Pausanias, Description of Greece, Βοιωτικά, chapter 4

(파우사니아스, Description of Greece, Βοιωτικά, chapter 4)

Πλαταιεῦσι δὲ Ἀθηνᾶσ ἐπίκλησιν Ἀρείασ ἐστὶν ἱερόν· ᾠκοδομήθη δὲ ἀπὸ λαφύρων ἃ τῆσ μάχησ σφίσιν Ἀθηναῖοι τῆσ Μαραθῶνι ἀπένειμαν. τὸ μὲν δὴ ἄγαλμα ξόανόν ἐστιν ἐπίχρυσον, πρόσωπον δέ οἱ καὶ χεῖρεσ ἄκραι καὶ πόδεσ λίθου τοῦ Πεντελησίου εἰσί· καὶ αὐτὴν Ἀθηναῖοι τοῦ Μαραθῶνι ἀπαρχὴν ἀγῶνοσ ἀνέθηκαν, Φειδίασ δὲ καὶ Πλαταιεῦσιν ἦν ὁ τῆσ Ἀθηνᾶσ τὸ ἄγαλμα ποιήσασ.

γραφαὶ δέ εἰσιν ἐν τῷ ναῷ Πολυγνώτου μὲν Ὀδυσσεὺσ τοὺσ μνηστῆρασ ἤδη κατειργασμένοσ, Ὀνασία δὲ Ἀδράστου καὶ Ἀργείων ἐπὶ Θήβασ ἡ προτέρα στρατεία.

αὗται μὲν δή εἰσιν ἐπὶ τοῦ προνάου τῶν τοίχων αἱ γραφαί, κεῖται δὲ τοῦ ἀγάλματοσ πρὸσ τοῖσ ποσὶν εἰκὼν Ἀριμνήστου· ὁ δὲ Ἀρίμνηστοσ ἔν τε τῇ πρὸσ Μαρδόνιον μάχῃ καὶ ἔτι πρότερον ἐσ Μαραθῶνα Πλαταιεῦσιν ἡγήσατο. ἔστι δὲ καὶ Δήμητροσ ἐπίκλησιν Ἐλευσινίασ ἱερὸν ἐν Πλαταιαῖσ καὶ Ληίτου μνῆμα·

τῶν δὲ ἡγεμόνων, οἳ Βοιωτοὺσ ἐσ Τροίαν ἤγαγον, μόνοσ ἀνέστρεψεν οἴκαδε οὗτοσ ὁ Λήιτοσ. τὴν δὲ κρήνην τὴν Γαργαφίαν Μαρδόνιοσ καὶ ἡ ἵπποσ συνέχεεν ἡ Περσῶν, ὅτι τὸ Ἑλλήνων στράτευμα τὸ ἀντικαθήμενόν σφισιν ἀπ’ αὐτῆσ ἔπινεν· ὕστερον μέντοι τὸ ὕδωρ ἀνεσώσαντο οἱ Πλαταιεῖσ. ἐκ Πλαταίασ δὲ ἰοῦσιν ἐσ Θήβασ ποταμόσ ἐστιν Ωἐρόη·

θυγατέρα δὲ εἶναι τὴν Ωἐρόην τοῦ Ἀσωποῦ λέγουσι. πρὶν δὲ ἢ διαβῆναι τὸν Ἀσωπόν, παρ’ αὐτὸ τὸ ῥεῦμα ἀποτραπεῖσιν ἐσ τὰ κάτω καὶ προελθοῦσιν ὅσον τεσσαράκοντα στάδια ἔστιν ἐρείπια Σκώλου· Δήμητροσ δὲ καὶ Κόρησ ἐν τοῖσ ἐρειπίοισ οὐκ ἐξειργασμένοσ ὁ ναόσ, ἡμίεργα δὲ καὶ ταῖσ θεαῖσ ἐστι τὰ ἀγάλματα. ἀποκρίνει δὲ καὶ νῦν ἔτι ἀπὸ τῆσ Θηβαίων τὴν Πλαταιίδα ὁ Ἀσωπόσ.

일치하는 문장이 없습니다.

SEARCH

MENU NAVIGATION