Dionysius of Halicarnassus, Antiquitates Romanae, book 1, chapter 78

(디오니시오스, Antiquitates Romanae, book 1, chapter 78)

Ἀμόλιοσ δὲ εἴτε κατὰ τὴν συνείδησιν τῶν πραχθέντων εἴτε ὑπονοίᾳ τῶν εἰκότων προαχθεὶσ ἔρευναν ἐποιεῖτο τῆσ χρονίου τῶν ἱερῶν ἀποστάσεωσ, κατὰ τίνα γίνεται μάλιστ’ αἰτίαν ἰατρούσ τε οἷσ μάλιστα ἐπίστευεν εἰσπέμπων καὶ, ἐπειδὴ τὴν νόσον αἱ γυναῖκεσ ἀπόρρητον ἀνθρώποισ ᾐτιῶντο εἶναι, τὴν ἑαυτοῦ γυναῖκα φύλακα τῆσ κόρησ καταλιπών. ὡσ δὲ κατήγοροσ αὕτη τοῦ πάθουσ ἐγένετο γυναικείᾳ τεκμάρσει τὸ ἀφανὲσ τοῖσ ἄλλοισ ἀνευροῦσα, τῆσ μὲν παιδόσ, ὡσ μὴ λάθῃ τεκοῦσα ἡ̓͂ν δὲ οὐ πρόσω τοῦ τόκοὐ φυλακὴν ἐποιεῖτο δι’ ὅπλων·

τοὺσ ἄλλουσ φθορᾶσ μηνυτὴσ γίνεται καὶ ᾐτιᾶτο συγκακουργεῖν τῇ κόρῃ τοὺσ γονεῖσ ἐκέλευέ τε μὴ κρύπτειν τὸν εἰργασμένον, ἀλλ’ εἰσ μέσον ἄγειν.

Νεμέτωρ δὲ παραδόξων τε λόγων ἀκούειν ἔφη καὶ παντὸσ ἀναίτιοσ εἶναι τοῦ λεγομένου χρόνον τε ἠξίου βασάνου τῆσ ἀληθείασ ἕνεκα λαβεῖν·

τυχὼν δὲ ἀναβολῆσ μόλισ, ἐπειδὴ τὸ πρᾶγμα παρὰ τῆσ γυναικὸσ ἔμαθεν ὡσ ἡ παῖσ ἐν ἀρχαῖσ ἀφηγήσατο, τόν τε βιασμὸν τὸν ὑπὸ τοῦ θεοῦ γενόμενον ἀπέφαινε καὶ τοὺσ λεχθέντασ ὑπ’ αὐτοῦ περὶ τῶν διδύμων παίδων λόγουσ διεξῆλθεν ἠξίου τε πίστιν ποιήσασθαι ταύτην τῶν λεγομένων, εἰ τοιοῦτοσ ὁ τῆσ ὠδῖνοσ ἔσται γόνοσ, οἱο͂ν ὁ θεὸσ ὑφηγήσατο. καὶ γὰρ ὁμοῦ τι τῷ τίκτειν εἶναι τὴν κόρην, ὥστε οὐκ εἰσ μακρὰν ῥᾳδιουργεῖν φανήσεται. παρεδίδου δὲ καὶ τὰσ φυλαττούσασ τὴν κόρην καὶ ἐλέγχων οὐδενὸσ ἀφίστατο. ταῦτα λέγοντοσ αὐτοῦ τὸ μὲν τῶν συνέδρων πλῆθοσ ἐπείθετο, Ἀμόλιοσ δὲ οὐδὲν ὑγιὲσ ἀπέφαινε τῶν ἀξιουμένων, ἀλλ’ ἐκ παντὸσ ὡρ́μητο τρόπου τὴν ἄνθρωπον ἀπολέσαι.

ἐν ὅσῳ δὲ ταῦτ’ ἐγένετο παρῆσαν οἱ τὴν ὠδῖνα φρουρεῖν ταχθέντεσ ἀποφαίνοντεσ ἄρρενα βρέφη δίδυμα τεκεῖν τὴν κόρην, καὶ αὐτίκα Νεμέτωρ μὲν ἐν τῷ αὐτῷ πολὺσ ἦν λόγῳ τοῦ θεοῦ τε ἀποδεικνὺσ τὸ ἔργον καὶ μηδὲν εἰσ τὴν κόρην ἀναίτιον οὖσαν τοῦ πάθουσ παρανομεῖν ἀξιῶν·

Ἀμολίῳ δὲ τῶν ἀνθρωπείων τι μηχανημάτων καὶ τὸ περὶ τὸν τόκον ἐδόκει γενέσθαι παρασκευασθέντοσ ἑτέρου ταῖσ γυναιξὶ βρέφουσ ἢ κρύφα τῶν φυλάκων ἢ συγκακουργούντων, καὶ πολλὰ εἰσ τοῦτο ἐλέχθη. ὡσ δὲ τὴν γνώμην τοῦ βασιλέωσ ἔμαθον οἱ σύνεδροι ἀπαραιτήτῳ τῇ ὀργῇ χρωμένην ἐδικαίωσαν καὶ αὐτοὶ καθάπερ ἐκεῖνοσ ἠξίου χρήσασθαι τῷ νόμῳ κελεύοντι τὴν μὲν αἰσχύνασαν τὸ σῶμα ῥάβδοισ αἰκισθεῖσαν ἀποθανεῖν, τὸ δὲ γεννηθὲν εἰσ τὸ τοῦ ποταμοῦ βάλλεσθαι ῥεῖθρον·

νῦν μέντοι ζώσασ κατορύττεσθαι τὰσ τοιαύτασ ὁ τῶν ἱερῶν ἀγορεύει νόμοσ.

일치하는 문장이 없습니다.

SEARCH

MENU NAVIGATION