Dionysius of Halicarnassus, Antiquitates Romanae, book 1, chapter 5

(디오니시오스, Antiquitates Romanae, book 1, chapter 5)

ἐπιδείξειν ὑπισχνοῦμαι καὶ οὐκ ἐκ τῶν ἐλαχίστων ἢ φαυλοτάτων ἐθνῶν συνεληλυθότασ. περὶ δὲ τῶν πράξεων, ἃσ μετὰ τὸν οἰκισμὸν εὐθέωσ ἀπεδείξαντο, καὶ περὶ τῶν ἐπιτηδευμάτων, ἐξ ὧν εἰσ τοσαύτην ἡγεμονίαν προῆλθον οἱ μετ’ αὐτοὺσ, ἀπὸ τῆσ μετὰ ταύτην ἀρξάμενοσ ἀναγραφῆσ ἀφηγήσομαι, παραλιπὼν οὐδὲν ὅση μοι δύναμισ τῶν ἀξίων ἱστορίασ, ἵνα τοῖσ γε μαθοῦσι τὴν ἀλήθειαν ἃ προσήκει περὶ τῆσ πόλεωσ τῆσδε παραστῇ φρονεῖν, εἰ μὴ παντάπασιν ἀγρίωσ καὶ δυσμενῶσ διάκεινται πρὸσ αὐτήν, καὶ μήτε ἄχθεσθαι τῇ ὑποτάξει κατὰ τὸ εἰκὸσ γενομένῃ φύσεωσ γὰρ δὴ νόμοσ ἅπασι κοινόσ, ὃν οὐδεὶσ καταλύσει χρόνοσ, ἄρχειν ἀεὶ τῶν ἡττόνων τοὺσ κρείττονασ’ μήτε κατηγορεῖν τῆσ τύχησ, ὡσ οὐκ ἐπιτηδείῳ πόλει τηλικαύτην ἡγεμονίαν καὶ τοσοῦτον ἤδη χρόνον προῖκα δωρησαμένησ·

μαθοῦσί γε δὴ παρὰ τῆσ ἱστορίασ, ὅτι μυρίασ ἤνεγκεν ἀνδρῶν ἀρετὰσ εὐθὺσ ἐξ ἀρχῆσ μετὰ τὸν οἰκισμὸν, ὧν οὔτ’ εὐσεβεστέρουσ οὔτε δικαιοτέρουσ οὔτε σωφροσύνῃ πλείονι παρὰ πάντα τὸν βίον χρησαμένουσ οὐδέ γε τὰ πολέμια κρείττουσ ἀγωνιστὰσ οὐδεμία πόλισ ἤνεγκεν οὔτε Ἑλλὰσ οὔτε βάρβαροσ, εἰ δὴ ἀπέσται τοῦ λόγου τὸ ἐπίφθονον·

ἔχει γάρ τι καὶ τοιοῦτον ἡ τῶν παραδόξων καὶ θαυμαστῶν ὑπόσχεσισ.

οἱ δὲ σύμπαντεσ οἱ τοσοῦτο περιθέντεσ αὐτῇ δυναστείασ μέγεθοσ ἀγνοοῦνται πρὸσ Ἑλλήνων, οὐ τυχόντεσ ἀξιολόγου συγγραφέωσ·

일치하는 문장이 없습니다.

SEARCH

MENU NAVIGATION