Pausanias, Description of Greece, Βοιωτικά, chapter 7

(파우사니아스, Description of Greece, Βοιωτικά, chapter 7)

τότε δὲ τοὺσ Θηβαίουσ γενομένουσ ἀναστάτουσ ὑπὸ Ἀλεξάνδρου καὶ διαπεσόντασ ἐσ Ἀθήνασ ὕστερον Κάσσανδροσ ὁ Ἀντιπάτρου κατήγαγεν. ἐσ δὲ τῶν Θηβῶν τὸν οἰκισμὸν προθυμότατοι μὲν ἐγένοντο Ἀθηναῖοι, συνεπελάβοντο δὲ καὶ Μεσσήνιοι καὶ Ἀρκάδων οἱ Μεγάλην πόλιν ἔχοντεσ. δοκεῖ δέ μοι τὰσ Θήβασ οἰκίσαι ὁ Κάσσανδροσ κατὰ ἔχθοσ Ἀλεξάνδρου μάλιστα·

ἐπεξῆλθε δὲ καὶ τὸν πάντα οἶκον Ἀλεξάνδρου φθείρων, ὃσ Ὀλυμπιάδα γε παρέβαλε καταλεῦσαι τοῖσ ἐπ’ αὐτὴν Μακεδόνων παρωξυσμένοισ καὶ τοὺσ παῖδασ Ἀλεξάνδρου τόν τε ἐκ Βαρσίνησ Ἡρακλέα καὶ Ἀλέξανδρον τὸν ἐκ Ῥωξάνησ ἀπέκτεινεν ὑπὸ φαρμάκων. οὐ μὴν οὐδὲ αὐτὸσ χαίρων τὸν βίον κατέστρεψεν· ἐπλήσθη γὰρ ὑδέρῳ, καὶ ἀπ’ αὐτοῦ ζῶντι ἐγένοντο εὐλαί. τῶν δέ οἱ παίδων Φίλιππον μὲν τὸν πρεσβύτατον, ὡσ μετ’ οὐ πολὺ παρέλαβε τὴν ἀρχήν, ἀπήγαγεν ὑπολαβοῦσα νόσοσ φθινώδησ, Ἀντίπατροσ δὲ <ὁ> μετ’ ἐκεῖνον Θεσσαλονίκην τὴν μητέρα ἀποκτίννυσι, Φιλίππου τε οὖσαν τοῦ Ἀμύντου καὶ Νικασιπόλιδοσ·

ἀπέκτεινε δὲ Ἀλεξάνδρῳ νέμειν πλέον εὐνοίασ αἰτιασάμενοσ.

ὁ δὲ Ἀλέξανδροσ ἦν νεώτατοσ τῶν Κασσάνδρου παίδων· ἐπαγαγόμενοσ δὲ Δημήτριον τὸν Ἀντιγόνου καθεῖλε μὲν δι’ ἐκείνου καὶ ἐτιμωρήσατο τὸν ἀδελφὸν Ἀντίπατρον, ἀνεφάνη μέντοι φονέα ἐξευρηκὼσ ἑαυτῷ καὶ οὐ σύμμαχον. Κασσάνδρῳ μὲν ὅστισ δὴ θεῶν τὴν δίκην ἔμελλεν ἀποδώσειν·

Θηβαίοισ δὲ ἐπὶ μὲν Κασσάνδρου πᾶσ ὁ ἀρχαῖοσ περίβολοσ ἀνῳκίσθη, ἔδει δὲ ἄρα καὶ ὕστερον κακῶν σφᾶσ μεγάλων γεύσασθαι. Μιθριδάτῃ γὰρ καταστάντι ἐσ τὸν πρὸσ Ῥωμαίουσ πόλεμον προσεχώρησαν Θηβαῖοι κατ’ ἄλλο ἐμοὶ δοκεῖν οὐδέν, τοῦ δὲ Ἀθηναίων δήμου φιλίᾳ. Σύλλα δὲ ἐσβαλόντοσ ἐσ τὴν Βοιωτίαν δεῖμα ἔσχε τοὺσ Θηβαίουσ, καὶ ἐγνωσιμάχησάν τε αὐτίκα καὶ ἐτράποντο αὖθισ ἐσ τὴν Ῥωμαίων φιλίαν. Σύλλασ δὲ ἐσ αὐτοὺσ ἐχρῆτο ὅμωσ τῷ θυμῷ, καὶ ἄλλα τε ἐξεῦρεν ἐπὶ λύμῃ τῶν Θηβαίων καὶ τὴν ἡμίσειαν ἀπετέμετο αὐτῶν τῆσ χώρασ κατὰ πρόφασιν τοιαύτην.

ἡνίκα ἤρχετο τοῦ πρὸσ Μιθριδάτην πολέμου, χρημάτων ἐσπάνιζε· συνέλεξεν οὖν ἔκ τε Ὀλυμπίασ ἀναθήματα καὶ τὰ ἐξ Ἐπιδαύρου καὶ τὰ ἐκ Δελφῶν, ὁπόσα ὑπελίποντο οἱ Φωκεῖσ· ταῦτα μὲν δὴ διένειμε τῇ στρατιᾷ, τοῖσ θεοῖσ δὲ ἀντέδωκεν ἀντὶ τῶν χρημάτων γῆσ τὴν ἡμίσειαν τῆσ Θηβαί̈δοσ.

τὴν μὲν δὴ ἀφαίρετον χώραν ὕστερον Ῥωμαίων χάριτι ἀνεσώσαντο οἱ Θηβαῖοι, τὰ δὲ ἄλλα ἐσ τὸ ἀσθενέστατον ἀπ’ ἐκείνου προήχθησαν· καί σφισιν ἡ μὲν κάτω πόλισ πᾶσα ἔρημοσ ἦν ἐπ’ ἐμοῦ πλὴν τὰ ἱερά, τὴν δὲ ἀκρόπολιν οἰκοῦσι Θήβασ καὶ οὐ Καδμείαν καλουμένην.

일치하는 문장이 없습니다.

SEARCH

MENU NAVIGATION