Pausanias, Description of Greece, Βοιωτικά, chapter 28

(파우사니아스, Description of Greece, Βοιωτικά, chapter 28)

ὁ δὲ Ἑλικὼν ὀρῶν τῶν ἐν τῇ Ἑλλάδι ἐν τοῖσ μάλιστά ἐστιν εὔγεωσ καὶ δένδρων ἡμέρων ἀνάπλεωσ· καὶ οἱ τῆσ ἀνδράχνου θάμνοι παρέχονται τῶν πανταχοῦ καρπὸν αἰξὶν ἥδιστον. λέγουσι δὲ οἱ περὶ τὸν Ἑλικῶνα οἰκοῦντεσ καὶ ἁπάσασ ἐν τῷ ὄρει τὰσ πόασ καὶ τὰσ ῥίζασ ἥκιστα ἐπὶ ἀνθρώπου θανάτῳ φύεσθαι. καὶ ἄλλωσ προσφόροισ ἐπιτύχωσι τοῖσ φαρμάκοισ.

ἔστι μὲν δὴ ὁ ἰὸσ τοῖσ ἀγριωτάτοισ τῶν ὄφεων καὶ ἄλλωσ ὀλέθριοσ ἔσ τε ἀνθρώπουσ καὶ ζῷα ὁμοίωσ τὰ πάντα, συντελοῦσι δὲ οὐχ ἥκιστα ἐσ ἰσχύν σφισι τοῦ ἰοῦ καὶ αἱ νομαί, ἐπεί τοι καὶ ἀνδρὸσ ἀκούσασ οἶδα Φοίνικοσ ὡσ ἐν τῇ ὀρεινῇ τῇ Φοινίκησ ἀγριωτέρουσ τοὺσ ἔχεισ ποιοῦσιν αἱ ῥίζαι.

ἔφη δὲ ἄνθρωπον ἰδεῖν αὐτὸσ ἀποφεύγοντα ὁρμὴν ἔχεωσ, καὶ τὸν μὲν ἐπί τι ἀναδραμεῖν δένδρον, τὸν δὲ ἔχιν, ὡσ ἦλθεν ὕστεροσ, ἀποπνεῦσαι πρὸσ τὸ δένδρον τοῦ ἰοῦ καὶ οὐ ζῆν ἔτι τὸν ἄνθρωπον. τούτου μὲν τοιαῦτα ἤκουσα·

ἐν δὲ τῇ χώρᾳ τῇ Ἀράβων ὅσοι τῶν ἔχεων περὶ τὰ δένδρα τὰ πάλσαμα οἰκοῦσι, τοιάδε ἄλλα ἐσ αὐτοὺσ συμβαίνοντα οἶδα. μέγεθοσ μὲν κατὰ μυρσίνησ θάμνον τὰ πάλσαμά ἐστι, φύλλα δὲ αὐτοῖσ κατὰ τὴν πόαν τὸ σάμψουχον· ἔχεων δὲ τῶν ἐν τῇ Ἀραβίᾳ κατὰ ποσοὺσ καὶ πλείονεσ καὶ ἐλάσσονεσ ὑπὸ ἕκαστον αὐλίζονται δένδρον· τροφὴ γὰρ αὐτοῖσ ὁ τῶν παλσάμων ἐστὶν ὀπὸσ ἡδίστη, καὶ ἔτι καὶ ἄλλωσ τῇ σκιᾷ τῶν φυτῶν χαίρουσιν. ἐπὰν οὖν συλλέγειν τοῦ παλσάμου τὸν ὀπὸν ἀφίκηται τοῖσ Ἄραψιν ὡρ́α, ξύλων δύο ἕκαστοσ σκυτάλασ ἐπὶ τοὺσ ἔχεισ ἐσφέρει, κροτοῦντεσ δὲ τὰ ξύλα ἀπελαύνουσι τοὺσ ἔχεισ·

ἀποκτείνειν δὲ αὐτοὺσ οὐκ ἐθέλουσιν ἱεροὺσ τῶν παλσάμων νομίζοντεσ. ἢν δὲ καὶ ὑπὸ ἔχεων δηχθῆναί τῳ συμβῇ, τὸ μὲν τραῦμά ἐστιν ὁποῖον καὶ ὑπὸ σιδήρου, δεῖμα δὲ ἄπεστι τὸ ἀπὸ τοῦ ἰοῦ· ἅτε γὰρ σιτουμένοισ τοῖσ ἔχεσι μύρων τὸ εὐοσμότατον, μετακεράννυταί σφισιν ἐκ τοῦ θανατώδουσ ἐσ τὸ ἠπιώτερον ὁ ἰόσ.

일치하는 문장이 없습니다.

SEARCH

MENU NAVIGATION