Dionysius of Halicarnassus, Antiquitates Romanae, book 1, chapter 28

(디오니시오스, Antiquitates Romanae, book 1, chapter 28)

τούτῳ τῷ λόγῳ πολλοὺσ καὶ ἄλλουσ συγγραφεῖσ περὶ τοῦ Τυρρηνῶν γένουσ χρησαμένουσ ἐπίσταμαι, τοὺσ μὲν κατὰ ταὐτά, τοὺσ δὲ μεταθέντασ τὸν οἰκισμὸν καὶ τὸν χρόνον. ἔλεξαν γὰρ δή τινεσ Ἡρακλέουσ υἱὸν εἶναι τὸν Τυρρηνὸν ἐξ Ὀμφάλησ τῆσ Λυδῆσ γενόμενον· τοῦτον δ’ ἀφικόμενον εἰσ Ἰταλίαν ἐκβαλεῖν τοὺσ Πελασγοὺσ ἐκ τῶν πόλεων οὐχ ἁπασῶν, ἀλλ’ ὅσαι πέραν ἦσαν τοῦ Τεβέριοσ ἐν τῷ βορείῳ μέρει. ἕτεροι δὲ Τηλέφου παῖδα τὸν Τυρρηνὸν ἀποφαίνουσιν, ἐλθεῖν δὲ μετὰ τὴν Τροίασ ἅλωσιν εἰσ Ἰταλίαν.

Ξάνθοσ δὲ ὁ Λυδὸσ ἱστορίασ παλαιᾶσ εἰ καί τισ ἄλλοσ ἔμπειροσ ὤν, τῆσ δὲ πατρίου καὶ βεβαιωτὴσ ἂν οὐδενὸσ ὑποδεέστεροσ νομισθείσ, οὔτε Τυρρηνὸν ὠνόμακεν οὐδαμοῦ τῆσ γραφῆσ δυνάστην Λυδῶν οὔτε ἀποικίαν Μῃόνων εἰσ Ἰταλίαν κατασχοῦσαν ἐπίσταται Τυρρηνίασ τε μνήμην ὡσ Λυδῶν ἀποκτίσεωσ ταπεινοτέρων ἄλλων μεμνημένοσ οὐδεμίαν πεποίηται·

Ἄτυοσ δὲ παῖδασ γενέσθαι λέγει Λυδὸν καὶ Τόρηβον, τούτουσ δὲ μερισαμένουσ τὴν πατρῴαν ἀρχὴν ἐν Ἀσίᾳ καταμεῖναι ἀμφοτέρουσ· καὶ τοῖσ ἔθνεσιν ὧν ἦρξαν ἐπ’ ἐκείνων φησὶ τεθῆναι τὰσ ὀνομασίασ, λέγων ὧδε· ἁ̓πὸ Λυδοῦ μὲν γίνονται Λυδοὶ, ἀπὸ Τορήβου δὲ Τόρηβοι. τούτων ἡ γλῶσσα ὀλίγον παραφέρει, καὶ νῦν ἔτι σιλλοῦσιν ἀλλήλουσ ῥήματα οὐκ ὀλίγα, ὥσπερ Ιὤνεσ καὶ Δωριεῖσ’. Ἑλλάνικοσ δὲ ὁ Λέσβιοσ τοὺσ Τυρρηνούσ φησι Πελασγοὺσ πρότερον καλουμένουσ, ἐπειδὴ κατῴκησαν ἐν Ἰταλίᾳ, παραλαβεῖν ἣν νῦν ἔχουσι προσηγορίαν. ἔχει δὲ αὐτῷ ἐν Φορωνίδι ὁ λόγοσ ὧδε·

̔τοῦ Πελασγοῦ τοῦ βασιλέοσ αὐτῶν καὶ Μενίππησ τῆσ Πηνειοῦ ἐγένετο Φράστωρ, τοῦ δὲ Ἀμύντωρ, τοῦ δὲ Τευταμίδησ, τοῦ δὲ Νάνασ. ἐπὶ τούτου βασιλεύοντεσ οἱ Πελασγοὶ ὑπ’ Ἑλλήνων ἀνέστησαν, καὶ ἐπὶ Σπινῆτι ποταμῷ ἐν τῷ Ιὀνίῳ κόλπῳ τὰσ νῆασ καταλιπόντεσ Κρότωνα πόλιν ἐν μεσογείῳ εἷλον καὶ ἐντεῦθεν ὁρμώμενοι τὴν νῦν καλεομένην Τυρσηνίην ἔκτισαν’. Μυρσίλοσ δὲ τὰ ἔμπαλιν ἀποφαινόμενοσ Ἑλλανίκῳ τοὺσ Τυρρηνούσ φησιν, ἐπειδὴ τὴν ἑαυτῶν ἐξέλιπον, ἐν τῇ πλάνῃ μετονομασθῆναι Πελαργοὺσ, τῶν ὀρνέων τοῖσ καλουμένοισ πελαργοῖσ εἰκασθέντασ, ὡσ κατ’ ἀγέλασ ἐφοίτων εἴσ τε τὴν Ἑλλάδα καὶ τὴν βάρβαρον·

καὶ τοῖσ Ἀθηναίοισ τὸ τεῖχοσ τὸ περὶ τὴν ἀκρόπολιν, τὸ Πελαργικὸν καλούμενον, τούτουσ περιβαλεῖν.

일치하는 문장이 없습니다.

SEARCH

MENU NAVIGATION