Pausanias, Description of Greece, Βοιωτικά, chapter 23

(파우사니아스, Description of Greece, Βοιωτικά, chapter 23)

Θηβαίοισ δὲ πρὸ τῶν πυλῶν ἐστι τῶν Προιτίδων καὶ τὸ Ιὀλάου καλούμενον γυμνάσιον καὶ στάδιον κατὰ ταὐτὰ τῷ τε ἐν Ὀλυμπίᾳ καὶ τῷ Ἐπιδαυρίων γῆσ χῶμα· ἐνταῦθα δείκνυται καὶ ἡρῷον Ιὀλάου. τελευτῆσαι δὲ ἐν Σαρδοῖ τόν τε Ιὄλαον αὐτὸν καὶ Ἀθηναίων καὶ Θεσπιέων τοὺσ συνδιαβάντασ ὁμολογοῦσι καὶ οἱ Θηβαῖοι. ὑπερβάντι δὲ τοῦ σταδίου τὰ ἐν δεξιᾷ δρόμοσ ἵππων καὶ ἐν αὐτῷ Πινδάρου μνῆμά ἐστι.

Πίνδαρον δὲ ἡλικίαν ὄντα νεανίσκον καὶ ἰόντα ἐσ Θεσπιὰσ θέρουσ ὡρ́ᾳ καύματοσ περὶ μεσοῦσαν μάλιστα ἡμέραν κόποσ καὶ ὕπνοσ ἀπ’ αὐτοῦ κατελάμβανεν· ὁ μὲν δὴ ὡσ εἷχε κατακλίνεται βραχὺ ὑπὲρ τῆσ ὁδοῦ, μέλισσαι δὲ αὐτῷ καθεύδοντι προσεπέτοντό τε καὶ ἔπλασσον πρὸσ τὰ χείλη τοῦ κηροῦ. ἀρχὴ μὲν Πινδάρῳ ποιεῖν ᾄσματα ἐγένετο τοιαύτη·

εὐδοκιμοῦντα δὲ αὐτὸν ἤδη ἀνὰ πᾶσαν τὴν Ἑλλάδα ἐσ πλέον δόξησ ἦρεν ἡ Πυθία ἀνειποῦσα Δελφοῖσ, ὁπόσων ἀπήρχοντο τῷ Ἀπόλλωνι, μοῖραν καὶ Πινδάρῳ τὴν ἴσην ἁπάντων νέμειν. λέγεται δὲ καὶ ὀνείρατοσ ὄψιν αὐτῷ γενέσθαι προήκοντι ἐσ γῆρασ· ἐπιστᾶσα ἡ Περσεφόνη οἱ καθεύδοντι οὐκ ἔφασκεν ὑμνηθῆναι μόνη θεῶν ὑπὸ Πινδάρου, ποιήσειν μέντοι καὶ ἐσ αὐτὴν ᾆσμα Πίνδαρον ἐλθόντα ὡσ αὐτήν.

τὸν μὲν αὐτίκα τὸ χρεὼν ἐπιλαμβάνει πρὶν ἐξήκειν ἡμέραν δεκάτην ἀπὸ τοῦ ὀνείρατοσ, ἦν δὲ ἐν Θήβαισ γυνὴ πρεσβῦτισ γένουσ ἕνεκα προσήκουσα Πινδάρῳ καὶ τὰ πολλὰ μεμελετηκυῖα ᾄδειν τῶν ᾀσμάτων·

ταύτῃ Πίνδαροσ ἐνύπνιον τῇ πρεσβύτιδι ἐπιστὰσ ὕμνον ᾖσεν ἐσ Περσεφόνην, ἡ δὲ αὐτίκα ὡσ ἀπέλιπεν αὐτὴν ὁ ὕπνοσ, ἔγραψε ταῦτα ὁπόσα τοῦ ὀνείρατοσ ἤκουσεν ᾄδοντοσ. ἐν τούτῳ τῷ ᾄσματι ἄλλαι τε ἐσ τὸν Αἵδην εἰσὶν ἐπικλήσεισ καὶ ὁ χρυσήνιοσ, δῆλα ὡσ ἐπὶ τῆσ Κόρησ τῇ ἁρπαγῇ. ἐντεῦθεν ἐσ Ἀκραίφνιόν ἐστιν ὁδὸσ τὰ πλείω πεδιάσ.

εἶναι δὲ ἐξ ἀρχῆσ τε μοῖραν τῆσ Θηβαί̈δοσ τὴν πόλιν φασὶ καὶ ὕστερον διαπεσόντασ Θηβαίων ἐσ αὐτὴν ἄνδρασ εὑρ́ισκον, ἡνίκα Ἀλέξανδροσ ἐποίει τὰσ Θήβασ ἀναστάτουσ· ὑπὸ δὲ ἀσθενείασ καὶ γήρωσ οὐδὲ ἐσ τὴν Ἀττικὴν ἀποσωθῆναι δυνηθέντεσ ἐνταῦθα ᾤκησαν. κεῖται μὲν τὸ πόλισμα ἐν ὄρει τῷ Πτώῳ, θέασ δὲ ἄξια ἐνταῦθα Διονύσου ναόσ ἐστι καὶ ἄγαλμα. προελθόντι δὲ ἀπὸ τῆσ πόλεωσ ἐν δεξιᾷ πέντε που καὶ δέκα σταδίουσ τοῦ Ἀπόλλωνόσ ἐστι τοῦ Πτώου τὸ ἱερόν.

εἶναι δὲ Ἀθάμαντοσ καὶ Θεμιστοῦσ παῖδα τὸν Πτῶον, ἀφ’ οὗ τῷ τε Ἀπόλλωνι ἐπίκλησισ καὶ τῷ ὄρει τὸ ὄνομα ἐγένετο, Ἄσιοσ ἐν τοῖσ ἔπεσιν εἴρηκε. πρὸ δὲ τῆσ Ἀλεξάνδρου καὶ Μακεδόνων ἐπιστρατείασ καὶ ὀλέθρου τοῦ Θηβαίων μαντεῖον ἦν αὐτόθι ἀψευδέσ· ποτε ἄνδρα Εὐρωπέα ‐ ὄνομα δέ οἱ εἶναι Μῦν ‐ , τοῦτον ἀποσταλέντα ὑπὸ Μαρδονίου τὸν Μῦν ἐπερέσθαι τε φωνῇ τῇ σφετέρᾳ καί οἱ χρῆσαι τὸν θεόν, οὐχ ἑλληνίσαντα οὐδὲ αὐτόν, διαλέκτῳ τῇ Καρικῇ.

ὑπερβαλόντων δὲ τὸ ὄροσ τὸ Πτῶον ἔστιν ἐπὶ θαλάσσησ Βοιωτῶν πόλισ Λάρυμνα, γενέσθαι δὲ αὐτῇ τὸ ὄνομά φασιν ἀπὸ Λαρύμνησ τῆσ Κύνου·

τοὺσ δὲ ἀνωτέρω προγόνουσ δηλώσει μοι τὰ ἔχοντα ἐσ Λοκροὺσ τοῦ λόγου. καὶ συνετέλει δὲ ἐσ Ὀποῦντα ἡ Λάρυμνα τὸ ἀρχαῖον· Θηβαίων δὲ ἐπὶ μέγα ἰσχύοσ προελθόντων, τηνικαῦτα ἑκουσίωσ μετετάξαντο ἐσ Βοιωτούσ. Διονύσου δὲ ἐνταῦθα ναὸσ καὶ ἄγαλμα ὀρθὸν πεποίηται. λιμὴν δέ σφισίν ἐστιν ἀγχιβαθήσ, καὶ τὰ ὄρη τὰ ὑπὲρ τὴν πόλιν ὑῶν παρέχεται θήραν ἀγρίων.

일치하는 문장이 없습니다.

SEARCH

MENU NAVIGATION