Pausanias, Description of Greece, Βοιωτικά, chapter 16

(파우사니아스, Description of Greece, Βοιωτικά, chapter 16)

οὐ πόρρω δέ ἐστι ναὸσ Ἄμμωνοσ, καὶ τὸ ἄγαλμα ἀνέθηκε μὲν Πίνδαροσ, Καλάμιδοσ δέ ἐστιν ἔργον. ἀπέπεμψε δὲ ὁ Πίνδαροσ καὶ Λιβύησ ἐσ Ἀμμωνίουσ τῷ Ἄμμωνι ὕμνον· οὗτοσ καὶ ἐσ ἐμὲ ἦν ὁ ὕμνοσ ἐν τριγώνῳ στήλῃ παρὰ τὸν βωμόν, ὃν Πτολεμαῖοσ ὁ Λάγου τῷ Ἄμμωνι ἀνέθηκε. Θηβαίοισ δὲ μετὰ τοῦ Ἄμμωνοσ τὸ ἱερὸν οἰωνοσκοπεῖόν τε Τειρεσίου καλούμενον καὶ πλησίον Τύχησ ἐστὶν ἱερόν· φέρει μὲν δὴ Πλοῦτον παῖδα·

ὡσ δὲ Θηβαῖοι λέγουσι, χεῖρασ μὲν τοῦ ἀγάλματοσ καὶ πρόσωπον Ξενοφῶν εἰργάσατο Ἀθηναῖοσ, Καλλιστόνικοσ δὲ τὰ λοιπὰ ἐπιχώριοσ. σοφὸν μὲν δὴ καὶ τούτοισ τὸ βούλευμα, ἐσθεῖναι Πλοῦτον ἐσ τὰσ χεῖρασ ἅτε μητρὶ ἢ τροφῷ τῇ Τύχῃ, σοφὸν δὲ οὐχ ἧσσον τὸ Κηφισοδότου· καὶ γὰρ οὗτοσ τῆσ Εἰρήνησ τὸ ἄγαλμα Ἀθηναίοισ Πλοῦτον ἔχουσαν πεποίηκεν. Ἀφροδίτησ δὲ Θηβαίοισ ξόανά ἐστιν οὕτω δὴ ἀρχαῖα ὥστε καὶ ἀναθήματα Ἁρμονίασ εἶναί φασιν αὐτά, ἐργασθῆναι δὲ αὐτὰ ἀπὸ τῶν ἀκροστολίων, ἃ ταῖσ Κάδμου ναυσὶν ἦν ξύλου πεποιημένα.

καλοῦσι δὲ Οὐρανίαν, τὴν δὲ αὐτῶν Πάνδημον καὶ Ἀποστροφίαν τὴν τρίτην· ἔθετο δὲ τῇ Ἀφροδίτῃ τὰσ ἐπωνυμίασ ἡ Ἁρμονία, τὴν μὲν Οὐρανίαν ἐπὶ ἔρωτι καθαρῷ καὶ ἀπηλλαγμένῳ πόθου σωμάτων, Πάνδημον δὲ ἐπὶ ταῖσ μίξεσι, τρίτα δὲ Ἀποστροφίαν, ἵνα ἐπιθυμίασ τε ἀνόμου καὶ ἔργων ἀνοσίων ἀποστρέφῃ τὸ γένοσ τῶν ἀνθρώπων· ὁποῖα καὶ ὕστερον ἐπὶ τῇ Ἀδώνιδοσ μητρὶ καὶ ἐσ Φαίδραν τε τὴν Μίνω καὶ ἐσ τὸν Θρᾷκα Τηρέα ᾄδεται.

τὸ δὲ τῆσ Δήμητροσ ἱερὸν τῆσ Θεσμοφόρου Κάδμου καὶ τῶν ἀπογόνων οἰκίαν ποτὲ εἶναι λέγουσι·

Δήμητροσ δὲ ἄγαλμα ὅσον ἐσ στέρνα ἐστὶν ἐν τῷ φανερῷ. καὶ ἀσπίδεσ ἐνταῦθα ἀνάκεινται χαλκαῖ· Λακεδαιμονίων δέ, ὁπόσοι τῶν ἐν τέλει περὶ Λεῦκτρα ἐτελεύτησαν, φασὶν εἶναι. πρὸσ δὲ ταῖσ καλουμέναισ πύλαισ Προιτίσι θέατρον ᾠκοδόμηται, καὶ ἐγγυτάτω τοῦ θεάτρου Διονύσου ναόσ ἐστιν ἐπίκλησιν Λυσίου·

Θηβαίων γὰρ αἰχμαλώτουσ ἄνδρασ ἐχομένουσ ὑπὸ Θρᾳκῶν, ὡσ ἀγόμενοι κατὰ τὴν Ἁλιαρτίαν ἐγίνοντο, ἔλυσεν ὁ θεὸσ καὶ ἀποκτεῖναί σφισι τοὺσ Θρᾷκασ παρέδωκεν ὑπνωμένουσ. ἐνταῦθα οἱ Θηβαῖοι τὸ ἕτερον τῶν ἀγαλμάτων φασὶν εἶναι Σεμέλησ· ἐνιαυτοῦ δὲ ἅπαξ ἑκάστου τὸ ἱερὸν ἀνοιγνύναι φασὶν ἐν ἡμέραισ τακταῖσ. καὶ οἰκίασ τῆσ Λύκου τὰ ἐρείπια καὶ Σεμέλησ μνῆμά ἐστιν, Ἀλκμήνησ δὲ οὐ μνῆμα·

γενέσθαι δὲ αὐτὴν ὡσ ἀπέθανε λίθον φασὶν ἐξ ἀνθρώπου, καὶ Μεγαρεῦσι τὰ ἐσ αὐτὴν οὐχ ὁμολογοῦσι· διάφορα δὲ καὶ τὰ λοιπὰ ὡσ τὸ πολὺ ἀλλήλοισ λέγουσιν Ἕλληνεσ. Θηβαίοισ δὲ ἐνταῦθα καὶ τὰ μνήματα πεποίηται τῶν Ἀμφίονοσ παίδων, χωρὶσ μὲν τῶν ἀρσένων, ἰδίᾳ δὲ ταῖσ παρθένοισ.

일치하는 문장이 없습니다.

SEARCH

MENU NAVIGATION