헬라어 문장 검색 - Παυσαν́Δεσξριπ́9́19́

(파우사니아스, Description of Greece, Βοιωτικά, chapter 19)

ἐπὶ ταύτῃ τῇ λεωφόρῳ χωρίον ἐστὶ Τευμησσόσ· Εὐρώπην δὲ ὑπὸ Διὸσ κρυφθῆναί φασιν ἐνταῦθα. ἕτεροσ δὲ ἐσ ἀλώπεκα ἐπίκλησιν Τευμησσίαν λόγοσ ἐστίν, ὡσ ἐκ μηνίματοσ Διονύσου τὸ θηρίον ἐπ’ ὀλέθρῳ τραφείη Θηβαίων, καὶ ὡσ ὑπὸ τοῦ κυνόσ, ὃν Πρόκριδι τῇ Ἐρεχθέωσ ἔδωκεν Ἄρτεμισ, ἁλίσκεσθαι μέλλουσα αὐτή τε λίθοσ ἐγένετο ἡ ἀλώπηξ καὶ ὁ κύων οὗτοσ. καὶ Ἀθηνᾶσ ἐν Τευμησσῷ Τελχινίασ ἐστὶν ἱερὸν ἄγαλμα οὐκ ἔχον· ἐσ δὲ τὴν ἐπίκλησιν αὐτῆσ ἔστιν εἰκάζειν ὡσ τῶν ἐν Κύπρῳ ποτὲ οἰκησάντων Τελχίνων ἀφικομένη μοῖρα ἐσ Βοιωτοὺσ ἱερὸν ἱδρύσατο Ἀθηνᾶσ Τελχινίασ. Τευμησσοῦ δὲ ἐν ἀριστερᾷ σταδίουσ προελθόντι ἑπτὰ Γλίσαντόσ ἐστιν ἐρείπια, πρὸ δὲ αὐτῶν ἐν δεξιᾷ τῆσ ὁδοῦ χῶμα οὐ μέγα ὕλῃ τε ἀγρίᾳ σύσκιον καὶ ἡμέροισ δένδροισ.

ἐτάφησαν δὲ αὐτόθι οἱ μετὰ Αἰγιαλέωσ ποιησάμενοι τοῦ Ἀδράστου τὴν ἐσ Θήβασ στρατείαν, ἄλλοι τε Ἀργείων τῶν ἐν τέλει καὶ Πρόμαχοσ ὁ Παρθενοπαίου· τῷ δὲ Αἰγιαλεῖ γενέσθαι τὸ μνῆμα ἐν Παγαῖσ πρότερον ἔτι ἐν τῇ συγγραφῇ τῇ Μεγαρίδι ἐδήλωσα. κατὰ δὲ τὴν ἐσ Γλίσαντα εὐθεῖαν ἐκ Θηβῶν λίθοισ χωρίον περιεχόμενον λογάσιν Ὄφεωσ καλοῦσιν οἱ Θηβαῖοι κεφαλήν, τὸν ὄφιν τοῦτον ‐ ὅστισ δὴ ἦν ‐ ἀνασχεῖν ἐνταῦθα ἐκ τοῦ φωλεοῦ λέγοντεσ τὴν κεφαλήν, Τειρεσίαν δὲ ἐπιτυχόντα ἀποκόψαι μαχαίρᾳ.

τὸ μὲν δὴ χωρίον τοῦτο ἐπὶ λόγῳ καλεῖται τοιῷδε· ὑπὲρ δὲ Γλίσαντόσ ἐστιν ὄροσ Ὕπατοσ καλούμενον, ἐπὶ δὲ αὐτῷ Διὸσ Ὑπάτου ναὸσ καὶ ἄγαλμα· τὸν δὲ ποταμὸν τὸν χείμαρρον Θερμώδοντα ὀνομάζουσιν. ἀναστρέψαντι δὲ ἐπί τε Τευμησσὸν καὶ ὁδὸν τὴν ἐσ Χαλκίδα Χαλκώδοντοσ μνῆμά ἐστιν, ὃσ ἀπέθανεν ὑπὸ Ἀμφιτρύωνοσ μάχησ πρὸσ Θηβαίουσ Εὐβοεῦσι γενομένησ. ἑξῆσ δὲ πόλεων ἐρείπιά ἐστιν Ἅρματοσ καὶ Μυκαλησσοῦ·

καὶ τῇ μὲν τὸ ὄνομα ἐγένετο ἀφανισθέντοσ, ὡσ οἱ Ταναγραῖοί φασιν, ἐνταῦθα Ἀμφιαράῳ τοῦ ἁρ́ματοσ καὶ οὐχ ὅπου λέγουσιν οἱ Θηβαῖοι· Μυκαλησσὸν δὲ ὁμολογοῦσιν ὀνομασθῆναι, διότι ἡ βοῦσ ἐνταῦθα ἐμυκήσατο ἡ Κάδμον καὶ τὸν σὺν αὐτῷ στρατὸν ἄγουσα ἐσ Θήβασ. μοι τοῦ λόγου.

πρὸσ θάλασσαν δὲ τῆσ Μυκαλησσοῦ Δήμητροσ Μυκαλησσίασ ἐστὶν ἱερόν·

κλείεσθαι δὲ αὐτὸ ἐπὶ νυκτὶ ἑκάστῃ καὶ αὖθισ ἀνοίγεσθαί φασιν ὑπὸ Ἡρακλέουσ, τὸν δὲ Ἡρακλέα εἶναι τῶν Ἰδαίων καλουμένων Δακτύλων. δείκνυται δὲ αὐτόθι καὶ θαῦμα τοιόνδε· πρὸ τοῦ ἀγάλματοσ τῶν ποδῶν τιθέασιν ὅσα ἐν ὀπώρᾳ πέφυκε γίνεσθαι, ταῦτα δὲ διὰ παντὸσ μένει τεθηλότα τοῦ ἔτουσ. τοῦ δὲ Εὐρίπου τὴν Εὔβοιαν κατὰ τοῦτο ἀπὸ τῆσ Βοιωτῶν διείργοντοσ τῆσ τε Δήμητροσ ἐν δεξιᾷ τὸ ἱερὸν τῆσ Μυκαλησσίασ καὶ ὀλίγον ἀπ’ αὐτοῦ προελθόντι ἐστὶν Αὐλίσ·

ὀνομασθῆναι δὲ ἀπὸ τῆσ Ὠγύγου θυγατρόσ φασιν αὐτήν. ναὸσ δὲ Ἀρτέμιδόσ ἐστιν ἐνταῦθα καὶ ἀγάλματα λίθου λευκοῦ, τὸ μὲν δᾷδασ φέρον, τὸ δὲ ἐοίκε τοξευούσῃ. φασὶ δὲ ἐπὶ τοῦ βωμοῦ μελλόντων ἐκ μαντείασ τῆσ Κάλχαντοσ Ἰφιγένειαν τῶν Ἑλλήνων θύειν, τὴν θεὸν ἀντ’ αὐτῆσ ἔλαφον τὸ ἱερεῖον ποιῆσαι. πλατάνου δέ, ἧσ καὶ Ὅμηροσ ἐν Ἰλιάδι ἐποιήσατο μνήμην, τὸ ἔτι τοῦ ξύλου περιὸν φυλάσσουσιν ἐν τῷ ναῷ.

λέγεται δὲ ὡσ ἐν Αὐλίδι πνεῦμα τοῖσ Ἕλλησιν οὐκ ἐγίνετο ἐπίφορον, φανέντοσ δὲ ἐξαίφνησ ἀνέμου σφίσιν οὐρίου θύειν τῇ Ἀρτέμιδι ὅ τι ἕκαστοσ εἶχε, θήλεά τε ἱερεῖα καὶ ἄρσενα ὁμοίωσ· καὶ ἀπ’ ἐκείνου διαμεμένηκεν ἐν Αὐλίδι πάντα τὰ ἱερεῖα εἶναι δόκιμα. δείκνυται δὲ καὶ ἡ πηγή, παρ’ ἣν ἡ πλάτανοσ ἐπεφύκει, καὶ ἐπὶ λόφου πλησίον τῆσ Ἀγαμέμνονοσ σκηνῆσ οὐδὸσ χαλκοῦσ· φοίνικεσ δὲ πρὸ τοῦ ἱεροῦ πεφύκασιν, οὐκ ἐσ ἅπαν ἐδώδιμον παρεχόμενοι καρπὸν ὥσπερ ἐν τῇ Παλαιστίνῃ, τοῦ δὲ ἐν Ιὠνίᾳ τῶν φοινίκων καρποῦ πεπανώτερον.

ἄνθρωποι δὲ ἐν τῇ Αὐλίδι οἰκοῦσιν οὐ πολλοί, γῆσ δέ εἰσιν οὗτοι κεραμεῖσ·

νέμονται δὲ Ταναγραῖοι ταύτην τε τὴν χώραν καὶ ὅση περὶ Μυκαλησσόν ἐστι καὶ Ἅρμα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Βοιωτικά, chapter 19

(파우사니아스, Description of Greece, Βοιωτικά, chapter 19)

상위

목록

SEARCH

MENU NAVIGATION