헬라어 문장 검색 - Παυσαν́Δεσξριπ́9́40́

(파우사니아스, Description of Greece, Βοιωτικά, chapter 40)

τὸ δὲ μαντεῖον οἱ Βοιωτοὶ τοῦτο οὐ πεπυσμένοι πρότερον ἐπ’ αἰτίᾳ τοιᾷδε ἔγνωσαν. θεωροὺσ ἀφ’ ἑκάστησ πόλεωσ ἄνδρασ ἀποστέλλουσιν ἐσ Δελφούσ· οὐ γὰρ δή σφισιν ἔτοσ δεύτερον ὑε͂ν ὁ θεόσ. τούτοισ αἰτοῦσιν ἐπανόρθωμα τοῦ αὐχμοῦ προσέταξεν ἡ Πυθία παρὰ Τροφώνιον ἐσ Λεβάδειαν ἐλθοῦσιν εὑρ́ασθαι παρὰ ἐκείνου τὸ ἰάμα. ὡσ δὲ ἐσ τὴν Λεβάδειαν ἐλθόντεσ οὐκ ἐδύναντο εὑρεῖν τὸ μαντεῖον, ἐνταῦθα τῶν ἐξ Ἀκραιφνίου πόλεωσ Σάων ‐ οὗτοσ δὲ ἦν καὶ ἡλικίᾳ τῶν θεωρῶν πρεσβύτατοσ ‐ εἶδεν ἑσμὸν μελισσῶν, <καὶ παρέστη οἱ,> ὅποι ποτ’ ἂν ἀποτράπωνται, καὶ αὐτὸσ ἕπεσθαι.

αὐτίκα δὴ τὰσ μελίσσασ ἐσ τοῦτο ἐσπετομένασ ὁρᾷ τῆσ γῆσ, καὶ συνεσῆλθέ σφισιν ἐσ τὸ μαντεῖον. καθεστηκυῖαν, καὶ ὁπόσα περὶ τὸ χρηστήριον δρῶσιν ἄλλα, διδαχθῆναι παρὰ τοῦ Τροφωνίου φασίν.

Δαιδάλου δὲ τῶν ἔργων δύο μὲν ταῦτά ἐστιν ἐν Βοιωτοῖσ, Ἡρακλῆσ τε ἐν Θήβαισ καὶ παρὰ Λεβαδεῦσιν ὁ Τροφώνιοσ, τοσαῦτα δὲ ἕτερα ξόανα ἐν Κρήτῃ, Βριτόμαρτισ ἐν Ὀλοῦντι καὶ Ἀθηνᾶ παρὰ Κνωσσίοισ·

παρὰ τούτοισ δὲ καὶ ὁ τῆσ Ἀριάδνησ χορόσ, οὗ καὶ Ὅμηροσ ἐν Ἰλιάδι μνήμην ἐποιήσατο, ἐπειργασμένοσ ἐστὶν ἐπὶ λευκοῦ λίθου. καὶ Δηλίοισ Ἀφροδίτησ ἐστὶν οὐ μέγα ξόανον, λελυμασμένον τὴν δεξιὰν χεῖρα ὑπὸ τοῦ χρόνου· κάτεισι δὲ ἀντὶ ποδῶν ἐσ τετράγωνον σχῆμα. πείθομαι τοῦτο Ἀριάδνην λαβεῖν παρὰ Δαιδάλου, καὶ ἡνίκα ἠκολούθησε τῷ Θησεῖ, τὸ ἄγαλμα ἐπεκομίζετο οἴκοθεν·

ἀφαιρεθέντα δὲ αὐτῆσ τὸν Θησέα οὕτω φασὶν οἱ Δήλιοι τὸ ξόανον τῆσ θεοῦ ἀναθεῖναι τῷ Ἀπόλλωνι τῷ Δηλίῳ, ἵνα μὴ οἴκαδε ἐπαγόμενοσ ἐσ ἀνάμνησίν τε Ἀριάδνησ ἐφέλκηται καὶ ἀεὶ νέασ ἐπὶ τῷ ἔρωτι εὑρίσκηται τὰσ συμφοράσ. πέρα δὲ οὐκ οἶδα ὑπόλοιπα ὄντα τῶν Δαιδάλου· τοῖσ γὰρ ἀνατεθεῖσιν ὑπὸ Ἀργείων ἐσ τὸ Ἡραῖον καὶ ἐσ Γέλαν τὴν ἐν Σικελίᾳ κομισθεῖσιν ἐξ Ὀμφάκησ, ἀφανισθῆναί σφισιν ὁ χρόνοσ καθέστηκεν αἴτιοσ. Λεβαδέων δὲ ἔχονται Χαιρωνεῖσ.

ἐκαλεῖτο δὲ ἡ πόλισ καὶ τούτοισ Ἄρνη τὸ ἀρχαῖον· θυγατέρα δὲ εἶναι λέγουσιν Αἰόλου τὴν Ἄρνην, ἀπὸ δὲ ταύτησ κληθῆναι καὶ ἑτέραν ἐν Θεσσαλίᾳ πόλιν· τὸ δὲ νῦν τοῖσ Χαιρωνεῦσιν ὄνομα γεγονέναι ἀπὸ Χαίρωνοσ, ὃν Ἀπόλλωνόσ φασιν εἶναι, μητέρα δὲ αὐτοῦ Θηρὼ τὴν Φύλαντοσ εἶναι. μαρτυρεῖ δὲ καὶ ὁ τὰ ἔπη τὰσ μεγάλασ Ηοἴασ ποιήσασ·

Φύλασ δ’ ὤπυιεν κούρην κλειτοῦ Ιὀλάου λειπεφιληνη<ν> εἶδοσ Ὀλυμπιάδεσσιν <ὅμοιον,>Ἱππότην δέ οἱ υἱὸν ἐνὶ μεγάροισιν ἔτικτενΘηρώ τ’ εὐειδῆ, ἰκέλην φαέεσσι σελήνησ.

Θηρὼ δ’ Ἀπόλλωνοσ ἐσ ἀγκοίνῃσι πεσοῦσαγείνατο Χαίρωνοσ κρατερὸν μένοσ ἱπποδάμοιο. Ὅμηροσ δὲ ἐπιστάμενοσ ἐμοὶ δοκεῖν Χαιρώνειάν τε ἤδη καὶ Λεβάδειαν καλουμένασ, ὅμωσ τοῖσ ἀρχαίοισ ἐχρήσατο ὀνόμασιν ἐσ αὐτάσ, καθότι καὶ Αἴγυπτον τὸν ποταμὸν εἶπεν, οὐ Νεῖλον. Χαιρωνεῦσι δὲ δύο ἐστὶν ἐν τῇ χώρᾳ τρόπαια, ἃ Ῥωμαῖοι καὶ Σύλλασ ἔστησαν Ταξίλον καὶ στρατιὰν τὴν Μιθριδάτου κρατήσαντεσ.

Φίλιπποσ δὲ οὐκ ἀνέθηκεν ὁ Ἀμύντου τρόπαιον οὔτε ἐνταῦθα οὔτε ὁπόσασ μάχασ ἄλλασ βαρβάρουσ ἢ καὶ Ἕλληνασ ἐνίκησεν· οὐ γάρ τι Μακεδόσιν ἱστάναι τρόπαια ἦν νενομισμένον. λέγεται δὲ ὑπὸ Μακεδόνων Καρανὸν βασιλεύοντα ἐν Μακεδονίᾳ κρατῆσαι μάχῃ Κισσέωσ, ὃσ ἐδυνάστευεν ἐν χώρᾳ τῇ ὁμόρῳ·

καὶ ὁ μὲν τρόπαιον ὁ Καρανὸσ κατὰ νόμουσ τοὺσ Ἀργείων ἔστησεν ἐπὶ τῇ νίκῃ· Καρανὸν δὲ οὐκ εὖ βουλεύσασθαι βαρβάροισ τοῖσ περιοικοῦσιν ἐσ ἔχθραν ἐλθόντα ἀδιάλλακτον, καταστῆναί <τε> χρῆναι γὰρ μήτε ὑπὸ αὐτοῦ Καρανοῦ μήτε ὑπὸ τῶν ὕστερον βασιλευσόντων Μακεδονίασ τρόπαια ἵστασθαι, εἰ ἐσ εὔνοιάν ποτε τοὺσ προσχώρουσ ὑπάξονται.

μαρτυρεῖ δὲ τῷ λόγῳ καὶ Ἀλέξανδροσ, οὐκ ἀναστήσασ οὔτε ἐπὶ Δαρείῳ τρόπαια οὔτε ἐπὶ ταῖσ Ἰνδικαῖσ νίκαισ.

προσιόντων δὲ τῇ πόλει πολυάνδριον Θηβαίων ἐστὶν ἐν τῷ πρὸσ Φίλιππον ἀγῶνι ἀποθανόντων.

ἐπιγέγραπται μὲν δὴ ἐπίγραμμα οὐδέν, ἐπίθημα δ’ ἔπεστιν αὐτῷ λέων· φέροι δ’ ἂν ἐσ τῶν ἀνδρῶν μάλιστα τὸν θυμόν· ἐπίγραμμα δὲ ἄπεστιν ἐμοὶ δοκεῖν ὅτι οὐδὲ ἐοικότα τῇ τόλμῃ σφίσι τὰ ἐκ τοῦ δαίμονοσ ἠκολούθησε. θεῶν δὲ μάλιστα Χαιρωνεῖσ τιμῶσι τὸ σκῆπτρον ὃ ποιῆσαι Διί φησιν Ὅμηροσ Ἥφαιστον, παρὰ δὲ Διὸσ λαβόντα Ἑρμῆν δοῦναι Πέλοπι, Πέλοπα δὲ Ἀτρεῖ καταλιπεῖν, τὸν δὲ Ἀτρέα Θυέστῃ, παρὰ Θυέστου δὲ ἔχειν Ἀγαμέμνονα·

τοῦτο οὖν τὸ σκῆπτρον σέβουσι, Δόρυ ὀνομάζοντεσ. καὶ εἶναι μέν τι θειότερον οὐχ ἥκιστα δηλοῖ τὸ ἐσ τοὺσ ἀνθρώπουσ ἐπιφανὲσ ἐξ αὐτοῦ· φασὶ δ’ ἐπὶ τοῖσ ὁρ́οισ αὐτῶν καὶ Πανοπέων τῶν ἐν τῇ Φωκίδι εὑρεθῆναι, σὺν δὲ αὐτῷ καὶ χρυσὸν εὑρ́ασθαι τοὺσ Φωκεῖσ, σφίσι δὲ ἀσμένοισ ἀντὶ χρυσοῦ γενέσθαι τὸ σκῆπτρον.

κομισθῆναι δὲ αὐτὸ ἐσ τὴν Φωκίδα ὑπὸ Ἠλέκτρασ τῆσ Ἀγαμέμνονοσ πείθομαι. ναὸσ δὲ οὐκ ἔστιν αὐτῷ δημοσίᾳ πεποιημένοσ, ἀλλὰ κατὰ ἔτοσ ἕκαστον ὁ ἱερώμενοσ ἐν οἰκήματι ἔχει τὸ σκῆπτρον· καὶ τράπεζα παράκειται παντοδαπῶν κρεῶν καὶ πεμμάτων πλήρησ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Βοιωτικά, chapter 40

(파우사니아스, Description of Greece, Βοιωτικά, chapter 40)

상위

목록

SEARCH

MENU NAVIGATION