Dionysius of Halicarnassus, Antiquitates Romanae, book 1, chapter 20

(디오니시오스, Antiquitates Romanae, book 1, chapter 20)

ἄνοπλοι φράζοντέσ τε τὰσ ἑαυτῶν τύχασ καὶ δεόμενοι πρὸσ φιλίαν δέξασθαι σφᾶσ συνοίκουσ οὐ λυπηροὺσ ἐσομένουσ, ἐπεὶ καὶ τὸ δαιμόνιον αὐτοὺσ εἰσ τήνδε μόνην ἄγει τὴν χώραν, ἐξηγούμενοι τὸ λόγιον. τοῖσ δὲ Ἀβοριγῖσι ταῦτα πυθομένοισ ἐδόκει πείθεσθαι τῷ θεοπροπίῳ καὶ λαβεῖν συμμαχίαν Ἑλληνικὴν κατὰ τῶν διαφόρων σφίσι βαρβάρων, πονουμένοισ τῷ πρὸσ τοὺσ Σικελοὺσ πολέμῳ.

σπένδονταί τε δὴ πρὸσ τοὺσ Πελασγοὺσ καὶ διδόασιν αὐτοῖσ χωρία τῆσ ἑαυτῶν ἀποδασάμενοι τὰ περὶ τὴν ἱερὰν λίμνην, ἐν οἷσ ἦν τὰ πολλὰ ἑλώδη, ἃ νῦν κατὰ τὸν ἀρχαῖον τῆσ διαλέκτου τρόπον Οὐέλια ὀνομάζεται. σύνηθεσ γὰρ ἦν τοῖσ ἀρχαίοισ Ἕλλησιν ὡσ τὰ πολλὰ προτιθέναι τῶν ὀνομάτων, ὁπόσων αἱ ἀρχαὶ ἀπὸ φωνηέντων ἐγίνοντο, τὴν ου συλλαβὴν ἑνὶ στοιχείῳ γραφομένην.

τοῦτο δ’ ἦν ὥσπερ γάμμα διτταῖσ ἐπὶ μίαν ὀρθὴν ἐπιζευγνύμενον ταῖσ πλαγίοισ, ὡσ ϝελένη καὶ ϝάναξ καὶ ϝοῖκοσ καὶ ϝαὴρ καὶ πολλὰ τοιαῦτα.

ἔπειτα μοῖρά τισ αὐτῶν οὐκ ἐλαχίστη, ὡσ ἡ γῆ πᾶσιν οὐκ ἀπέχρη, πείσαντεσ τοὺσ Ἀβοριγῖνασ συνάρασθαί σφισι τῆσ ἐξόδου στρατεύουσιν ἐπὶ τοὺσ Ὀμβρικοὺσ καὶ πόλιν αὐτῶν εὐδαίμονα καὶ μεγάλην ἄφνω προσπεσόντεσ αἱροῦσι Κρότωνα·

ταύτῃ φρουρίῳ καὶ ἐπιτειχίσματι κατὰ τῶν Ὀμβρικῶν χρώμενοι, κατεσκευασμένῃ τε ὡσ ἔρυμα εἶναι πολέμου ἀποχρώντωσ καὶ χώραν ἐχούσῃ τὴν πέριξ εὔβοτον, πολλῶν καὶ ἄλλων ἐκράτησαν χωρίων τοῖσ τε Ἀβοριγῖσι τὸν πρὸσ τοὺσ Σικελοὺσ πόλεμον ἔτι συνεστῶτα πολλῇ προθυμίᾳ συνδιέφερον, ἑώσ ἐξήλασαν αὐτοὺσ ἐκ τῆσ σφετέρασ. ὑπὸ τῶν Σικελῶν, τὰσ δ’ αὐτοὶ κατασκευάσαντεσ, ᾤκουν οἱ Πελασγοὶ κοινῇ μετὰ τῶν Ἀβοριγίνων, ὧν ἐστιν ἥ τε Καιρητανῶν πόλισ, Ἄγυλλα δὲ τότε καλουμένη, καὶ Πίσα καὶ Σατορνία καὶ Ἄλσιον καὶ ἄλλαι τινὲσ, ἃσ ἀνὰ χρόνον ὑπὸ Τυρρηνῶν ἀφῃρέθησαν.

일치하는 문장이 없습니다.

SEARCH

MENU NAVIGATION