ἐκπαγλούμενοι θεῖόν τι χρῆμα ἐνόμισαν ὁρᾶν καὶ τοῦ λῃστοῦ μέγα εὐτύχημα τὴν ἀποβολὴν ἐποιοῦντο. οἱ δὲ πένητεσ αὐτῶν κλάδουσ δρεψάμενοι δάφνησ, ἣ πολλὴ περὶ τὸν τόπον ἐφύετο, ἐκεῖνόν τε καὶ αὑτοὺσ ἀνέστεφον, ἧκον δὲ οἱ βασιλεῖσ αὐτῶν ἐπὶ ξένια τὸν Ἡρακλέα καλοῦντεσ. ὡσ δὲ καὶ τοὔνομα καὶ τὸ γένοσ αὐτοῦ καὶ τὰσ πράξεισ διεξιόντοσ ἔμαθον, ἐνεχείριζον αὐτῷ τήν τε χώραν καὶ σφᾶσ αὐτοὺσ ἐπὶ φιλίᾳ. ὅστισ ἦν ἐπύθετο, φθάσαι βουλόμενοσ ἅπαντασ ἀνθρώπουσ Ἡρακλέα θεῶν τιμαῖσ πρῶτοσ ἱλασάμενοσ, βωμὸν αὐτοσχέδιον ὑπὸ σπουδῆσ ἱδρύεται καὶ δάμαλιν ἄζυγα θύει πρὸσ αὐτῷ, τὸ θέσφατον ἀφηγησάμενοσ Ἡρακλεῖ καὶ δεηθεὶσ τῶν ἱερῶν κατάρξασθαι.

ἀγασθεὶσ δὲ τοὺσ ἀνθρώπουσ τῆσ φιλοξενίασ Ἡρακλῆσ, τὸν μὲν δῆμον ἑστιάσει ὑποδέχεται θύσασ τῶν βοῶν τινασ καὶ τῆσ ἄλλησ λείασ τὰσ δεκάτασ ἐξελών·

τοὺσ δὲ βασιλεῖσ χώρᾳ πολλῇ δωρεῖται Λιγύων τε καὶ τῶν ἄλλων προσοίκων, ἧσ μέγα ἐποιοῦντο ἄρχειν, παρανόμουσ τινὰσ ἐξ αὐτῆσ ἐκβαλὼν ἀνθρώπουσ. λέγεται δὲ πρὸσ τούτοισ, ὡσ καὶ δέησίν τινα ποιήσαιτο τῶν ἐπιχωρίων, ἐπειδὴ πρῶτοι θεὸν αὐτὸν ἐνόμισαν, ὅπωσ ἀθανάτουσ αὐτῷ διαφυλάττωσι τὰσ τιμὰσ, θύοντεσ μὲν ἄζυγα δάμαλιν ἀνὰ πᾶν ἔτοσ, ἁγιστεύοντεσ δὲ τὴν ἱερουργίαν ἔθεσιν Ἑλληνικοῖσ· καὶ ὡσ διδάξειεν αὐτοὺσ τὰσ θυσίασ, ἵνα διὰ παντὸσ αὐτῷ κεχαρισμένα θύοιεν, οἴκουσ δύο τῶν ἐπιφανῶν παραλαβών. εἶναι δὲ τοὺσ μαθόντασ τότε τὴν Ἑλληνικὴν ἱερουργίαν Ποτιτίουσ τε καὶ Πιναρίουσ, ἀφ’ ὧν τὰ γένη διαμεῖναι μέχρι πολλοῦ τὴν ἐπιμέλειαν ποιούμενα τῶν θυσιῶν, ὡσ ἐκεῖνοσ κατεστήσατο, Ποτιτίων μὲν ἡγουμένων τῆσ ἱερουργίασ καὶ τῶν ἐμπύρων ἀπαρχομένων, Πιναρίων δὲ σπλάγχνων τε μετουσίασ εἰργομένων καὶ ὅσα ἄλλα ἐχρῆν ὑπ’ ἀμφοῖν γίνεσθαι τὴν δευτέραν τιμὴν ἐχόντων.

ταύτην δὲ αὐτοῖσ προστεθῆναι τὴν ἀτιμίαν ὀψίμου τῆσ παρουσίασ ἕνεκα, ἐπειδὴ ἑώθεν αὐτοῖσ κελευσθὲν ἥκειν ἐσπλαγχνευμένων ἤδη τῶν ἱερῶν ἀφίκοντο.

νῦν μέντοι οὐκέτι τοῖσ γένεσι τούτοισ ἡ περὶ τὰσ ἱερουργίασ ἐπιμέλεια ἀνάκειται, ἀλλὰ παῖδεσ ἐκ τοῦ δημοσίου ὠνητοὶ δρῶσιν αὐτάσ.

δι’ ἃσ δὲ αἰτίασ τὸ ἔθοσ μετέπεσε, καὶ τίσ ἡ τοῦ δαίμονοσ ἐπιφάνεια περὶ τὴν ἀλλαγὴν τῶν ἱεροποιῶν ἐγένετο, ἐπειδὰν κατὰ τοῦτο γένωμαι τοῦ λόγου τὸ μέροσ, διηγήσομαι. ὁ δὲ βωμόσ, ἐφ’ οὗ τὰσ δεκάτασ ἀπέθυσεν Ἡρακλῆσ, καλεῖται μὲν ὑπὸ Ῥωμαίων Μέγιστοσ, ἔστι δὲ τῆσ Βοαρίασ λεγομένησ ἀγορᾶσ πλησίον, ἁγιστευόμενοσ εἰ καί τισ ἄλλοσ ὑπὸ τῶν ἐπιχωρίων·

ὁρ́κοι τε γὰρ ἐπ’ αὐτῷ καὶ συνθῆκαι τοῖσ βουλομένοισ βεβαίωσ τι διαπράττεσθαι καὶ δεκατεύσεισ χρημάτων γίνονται συχναὶ κατ’ εὐχάσ· τῇ μέντοι κατασκευῇ πολὺ τῆσ δόξησ ἐστὶ καταδεέστεροσ· τιμώμενοσ ὁ θεόσ.

ὁ μὲν οὖν μυθικὸσ λόγοσ ὑπὲρ αὐτοῦ τοιόσ2δε παραδέδοται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, book 1, chapter 40

(디오니시오스, Antiquitates Romanae, book 1, chapter 40)

상위

목록

SEARCH

MENU NAVIGATION