Dionysius of Halicarnassus, Antiquitates Romanae, book 1, chapter 83

(디오니시오스, Antiquitates Romanae, book 1, chapter 83)

Φαιστύλοσ δὲ τῆσ ἀλόγου πραότητοσ ὑποψίᾳ κινηθεὶσ μὴ φρονεῖν αὐτὸν ὅμοια τοῖσ λόγοισ ἀποκρίνεται ὧδε· οἱ μὲν παῖδέσ εἰσιν ἐν τοῖσ ὄρεσι βουκολοῦντεσ, ὅσπερ ἐκείνων βίοσ, ἐγὼ δ’ ἐπέμφθην παρ’ αὐτῶν τῇ μητρὶ δηλώσων ἐν αἷσ εἰσι τύχαισ· ταύτην δὲ παρά σοι φυλάττεσθαι ἀκούων δεήσεσθαι τῆσ σῆσ θυγατρὸσ ἔμελλον, ἵνα με πρὸσ αὐτὴν ἀγάγοι. τὴν δὲ σκάφην ἔφερον, ἵν’ ἔχω δεικνύναι τεκμήριον ἐμφανὲσ ἅμα τοῖσ λόγοισ. νῦν οὖν ἐπεὶ δέδοκταί σοι τοὺσ νεανίσκουσ δεῦρο κομίσαι χαίρω τε, καὶ πέμψον οὕσ2τινασ βούλει σὺν ἐμοί.

δείξω μὲν οὖν τοῖσ ἐλθοῦσι τοὺσ παῖδασ, φράσουσι δ’ αὐτοῖσ ἐκεῖνοι τὰ παρά σου. ὁ μὲν δὴ ταῦτ’ ἔλεγεν ἀναβολὴν εὑρέσθαι βουλόμενοσ τοῖσ παισὶ τοῦ θανάτου καὶ ἅμα αὐτὸσ ἀποδράσεσθαι τοὺσ ἄγοντασ, ἐπειδὰν ἐν τοῖσ ὄρεσι γένηται, ἐλπίσασ.

Ἀμόλιοσ δὲ τοῖσ πιστοτάτοισ τῶν ὁπλοφόρων ἐπιστείλασ κρύφα, οὓσ ἂν ὁ συοφορβὸσ αὐτοῖσ δείξῃ συλλαβόντασ ὡσ αὐτὸν ἄγειν, ἀποστέλλει διαταχέων. ταῦτα δὲ διαπραξάμενοσ αὐτίκα γνώμην ἐποιεῖτο καλέσασ τὸν ἀδελφὸν ἐν φυλακῇ ἀδέσμῳ ἔχειν, ἑώσ ἂν εὖ θῆται τὰ παρόντα, καὶ αὐτὸν ὡσ ἐπ’ ἄλλο δή τι ἐκάλει. ὁ δὲ ἀποσταλεὶσ ἄγγελοσ εὐνοίᾳ τε τοῦ κινδυνεύοντοσ καὶ ἐλέῳ τῆσ τύχησ ἐπιτρέψασ κατήγοροσ γίνεται Νεμέτορι τῆσ Ἀμολίου γνώμησ.

ὁ δὲ τοῖσ παισὶ δηλώσασ τὸν κατειληφότα κίνδυνον αὐτοὺσ καὶ παρακελευσάμενοσ ἄνδρασ ἀγαθοὺσ γενέσθαι παρῆν ἄγων ὡπλισμένουσ ἐπὶ τὰ βασίλεια τῶν τε ἄλλων πελατῶν καὶ ἑταίρων καὶ θεραπείασ πιστῆσ χεῖρα οὐκ ὀλίγην. ἧκον δὲ καὶ οἱ ἐκ τῶν ἀγρῶν συνελθόντεσ εἰσ τὴν πόλιν ἐκλιπόντεσ τὴν ἀγορὰν ἔχοντεσ ὑπὸ ταῖσ περιβολαῖσ ξίφη κεκρυμμένα, στῖφοσ καρτερόν. βιασάμενοι δὲ τὴν εἴσοδον ἀθρόᾳ ὁρμῇ πάντεσ οὐ πολλοῖσ ὁπλίταισ φρουρουμένην ἀποσφάττουσιν εὐπετῶσ Ἀμόλιον καὶ μετὰ τοῦτο τὴν ἄκραν καταλαμβάνονται. ταῦτα μὲν οὖν τοῖσ περὶ Φάβιον εἴρηται.

일치하는 문장이 없습니다.

SEARCH

MENU NAVIGATION