Dionysius of Halicarnassus, Antiquitates Romanae, book 1, chapter 9

(디오니시오스, Antiquitates Romanae, book 1, chapter 9)

τὴν ἡγεμόνα γῆσ καὶ θαλάσσησ ἁπάσησ πόλιν, ἣν νῦν κατοικοῦσι Ῥωμαῖοι, παλαιότατοι τῶν μνημονευομένων λέγονται κατασχεῖν βάρβαροι Σικελοί, ἔθνοσ αὐθιγενέσ· τὰ δὲ πρὸ τούτων οὔθ’ ὡσ κατείχετο πρὸσ ἑτέρων οὔθ’ ὡσ ἔρημοσ ἦν οὐδεὶσ ἔχει βεβαίωσ εἰπεῖν.

χρόνῳ δὲ ὕστερον Ἀβοριγῖνεσ αὐτὴν παραλαμβάνουσι πολέμῳ μακρῷ τοὺσ ἔχοντασ ἀφελόμενοι· οἳ τὸ μὲν πρότερον ἐπὶ τοῖσ ὄρεσιν ᾤκουν ἄνευ τειχῶν κωμηδὸν καὶ σποράδεσ, ἐπεὶ δὲ Πελασγοί τε καὶ τῶν ἄλλων Ἑλλήνων τινὲσ ἀναμιχθέντεσ αὐτοῖσ συνήραντο τοῦ πρὸσ τοὺσ ὁμοτέρμονασ πολέμου, τὸ Σικελικὸν γένοσ ἀπαναστήσαντεσ ἐξ αὐτῆσ πόλεισ περιεβάλοντο συχνὰσ καὶ παρεσκεύασαν ὑπήκοον αὑτοῖσ γενέσθαι πᾶσαν ὅσην ὁρίζουσι ποταμοὶ δύο Λῖρισ καὶ Τέβερισ·

Ὠστίασ πόλεωσ πλησίον ἐκδιδούσ, ἀπὸ δὲ τοῦ μεσημβρινοῦ κλίματοσ ὁ Λῖρισ Μίντουρναν παραμειβόμενοσ·

Ῥωμαίων δέ εἰσιν αἱ πόλεισ ἀμφότεραι ἄποικοι.

καὶ διέμειναν ἐπὶ τῆσ αὐτῆσ οἰκήσεωσ οὐκέτι πρὸσ ἑτέρων ἐξελαθέντεσ, ὀνομάτων ἀλλαγαῖσ διτταῖσ οἱ αὐτοὶ ἄνθρωποι προσαγορευόμενοι, μέχρι μὲν τοῦ Τρωικοῦ πολέμου τὴν ἀρχαίαν τῶν Ἀβοριγίνων ὀνομασίαν ἔτι σώζοντεσ, ἐπὶ δὲ Λατίνου βασιλέωσ, ὃσ κατὰ τὸν Ἰλιακὸν πόλεμον ἐδυνάστευε, Λατῖνοι ἀρξάμενοι καλεῖσθαι. Ῥωμύλου δὲ τὴν ἐπώνυμον αὑτοῦ πόλιν οἰκίσαντοσ ἑκκαίδεκα γενεαῖσ τῶν Τρωικῶν ὕστερον, ἣν νῦν ἔχουσιν ὀνομασίαν μεταλαβόντεσ, ἔθνοσ τε μέγιστον ἐξ ἐλαχίστου γενέσθαι σὺν χρόνῳ παρεσκεύασαν καὶ περιφανέστατον ἐξ ἀδηλοτάτου, τῶν τε δεομένων οἰκήσεωσ παρὰ σφίσι φιλανθρώπῳ ὑποδοχῇ καὶ πολιτείασ μεταδόσει τοῖσ μετὰ τοῦ γενναίου ἐν πολέμῳ κρατηθεῖσι, δούλων τε ὅσοι παρ’ αὐτοῖσ ἐλευθερωθεῖεν ἀστοῖσ εἶναι συγχωρήσει, τύχησ τε ἀνθρώπων οὐδεμιᾶσ εἰ μέλλοι τὸ κοινὸν ὠφελεῖν ἀπαξιώσει·

ὑπὲρ ταῦτα δὲ πάντα κόσμῳ τοῦ πολιτεύματοσ, ὃν ἐκ πολλῶν κατεστήσαντο παθημάτων, ἐκ παντὸσ καιροῦ λαμβάνοντέσ τι χρήσιμον.

일치하는 문장이 없습니다.

SEARCH

MENU NAVIGATION