Dionysius of Halicarnassus, Antiquitates Romanae, book 1, chapter 52

(디오니시오스, Antiquitates Romanae, book 1, chapter 52)

γενόμενοι δὲ κατὰ Σικελίαν, εἴτε γνώμῃ χρησάμενοι τῇδε ὁρμίσασθαι εἴτε καὶ ὑπ’ ἀνέμων πονηρῶν βιασθέντεσ, ἃ δὴ φιλεῖ περὶ τὴν θάλατταν τήνδε γίνεσθαι, κατάγονται τῆσ νήσου περὶ τὰ καλούμενα Δρέπανα· τύχησ τε καὶ πνεύματοσ οὐρίου λαβόμενοι καὶ ἅμα οὐ πολλῇ ἀποσκευῇ βαρυνόμενοι δι’ ὀλίγου κατήχθησαν εἰσ Σικελίαν καὶ ᾤκησαν περὶ ποταμὸν καλούμενον Κριμισὸν ἐν γῇ Σικανῶν, πρὸσ φιλίαν λαβόντεσ παρ’ αὐτῶν τὸ χωρίον διὰ τὴν Αἰγέστου συγγένειαν γενομένου τε καὶ τραφέντοσ ἐν Σικελίᾳ κατὰ τοιόνδε τι πάθοσ.

τῶν προγόνων αὐτοῦ τισ ἀνὴρ ἐπιφανὴσ ἐκ τοῦ Τρωικοῦ γένουσ ὢν Λαομέδοντι διάφοροσ γίνεται, καὶ αὐτὸν ὁ βασιλεὺσ ἐπ’ αἰτίᾳ δή τινι λαβὼν κτείνει καὶ γένοσ αὐτοῦ τὸ ἄρρεν ἅπαν, ὑπὸ δέουσ μή τι πρὸσ αὐτῶν πάθῃ·

τὰσ δὲ θυγατέρασ παρθένουσ ἔτι οὔσασ ἀποκτεῖναι μὲν οὐκ εὐπρεπὲσ ἐνόμισε, Τρωσὶ δὲ συνοικούσασ περιιδεῖν οὐκ ἀσφαλέσ, δίδωσι δ’ αὐτὰσ ἐμπόροισ ὡσ προσωτάτω κελεύσασ ἀπάγειν. ταύταισ ἀπιούσαισ συνεκπλεῖ μειράκιόν τι τῶν ἐπιφανῶν κρατούμενον ἔρωτι τῆσ ἑτέρασ καὶ γαμεῖ τὴν παιδίσκην ἀχθεῖσαν εἰσ Σικελίαν, καὶ γίνεται αὐτοῖσ παῖσ ἐν Σικελοῖσ διατρίβουσιν Αἴγεστοσ ὄνομα·

ὃσ ἤθη καὶ γλῶσσαν τῶν ἐπιχωρίων ἐκμαθών, ἐπειδὴ τοὺσ γονεῖσ αὐτῷ τελευτῆσαι συνέβη, βασιλεύοντοσ ἐν Τροίᾳ Πριάμου κάθοδον αὑτῷ δοθῆναι διαπράττεται, καὶ συνδιενέγκασ τὸν πρὸσ τοὺσ Ἀχαιοὺσ πόλεμον ἁλισκομένησ τῆσ πόλεωσ ἀπέπλει πάλιν εἰσ Σικελίαν σὺν Ἐλύμῳ ποιησάμενοσ τὴν φυγὴν ἐν τρισὶ ναυσὶν, ἃσ Ἀχιλλεὺσ ἔχων ὅτε τὰσ Τρωάδασ ἐληίζετο πόλεισ ἑρ́μασιν ὑφάλοισ περιπεσούσασ ἀπέβαλεν.

αὐτῷ διὰ τὴν ἔμπρησιν, ἣν ἐποιήσαντο τῶν γυναικῶν τινεσ ἀχθόμεναι τῇ πλάνῃ, τὸν οὐκέτι δυνάμενον συμπλεῖν ὄχλον ἐκ τῶν κατακεκαυμένων νεῶν ἀνάγκῃ καταλιπών.

일치하는 문장이 없습니다.

SEARCH

MENU NAVIGATION