Pausanias, Description of Greece, Βοιωτικά, chapter 11

(파우사니아스, Description of Greece, Βοιωτικά, chapter 11)

ἐν ἀριστερᾷ δὲ τῶν πυλῶν, ἃσ ὀνομάζουσιν Ἠλέκτρασ, οἰκίασ ἐστὶν ἐρείπια ἔνθα οἰκῆσαί φασιν Ἀμφιτρύωνα διὰ τὸν Ἠλεκτρύωνοσ θάνατον φεύγοντα ἐκ Τίρυνθοσ· καὶ τῆσ Ἀλκμήνησ ἐστὶν ἔτι ὁ θάλαμοσ ἐν τοῖσ ἐρειπίοισ δῆλοσ. οἰκοδομῆσαι δὲ αὐτὸν τῷ Ἀμφιτρύωνι Τροφώνιόν φασι καὶ Ἀγαμήδην, καὶ ἐπίγραμμα ἐπ’ αὐτῷ ἐπιγραφῆναι τόδε· Ἀμφιτρύων ὅτ’ ἔμελλ’ ἀγαγέσθαι δεῦρο γυναῖκαἈλκμήνην, θάλαμόν γ’ εἱλίξατο τοῦτον ἑαυτῷ· Ἀγχάσιοσ δ’ ἐποίησε Τροφώνιοσ ἠδ’ Ἀγαμήδησ. τοῦτο μὲν ἐνταῦθα οἱ Θηβαῖοι γραφῆναι λέγουσιν·

ἐπιδεικνύουσι δὲ Ἡρακλέουσ τῶν παίδων τῶν ἐκ Μεγάρασ μνῆμα, οὐδέν τι ἀλλοίωσ τὰ ἐσ τὸν θάνατον λέγοντεσ ἢ Στησίχοροσ ὁ Ἱμεραῖοσ καὶ Πανύασσισ ἐν τοῖσ ἔπεσιν ἐποίησαν. Θηβαῖοι δὲ καὶ τάδε ἐπιλέγουσιν, ὡσ Ἡρακλῆσ ὑπὸ τῆσ μανίασ καὶ Ἀμφιτρύωνα ἔμελλεν ἀποκτιννύναι, πρότερον δὲ ἄρα ὕπνοσ ἐπέλαβεν αὐτὸν ὑπὸ τοῦ λίθου τῆσ πληγῆσ·

Ἀθηνᾶν δὲ εἶναι τὴν ἐπαφεῖσάν οἱ τὸν λίθον τοῦτον ὅντινα Σωφρονιστῆρα ὀνομάζουσιν. ἐνταῦθά εἰσιν ἐπὶ τύπου γυναικῶν εἰκόνεσ·

ἀμυδρότερα ἤδη τὰ ἀγάλματα· ταύτασ καλοῦσιν οἱ Θηβαῖοι Φαρμακίδασ, πεμφθῆναι δὲ ὑπὸ τῆσ Ἤρασ φασὶν ἐμπόδια εἶναι ταῖσ ὠδῖσιν Ἀλκμήνησ. αἱ μὲν δὴ ἐπεῖχον Ἀλκμήνην μὴ τεκεῖν· Τειρεσίου δὲ θυγατρὶ Ἱστορίδι σόφισμα ἔπεισιν ἐσ τὰσ Φαρμακίδασ, <ἐσ> ἐπήκοον αὐτῶν ὀλολύξαι, τετοκέναι γὰρ τὴν Ἀλκμήνην· οὕτω τὰσ μὲν ἀπατηθείσασ ἀπελθεῖν, τὴν δὲ Ἀλκμήνην τεκεῖν φασιν. ἐνταῦθα Ἡρακλεῖόν ἐστιν, ἄγαλμα δὲ τὸ μὲν λίθου λευκοῦ Πρόμαχοσ καλούμενον, ἔργον δὲ Ξενοκρίτου καὶ Εὐβίου Θηβαίων·

τὸ δὲ ξόανον τὸ ἀρχαῖον Θηβαῖοί τε εἶναι Δαιδάλου νενομίκασι καὶ αὐτῷ μοι παρίστατο ἔχειν οὕτω. τοῦτον ἀνέθηκεν αὐτόσ, ὡσ λέγεται, Δαίδαλοσ ἐκτίνων εὐεργεσίασ χάριν. ἡνίκα γὰρ ἔφευγεν ἐκ Κρήτησ πλοῖα οὐ μεγάλα αὑτῷ καὶ τῷ παιδὶ Ἰκάρῳ ποιησάμενοσ, πρὸσ δὲ καὶ ταῖσ ναυσίν, ὃ μή πω τοῖσ τότε ἐξεύρητο, ἱστία ἐπιτεχνησάμενοσ, ὡσ τοῦ Μίνω ναυτικοῦ τὴν εἰρεσίαν φθάνοιεν ἐπιφόρῳ τῷ ἀνέμῳ χρώμενοι, τότε αὐτὸσ μὲν σώζεται Δαίδαλοσ, Ἰκάρῳ δὲ κυβερνῶντι ἀμαθέστερον ἀνατραπῆναι τὴν ναῦν λέγουσιν· ἀποπνιγέντα δὲ ἐξήνεγκεν ὁ κλύδων ἐσ τὴν ὑπὲρ Σάμου νῆσον ἔτι οὖσαν ἀνώνυμον.

ἐπιτυχὼν δὲ Ἡρακλῆσ γνωρίζει τὸν νεκρόν, καὶ ἔθαψεν ἔνθα καὶ νῦν ἔτι αὐτῷ χῶμα οὐ μέγα ἐπὶ ἄκρασ ἐστὶν ἀνεχούσησ ἐσ τὸ Αἰγαῖον.

ἀπὸ δὲ τοῦ Ἰκάρου τούτου ὄνομα ἥ τε νῆσοσ καὶ ἡ περὶ αὐτὴν θάλασσα ἔσχηκε. Θηβαίοισ δὲ τὰ ἐν τοῖσ ἀετοῖσ Πραξιτέλησ ἐποίησε τὰ πολλὰ τῶν δώδεκα καλουμένων ἄθλων·

καί σφισι τὰ ἐσ τὰσ ὄρνιθασ ἐνδεῖ τὰσ ἐπὶ Στυμφάλῳ καὶ ὡσ ἐκάθηρεν Ἡρακλῆσ τὴν Ἠλείαν χώραν, ἀντὶ τούτων δὲ ἡ πρὸσ Ἀνταῖον πάλη πεποίηται. Θρασύβουλοσ δὲ ὁ Λύκου καὶ Ἀθηναίων οἱ σὺν αὐτῷ τυραννίδα τὴν τῶν τριάκοντα καταλύσαντεσ ‐ ὁρμηθεῖσι γάρ σφισιν ἐκ Θηβῶν ἐγένετο ἡ κάθοδοσ ‐ Ἀθηνᾶν καὶ Ἡρακλέα κολοσσοὺσ ἐπὶ λίθου τύπου τοῦ Πεντελῆσιν, ἔργα δὲ Ἀλκαμένουσ, ἀνέθηκαν ἐσ τὸ Ἡρακλεῖον. τοῦ δὲ Ἡρακλείου γυμνάσιον ἔχεται καὶ στάδιον, ἀμφότερα ἐπώνυμα τοῦ θεοῦ.

ὑπὲρ δὲ τὸν Σωφρονιστῆρα λίθον βωμόσ ἐστιν Ἀπόλλωνοσ ἐπίκλησιν Σποδίου, πεποίηται δὲ ἀπὸ τῆσ τέφρασ τῶν ἱερείων. μαντικὴ δὲ καθέστηκεν αὐτόθι ἀπὸ κληδόνων, ᾗ δὴ καὶ Σμυρναίουσ μάλιστα Ἑλλήνων χρωμένουσ οἶδα· ἔστι γὰρ καὶ Σμυρναίοισ ὑπὲρ τὴν πόλιν κατὰ τὸ ἐκτὸσ τοῦ τείχουσ Κληδόνων ἱερόν.

일치하는 문장이 없습니다.

SEARCH

MENU NAVIGATION