헬라어 문장 검색 - Παυσαν́Δεσξριπ́9́17́

(파우사니아스, Description of Greece, Βοιωτικά, chapter 17)

πλησίον δὲ Ἀρτέμιδοσ ναόσ ἐστιν Εὐκλείασ· Σκόπα δὲ τὸ ἄγαλμα ἔργον. ταφῆναι δὲ ἐντὸσ τοῦ ἱεροῦ θυγατέρασ Ἀντιποίνου λέγουσιν Ἀνδρόκλειάν τε καὶ Ἀλκίδα. μελλούσησ γὰρ πρὸσ Ὀρχομενίουσ γίνεσθαι μάχησ Θηβαίοισ καὶ Ἡρακλεῖ, λόγιόν σφισιν ἦλθεν ἔσεσθαι τοῦ πολέμου κράτοσ ἀποθανεῖν αὐτοχειρίᾳ θελήσαντοσ, ὃσ ἂν τῶν ἀστῶν ἐπιφανέστατοσ κατὰ γένουσ ἀξίωμα ᾖ. Ἀντιποίνῳ μὲν οὖν ‐ τούτῳ γὰρ τὰ ἐσ τοὺσ προγόνουσ μάλιστα ὑπῆρχεν ἔνδοξα ‐ οὐχ ἡδὺ ἦν ἀποθνήσκειν πρὸ τοῦ δήμου, ταῖσ δὲ Ἀντιποίνου θυγατράσιν ἤρεσκε· διεργασάμεναι δὲ αὑτὰσ τιμὰσ ἀντὶ τούτων ἔχουσι.

τοῦ ναοῦ δὲ τῆσ Εὐκλείασ Ἀρτέμιδοσ λέων ἐστὶν ἔμπροσθε λίθου πεποιημένοσ·

ἀναθεῖναι δὲ ἐλέγετο Ἡρακλῆσ Ὀρχομενίουσ καὶ τὸν βασιλέα αὐτῶν Ἐργῖνον τὸν Κλυμένου νικήσασ τῇ μάχῃ. πλησίον δὲ Ἀπόλλων τέ ἐστιν ἐπίκλησιν Βοηδρόμιοσ καὶ Ἀγοραῖοσ Ἑρμῆσ καλούμενοσ, Πινδάρου καὶ τοῦτο ἀνάθημα. ἀπέχει δὲ ἡ πυρὰ τῶν Ἀμφίονοσ παίδων ἥμισυ σταδίου μάλιστα ἀπὸ τῶν τάφων· μένει δὲ ἡ τέφρα καὶ ἐσ τόδε ἔτι ἀπὸ τῆσ πυρᾶσ. πλησίον δὲ Ἀμφιτρύωνοσ <ἀνάθημα> δύο ἀγάλματα λίθινα λέγουσιν Ἀθηνᾶσ ἐπίκλησιν Ζωστηρίασ·

λαβεῖν γὰρ τὰ ὅπλα αὐτὸν ἐνταῦθα, ἡνίκα Εὐβοεῦσι καὶ Χαλκώδοντι ἔμελλεν ἀντιτάξεσθαι. τὸ δὲ ἐνδῦναι τὰ ὅπλα ἐκάλουν ἄρα οἱ παλαιοὶ ζώσασθαι· καὶ δὴ Ὅμηρον, Ἄρει τὸν Ἀγαμέμνονα ποιήσαντα ἐοικέναι τὴν ζώνην, τῶν ὅπλων τὴν σκευήν φασιν εἰκάζειν. Ζήθῳ δὲ μνῆμα καὶ Ἀμφίονι ἐν κοινῷ γῆσ χῶμά ἐστιν οὐ μέγα.

ὑφαιρεῖσθαι δὲ ἐθέλουσιν ἀπ’ αὐτοῦ τῆσ γῆσ οἱ Τιθορέαν ἐν τῇ Φωκίδι ἔχοντεσ, ἐθέλουσι δέ, ἐπειδὰν τὸν ἐν τῷ οὐρανῷ ταῦρον ὁ ἥλιοσ διεξίῃ· τηνικαῦτα γὰρ ἢν ἀπ’ αὐτοῦ λαβόντεσ γῆν τῷ Ἀντιόπησ μνήματι περιάψωσι, <Τι>θορεεῦσιν οἴσει καρπὸν ἡ χώρα, Θηβαίοισ δὲ οὐχ ὁμοίωσ. καὶ ἐπὶ τούτῳ φρουρὰν οἱ Θηβαῖοι τότε ἔχουσι τοῦ μνήματοσ.

ταῦτα δὲ αἱ πόλεισ αὗται πεπιστεύκασιν ἐκ χρησμῶν τῶν Βάκιδοσ, ἔστι γὰρ καὶ τάδε ἐν τοῖσ χρησμοῖσ·

ἀλλ’ ὁπόταν Τιθορεὺσ Ἀμφίονί τε Ζήθῳ τεχύτλα καὶ εὐχωλὰσ μειλίγματ’ ἐνὶ χθονὶ χεύῃθελγομένου ταύροιο κλυτοῦ μένει ἠελίοιο,καὶ τότε δὴ πεφύλαξο πόλει κακὸν οὐκ ἀλαπαδνόνἐρχόμενον· καρποὶ γὰρ ἀποφθινύθουσιν ἐν αὐτῇγαίησ δασσαμένων, Φώκου δ’ ἐπὶ σῆμα φερόντων. Φώκου δὲ μνῆμα ὁ Βάκισ εἴρηκεν ἐπὶ αἰτίᾳ τοιᾷδε.

ἡ γυνὴ τοῦ Λύκου Διόνυσον θεῶν μάλιστα ἦγεν ἐν τιμῇ· παθούσησ δὲ αὐτῆσ τὰ λεγόμενα Διόνυσοσ νεμεσᾷ τῇ Ἀντιόπῃ. ἐπίφθονοι δὲ ἀεί πωσ παρὰ θεῶν αἱ ὑπερβολαὶ τῶν τιμωριῶν εἰσι· λέγουσιν Ἀντιόπην μανῆναι καὶ ἐκστᾶσαν τῶν φρενῶν κατὰ πᾶσαν πλανᾶσθαι τὴν Ἑλλάδα, Φῶκον δὲ τὸν Ὀρνυτίωνοσ τοῦ Σισύφου περιτυχεῖν αὐτῇ καὶ ἔχειν γυναῖκα ἰασάμενον· καὶ δὴ ὁ τάφοσ ἐν κοινῷ τῇ Ἀντιόπῃ καὶ Φώκῳ πεποίηται. τοὺσ δὲ παρὰ τὸ Ἀμφίονοσ μνῆμα λίθουσ, οἳ κάτωθεν ὑποβέβληνται μηδὲ ἄλλωσ εἰργασμένοι πρὸσ τὸ ἀκριβέστατον, ἐκείνασ εἶναί <φασι> τὰσ πέτρασ αἳ τῇ ᾠδῇ τοῦ Ἀμφίονοσ ἠκολούθησαν·

τοιαῦτα δὲ ἕτερα λέγεται καὶ περὶ Ὀρφέωσ, ὡσ κιθαρῳδοῦντι ἕποιτο αὐτῷ τὰ θηρία.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Βοιωτικά, chapter 17

(파우사니아스, Description of Greece, Βοιωτικά, chapter 17)

상위

목록

SEARCH

MENU NAVIGATION