Pausanias, Description of Greece, Βοιωτικά, chapter 9

(파우사니아스, Description of Greece, Βοιωτικά, chapter 9)

τὸν δὲ πόλεμον τοῦτον, ὃν ἐπολέμησαν Ἀργεῖοι, νομίζω πάντων, ὅσοι πρὸσ Ἕλληνασ ἐπὶ τῶν καλουμένων ἡρώων ἐπολεμήθησαν ὑπὸ Ἑλλήνων, γενέσθαι λόγου μάλιστα ἄξιον. ὁ μέν γε Ἐλευσινίων πρὸσ Ἀθηναίουσ τοὺσ ἄλλουσ, ὡσαύτωσ δὲ καὶ Θηβαίων πρὸσ Μινύασ, τήν τε ἔφοδον δι’ ὀλίγου τῶν ἐπιστρατευσαμένων καὶ ἐν μάχῃ παρέσχοντο μιᾷ τὴν κρίσιν, ἐσ ὁμολογίασ τε αὐτίκα ἐτράποντο καὶ σπονδάσ· ὁ δὲ Ἀργείων στρατὸσ ἐσ Βοιωτίαν τε μέσην ἀφίκετο ἐκ μέσησ Πελοποννήσου καὶ ὁ Ἄδραστοσ ἐξ Ἀρκαδίασ καὶ παρὰ Μεσσηνίων συμμαχικὰ ἤθροισεν, ὡσαύτωσ δὲ καὶ τοῖσ Θηβαίοισ μισθοφορικὰ ἦλθε παρὰ Φωκέων καὶ ἐκ τῆσ Μινυάδοσ χώρασ οἱ Φλεγύαι.

γενομένησ δὲ πρὸσ τῷ Ἰσμηνίῳ μάχησ ἐκρατήθησαν οἱ Θηβαῖοι τῇ συμβολῇ, καὶ ὡσ ἐτράποντο, καταφεύγουσιν ἐσ τὸ τεῖχοσ· ἅτε δὲ οὐκ ἐπισταμένων τῶν Πελοποννησίων μάχεσθαι πρὸσ τὸ τεῖχοσ, ποιουμένων δὲ θυμῷ μᾶλλον ἢ σὺν ἐπιστήμῃ τὰσ προσβολάσ, πολλοὺσ μὲν ἀπὸ τοῦ τείχουσ βάλλοντεσ φονεύουσιν αὐτῶν οἱ Θηβαῖοι, κρατοῦσι δὲ ὕστερον καὶ τοὺσ ἄλλουσ ἐπεξελθόντεσ τεταραγμένοισ, ὡσ τὸ σύμπαν στράτευμα πλὴν Ἀδράστου φθαρῆναι.

ἐγένετο δὲ καὶ αὐτοῖσ τὸ ἔργον οὐκ ἄνευ κακῶν μεγάλων, καὶ ἀπ’ ἐκείνου τὴν σὺν ὀλέθρῳ τῶν κρατησάντων Καδμείαν ὀνομάζουσι νίκην. ἔτεσι δὲ οὐ πολλοῖσ ὕστερον ὁμοῦ Θερσάνδρῳ στρατεύουσιν ἐπὶ τὰσ Θήβασ οὓσ Ἐπιγόνουσ καλοῦσιν Ἕλληνεσ·

δῆλοι δέ εἰσι καὶ τούτοισ οὐ τὸ Ἀργολικὸν μόνον οὐδὲ οἱ Μεσσήνιοι καὶ Ἀρκάδεσ ἠκολουθηκότεσ, ἀλλὰ καὶ ἔτι ἐκ Κορίνθου καὶ Μεγαρέων ἐπικληθέντεσ ἐσ τὴν συμμαχίαν· ἤμυναν δὲ καὶ Θηβαίοισ οἱ πρόσοικοι, καὶ μάχη πρὸσ Γλίσαντι ἀπὸ ἀμφοτέρων ἐγένετο ἰσχυρά.

τῶν δὲ Θηβαίων οἱ μὲν αὐτίκα ὡσ ἡττήθησαν ὁμοῦ Λαοδάμαντι ἐκδιδράσκουσιν, οἱ δὲ ὑπολειφθέντεσ πολιορκίᾳ παρέστησαν.

ἐποιήθη δὲ ἐσ τὸν πόλεμον τοῦτον καὶ ἔπη Θηβαί̈σ· τὰ δὲ ἔπη ταῦτα Καλλῖνοσ ἀφικόμενοσ αὐτῶν ἐσ μνήμην ἔφησεν Ὅμηρον τὸν ποιήσαντα εἶναι, Καλλίνῳ δὲ πολλοί τε καὶ ἄξιοι λόγου κατὰ ταὐτὰ ἔγνωσαν· ἐγὼ δὲ τὴν ποίησιν ταύτην μετά γε Ἰλιάδα καὶ τὰ ἔπη τὰ ἐσ Ὀδυσσέα ἐπαινῶ μάλιστα. πολέμου μὲν δή, ὃν Ἀργεῖοι καὶ Θηβαῖοι τῶν Οἰδίποδοσ παίδων ἕνεκα ἐπολέμησαν, ἐσ τοσόνδε ἔστω μνήμη·

일치하는 문장이 없습니다.

SEARCH

MENU NAVIGATION