Pausanias, Description of Greece, Βοιωτικά, chapter 20

(파우사니아스, Description of Greece, Βοιωτικά, chapter 20)

ἔστι δὲ τῆσ Ταναγραίασ ἐπὶ θαλάσσῃ καλούμενον Δήλιον· ἐν δὲ αὐτῷ καὶ Ἀρτέμιδοσ καὶ Λητοῦσ ἐστιν ἀγάλματα. Ταναγραῖοι δὲ οἰκιστήν σφισι Ποίμανδρον γενέσθαι λέγουσι Χαιρησίλεω παῖδα τοῦ Ιἀσίου τοῦ Ἐλευθῆροσ, τὸν δ’ Ἀπόλλωνόσ τε καὶ Αἰθούσησ εἶναι τῆσ Ποσειδῶνοσ. Ποίμανδρον δὲ γυναῖκά φασιν ἀγαγέσθαι Τάναγραν θυγατέρα Αἰόλου· Κορίννῃ δέ ἐστιν ἐσ αὐτὴν πεποιημένα Ἀσωποῦ παῖδα εἶναι. ταύτησ τοῦ βίου προελθούσησ ἐπὶ μακρότατον τοὺσ περιοίκουσ φασὶν ἀφελόντασ τὸ ὄνομα τήν τε γυναῖκα αὐτὴν καλεῖν Γραῖαν καὶ ἀνὰ χρόνον τὴν πόλιν·

διαμεῖναί τε τὸ ὄνομα ἐσ τοσοῦτον ὡσ καὶ Ὅμηρον ἐν καταλόγῳ ποιῆσαιΘέσπειαν Γραῖάν τε καὶ εὐρύχορον Μυκαλησσόν. χρόνῳ δὲ ὕστερον τὸ ὄνομα τὸ ἀρχαῖον ἀνεσώσαντο. ἔστι δ’ Ὠρίωνοσ μνῆμα ἐν Τανάγρᾳ καὶ ὄροσ Κηρύκιον, ἔνθα Ἑρμῆν τεχθῆναι λέγουσι, Πόλοσ τε ὀνομαζόμενον χωρίον·

ἐνταῦθα Ἄτλαντα καθήμενον πολυπραγμονεῖν τά τε ὑπὸ γῆσ φασι καὶ τὰ οὐράνια, πεποιῆσθαι δὲ καὶ Ὁμήρῳ περὶ τούτου,Ἄτλαντοσ θυγάτηρ ὀλοόφρονοσ, ὅστε θαλάσσησπάσησ βένθεα οἶδεν, ἔχει δέ τε κίονασ αὐτόσμακράσ, αἳ γαῖάν τε καὶ οὐρανὸν ἀμφὶσ ἔχουσιν. ἐν δὲ τοῦ Διονύσου τῷ ναῷ θέασ μὲν καὶ τὸ ἄγαλμα ἄξιον λίθου τε ὂν Παρίου καὶ ἔργον Καλάμιδοσ, θαῦμα δὲ παρέχεται μεῖζον ἔτι ὁ Τρίτων.

ὁ μὲν δὴ σεμνότεροσ ἐσ αὐτὸν λόγοσ τὰσ γυναῖκάσ φησι τὰσ Ταναγραίων πρὸ τῶν Διονύσου ὀργίων ἐπὶ θάλασσαν καταβῆναι καθαρσίων ἕνεκα, νηχομέναισ δὲ ἐπιχειρῆσαι τὸν Τρίτωνα καὶ τὰσ γυναῖκασ εὔξασθαι Διόνυσόν σφισιν ἀφικέσθαι βοηθόν, ὑπακοῦσαί τε δὴ τὸν θεὸν καὶ τοῦ Τρίτωνοσ κρατῆσαι τῇ μάχῃ· ὁ δὲ ἕτεροσ λόγοσ ἀξιώματι μὲν ἀποδεῖ τοῦ προτέρου, πιθανώτεροσ δέ ἐστι.

φησὶ γὰρ δὴ οὗτοσ, ὁπόσα ἐλαύνοιτο ἐπὶ θάλασσαν βοσκήματα, ὡσ ἐλόχα τε ὁ Τρίτων καὶ ἡρ́παζεν· ἐπιχειρεῖν δὲ αὐτὸν καὶ τῶν πλοίων τοῖσ λεπτοῖσ, ἐσ ὃ οἱ Ταναγραῖοι κρατῆρα οἴνου προτιθέασιν αὐτῷ. καὶ τὸν αὐτίκα ἔρχεσθαι λέγουσιν ὑπὸ τῆσ ὀσμῆσ, πιόντα δὲ ἐρρῖφθαι κατὰ τῆσ ᾐόνοσ ὑπνωμένον, Ταναγραῖον δὲ ἄνδρα πελέκει παίσαντα ἀποκόψαι τὸν αὐχένα αὐτοῦ· καὶ διὰ τοῦτο οὐκ ἔπεστιν αὐτῷ κεφαλή. ὅτι δὲ μεθυσθέντα εἷλον, ἐπὶ τούτῳ ὑπὸ Διονύσου νομίζουσιν ἀποθανεῖν αὐτόν.

일치하는 문장이 없습니다.

SEARCH

MENU NAVIGATION