Dionysius of Halicarnassus, Antiquitates Romanae, book 1, chapter 46

(디오니시오스, Antiquitates Romanae, book 1, chapter 46)

Ἰλίου κρατηθέντοσ ὑπ’ Ἀχαιῶν, εἴτε τοῦ δουρείου ἵππου τῇ ἀπάτῃ, ὡσ Ὁμήρῳ πεποίηται, εἴτε τῇ προδοσίᾳ τῶν Ἀντηνοριδῶν εἴτε ἄλλωσ πωσ, τὸ μὲν ἄλλο πλῆθοσ ἐν τῇ πόλει Τρωικόν τε καὶ συμμαχικὸν ἐν ταῖσ εὐναῖσ ἔτι καταλαμβανόμενον ἐφονεύετο ̔νυκτὸσ γὰρ δὴ τὸ δεινὸν ἀφυλάκτοισ αὐτοῖσ ἐπιστῆναι ἐοίκεν’, Αἰνείασ δὲ καὶ οἱ σὺν αὐτῷ παρόντεσ Ἰλιεῦσιν ἐπίκουροι Τρῶεσ ἐκ Δαρδάνου τε πόλεωσ καὶ Ὀφρυνίου τῶν τε ἄλλων ὅσοι τῆσ κάτω πόλεωσ ἁλισκομένησ ἔφθασαν αἴσθησιν τοῦ δεινοῦ λαβεῖν, ἐπὶ τὰ καρτερὰ τοῦ Περγάμου συμφυγόντεσ τὴν ἀκρόπολιν ἰδίῳ τείχει φρουρουμένην καταλαμβάνονται, ἐν ᾗ καὶ ἱερὰ τὰ πατρῷα τοῖσ Τρωσὶν ἦν καὶ χρημάτων ὁ πολὺσ πλοῦτοσ, οἱᾶ εἰκὸσ ἐν ἐχυρῷ, καὶ τοῦ στρατιωτικοῦ τὸ κράτιστον· ἔνθα ὑπομένοντεσ ἀπεκρούοντο τοὺσ πειρωμένουσ ἐπιβαίνειν τῆσ ἄκρασ καὶ τὸ διαπῖπτον ὑπὸ τῆσ ἁλώσεωσ πλῆθοσ ἐμπειρίᾳ στενωπῶν ὑποθέοντεσ ἀνελάμβανον·

καὶ ἐγένετο τοῦ καταληφθέντοσ πλεῖον τὸ διαφυγόν.

τὴν μὲν δὴ αὐτίκα ὁρμὴν τῶν πολεμίων, ἣν εἶχον ὅλην διαχρήσασθαι τὴν πόλιν, καὶ τὸ μὴ πᾶν ἐξ ἐφόδου καταληφθῆναι τὸ ἄστυ τοῦτο τὸ μηχάνημα ἐξευρὼν Αἰνείασ ἐπέσχε. λογισμὸν δὲ τὸν εἰκότα περὶ τοῦ μέλλοντοσ λαμβάνων, ὡσ ἀμήχανον εἰή πρᾶγμα σῶσαι πόλιν, ἧσ τὰ πλείω ἤδη ἐκρατεῖτο, εἰσ νοῦν βάλλεται τοῦ μὲν τείχουσ ἐρήμου παραχωρῆσαι τοῖσ πολεμίοισ, τὰ δὲ σώματα αὐτὰ καὶ τὰ ἱερὰ τὰ πατρῷα καὶ χρήματα ὁπόσα φέρειν δύναιτο διασώσασθαι. δόξαν δὲ αὐτῷ, παῖδασ μὲν καὶ γυναῖκασ καὶ τὰ γηραιὰ σώματα καὶ ὁπόσοισ ἄλλοισ βραδείασ ἔδει φυγῆσ προεξελθεῖν κελεύει τῆσ πόλεωσ κατὰ τὰσ ἐπὶ τὴν Ἴδην φερούσασ ὁδοὺσ, ἑώσ Ἀχαιοὶ τὴν ἄκραν ἑλεῖν προθυμούμενοι διώξεωσ τοῦ διαπίπτοντοσ ἐκ τῆσ πόλεωσ πλήθουσ οὐδὲν προεμηχανῶντο, τοῦ δὲ στρατιωτικοῦ τὸ μὲν ἐπὶ φυλακῇ τῶν ἐξιόντων ἔταξεν, ὡσ ἀσφαλήσ τε καὶ ἀταλαίπωροσ ἐκ τῶν ἐνόντων ἡ φυγὴ αὐτοῖσ γένοιτο, εἴρητο δὲ τούτοισ τὰ καρτερώτατα καταλαβέσθαι τῆσ Ἴδησ·

τὸ δὲ λοιπὸν, ὃ δὴ κράτιστον ἦν, αὐτὸσ ἔχων ὑπέμενεν ἐπὶ τοῦ τείχουσ καὶ παρεῖχε τοῖσ προεξελθοῦσιν ἧττον ἐπιπόνουσ διηρτημένων τειχομαχίᾳ τῶν πολεμίων τὰσ φυγάσ.

Νεοπτολέμου δὲ σὺν τοῖσ ἀμφ’ αὐτὸν ἐπιβάντοσ μέρουσ τινὸσ τῆσ ἄκρασ καὶ προσβοηθησάντων αὐτοῖσ Ἀχαιῶν ἁπάντων τῆσ μὲν ἄκρασ μεθίεται, ἀνοίξασ δὲ τὰσ πύλασ ἀπῄει συντεταγμένουσ ἔχων τοὺσ λοιποὺσ φυγάδασ, ἀγόμενοσ ἐπὶ ταῖσ κρατίσταισ συνωρίσι τόν τε πατέρα καὶ θεοὺσ τοὺσ πατρῴουσ γυναῖκά τε καὶ τέκνα καὶ τῶν ἄλλων εἴ τι πλείστου ἄξιον ἦν σῶμα ἢ χρῆμα.

일치하는 문장이 없습니다.

SEARCH

MENU NAVIGATION