Dionysius of Halicarnassus, Antiquitates Romanae, book 1, chapter 70

(디오니시오스, Antiquitates Romanae, book 1, chapter 70)

Ἀσκανίου δὲ ὀγδόῳ καὶ τριακοστῷ ἔτει τῆσ βασιλείασ τελευτήσαντοσ παρέλαβε τὴν ἡγεμονίαν Σιλούιοσ ἀδελφὸσ ὢν Ἀσκανίου, μετὰ τὸν Αἰνείου θάνατον γενόμενοσ ἐκ Λαύνασ τῆσ Λατίνου θυγατρόσ, ὅν φασιν ἐν τοῖσ ὄρεσιν ὑπὸ τῶν νομέων ἐκτραφῆναι. τοῦ γὰρ Ἀσκανίου παραλαβόντοσ τὴν βασιλείαν περιδεὴσ ἡ Λαῦνα γενομένη μή τι δεινὸν ὑπ’ αὐτοῦ πάθῃ κατὰ τὸ τῆσ μητρυιᾶσ ὄνομα, ἐγκύμων οὖσα δίδωσιν ἑαυτὴν Τυρρηνῷ τινι συοφορβίων ἐπιμελητῇ βασιλικῶν, ὃν ᾔδει Λατίνῳ γενόμενον ἐν τοῖσ μάλιστα προσήγορον.

ὁ δ’ εἰσ ὕλασ ἐρήμουσ ἀγαγὼν αὐτὴν ὡσ τῶν ἐπιτυχουσῶν τινα, φυλαττόμενοσ ὀφθῆναι τοῖσ εἰδόσιν ἔτρεφεν ἐν τῇ νάπῃ κατασκευάσασ οἴκησιν οὐ πολλοῖσ γνώριμον καὶ τὸ παιδίον γενόμενον ἀναιρεῖταί τε καὶ τρέφει Σιλούιον ὀνομάσασ ἀπὸ τῆσ ὕλησ, ὥσπερ ἂν εἴ τισ Ελλάδι γλώσσῃ λέξειεν Ὑλαῖον.

χρόνου δὲ προϊόντοσ ὡσ πολλὴν ζήτησιν ἔγνω τῆσ γυναικὸσ ὑπὸ τῶν Λατίνων γινομένην καὶ δι’ αἰτίασ ὄντα παρὰ τῷ πλήθει τὸν Ἀσκάνιον, ὡσ ἀνῃρηκότα τὴν παιδίσκην, φράζει τῷ δήμῳ τὸ πρᾶγμα καὶ τὴν ἄνθρωπον ἄγει μετὰ τοῦ παιδὸσ ἐκ τῆσ νάπησ.

ἐπειδὴ τὸν ἀδελφὸν αὐτοῦ τελευτῆσαι συνέπεσεν, ἀμφίλογον γενομένην πρὸσ ἕνα τὸν πρεσβεύσαντα τῶν Ἀσκανίου παίδων Ιοὔλον ἀξιοῦντα τὴν πατρῴαν ἀρχὴν διαδέξασθαι.

τὴν δὲ δίκην ἐπεψήφισεν ὁ δῆμοσ ἄλλοισ τε ὑπαχθεὶσ λόγοισ καὶ οὐχ ἥκιστα ὅτι μητρὸσ ἦν ὁ Σιλούϊοσ ἐπικλήρου τῆσ ἀρχῆσ.

Ιοὔλῳ δὲ ἀντὶ τῆσ βασιλείασ ἱερά τισ ἐξουσία προσετέθη καὶ τιμὴ τῷ τε ἀκινδύνῳ προὔχουσα τῆσ μοναρχίασ καὶ τῇ ῥαστώνῃ τοῦ βίου, ἣν ἔτι καὶ εἰσ ἐμὲ τὸ ἐξ αὐτοῦ γένοσ ἐκαρποῦτο, Ιοὔλιοι κληθέντεσ ἀπ’ ἐκείνου. ἐγένετο δὲ μέγιστοσ ἅμα καὶ λαμπρότατοσ οἴκων οὗτοσ, ὧν ἡμεῖσ ἴσμεν, ἄνδρασ τε διαφορωτάτουσ ἡγεμόνων ἤνεγκεν, οἷσ τὸ εὐγενὲσ αἱ ἀρεταὶ μὴ ἀπιστεῖσθαι παρέσχον· ὑπὲρ ὧν ἐν ἄλλῳ δηλωθήσεται λόγῳ τὰ προσήκοντα.

일치하는 문장이 없습니다.

SEARCH

MENU NAVIGATION