헬라어 문장 검색 - Παυσαν́Δεσξριπ́9́27́

(파우사니아스, Description of Greece, Βοιωτικά, chapter 27)

θεῶν δὲ οἱ Θεσπιεῖσ τιμῶσιν Ἔρωτα μάλιστα ἐξ ἀρχῆσ, καί σφισιν ἄγαλμα παλαιότατόν ἐστιν ἀργὸσ λίθοσ. ὅστισ δὲ ὁ καταστησάμενοσ Θεσπιεῦσιν Ἔρωτα θεῶν σέβεσθαι μάλιστα, οὐκ οἶδα. σέβονται δὲ οὐδέν τι ἧσσον καὶ Ἑλλησποντίων Παριανοί, τὸ μὲν ἀνέκαθεν ἐξ Ιὠνίασ καὶ Ἐρυθρῶν ἀπῳκισμένοι, τὰ δὲ ἐφ’ ἡμῶν τελοῦντεσ ἐσ Ῥωμαίουσ. Ἔρωτα δὲ ἄνθρωποι μὲν οἱ πολλοὶ νεώτατον θεῶν εἶναι καὶ Ἀφροδίτησ παῖδα ἥγηνται·

Λύκιοσ δὲ Ὠλήν, ὃσ καὶ τοὺσ ὕμνουσ τοὺσ ἀρχαιοτάτουσ ἐποίησεν Ἕλλησιν, οὗτοσ ὁ Ὠλὴν ἐν Εἰλειθυίασ ὕμνῳ μητέρα Ἔρωτοσ τὴν Εἰλείθυιάν φησιν εἶναι. Ὠλῆνοσ δὲ ὕστερον Πάμφωσ τε ἔπη καὶ Ὀρφεὺσ ἐποίησαν· καί σφισιν ἀμφοτέροισ πεποιημένα ἐστὶν ἐσ Ἔρωτα, ἵνα ἐπὶ τοῖσ δρωμένοισ Λυκομίδαι καὶ ταῦτα ᾄδωσιν· ἐγὼ δὲ ἐπελεξάμην ἀνδρὶ ἐσ λόγουσ <ἐλθὼν> δᾳδουχοῦντι. καὶ τῶν μὲν οὐ πρόσω ποιήσομαι μνήμην· Ἡσίοδον δὲ ἢ τὸν Ἡσιόδῳ Θεογονίαν ἐσποιήσαντα οἶδα γράψαντα ὡσ Χάοσ πρῶτον, ἐπὶ δὲ αὐτῷ Γῆ τε καὶ Τάρταροσ καὶ Ἔρωσ γένοιτο· Σαπφὼ δὲ ἡ Λεσβία πολλά τε καὶ οὐχ ὁμολογοῦντα ἀλλήλοισ ἐσ Ἔρωτα ᾖσε.

Θεσπιεῦσι δὲ ὕστερον χαλκοῦν εἰργάσατο Ἔρωτα Λύσιπποσ, καὶ ἔτι πρότερον τούτου Πραξιτέλησ λίθου τοῦ Πεντελῆσι. καὶ ὅσα μὲν εἶχεν ἐσ Φρύνην καὶ τὸ ἐπὶ Πραξιτέλει τῆσ γυναικὸσ σόφισμα, ἑτέρωθι ἤδη μοι δεδήλωται· πρῶτον δὲ τὸ ἄγαλμα κινῆσαι τοῦ Ἔρωτοσ λέγουσι Γάιον δυναστεύσαντα ἐν Ῥώμῃ, Κλαυδίου δὲ ὀπίσω Θεσπιεῦσιν ἀποπέμψαντοσ Νέρωνα αὖθισ δεύτερα ἀνάσπαστον ποιῆσαι.

καὶ τὸν μὲν φλὸξ αὐτόθι διέφθειρε·

τῶν δὲ ἀσεβησάντων ἐσ τὸν θεὸν ὁ μὲν ἀνθρώπῳ στρατιώτῃ διδοὺσ ἀεὶ τὸ αὐτὸ σύνθημα μετὰ ὑπούλου χλευασίασ ἐσ τοσοῦτο προήγαγε θυμοῦ τὸν ἄνθρωπον ὥστε σύνθημα διδόντα αὐτὸν διεργάζεται, Νέρωνι δὲ παρὲξ <ἢ> τὰ ἐσ τὴν μητέρα ἐστὶ καὶ ἐσ γυναῖκασ γαμετὰσ ἐναγῆ τε καὶ ἀνέραστα τολμήματα. τὸν δὲ ἐφ’ ἡμῶν Ἔρωτα ἐν Θεσπιαῖσ ἐποίησεν Ἀθηναῖοσ Μηνόδωροσ, τὸ ἔργον τὸ Πραξιτέλουσ μιμούμενοσ. ἐνταῦθα καὶ αὐτοῦ Πραξιτέλουσ Ἀφροδίτη καὶ Φρύνησ ἐστὶν εἰκών, λίθου καὶ ἡ Φρύνη καὶ ἡ θεόσ.

ἔστι δὲ καὶ ἑτέρωθι Ἀφροδίτησ Μελαινίδοσ ἱερὸν καὶ θέατρόν τε καὶ ἀγορὰ θέασ ἄξια· ἐνταῦθα Ἡσίοδοσ ἀνάκειται χαλκοῦσ. τῆσ ἀγορᾶσ τε οὐ πόρρω Νίκη τε χαλκοῦ καὶ ναὸσ Μουσῶν ἐστιν οὐ μέγασ· ἀγάλματα δὲ ἐν αὐτῷ μικρὰ λίθου πεποιημένα. καὶ Ἡρακλέουσ Θεσπιεῦσίν ἐστιν ἱερόν·

ἱερᾶται δὲ αὐτοῦ παρθένοσ, ἔστ’ ἂν ἐπιλάβῃ τὸ χρεὼν αὐτήν. αἴτιον δὲ τούτου φασὶν εἶναι τοιόνδε, Ἡρακλέα ταῖσ θυγατράσι πεντήκοντα οὔσαισ ταῖσ Θεστίου συγγενέσθαι πάσαισ πλὴν μιᾶσ ἐν τῇ αὐτῇ νυκτί· ταύτην δὲ οὐκ ἐθελῆσαί οἱ τὴν μίαν μιχθῆναι· βίον ἱερωμένην αὐτῷ.

ἐγὼ δὲ ἤκουσα μὲν καὶ ἄλλον λόγον, ὡσ διὰ πασῶν ὁ Ἡρακλῆσ τῶν Θεστίου παρθένων διεξέλθοι τῇ αὐτῇ νυκτὶ καὶ ὡσ ἄρσενασ παῖδασ αὐτῷ πᾶσαι τέκοιεν, διδύμουσ δὲ ἥ τε νεωτάτη καὶ ἡ πρεσβυτάτη·

ἐκεῖνο δὲ οὐκ ἔστιν ὅπωσ ἡγήσομαι πιστόν, Ἡρακλέα ἐπὶ τοσοῦτο ὀργῆσ ἀνδρὸσ φίλου θυγατρὶ ἀφικέσθαι· πρὸσ δὲ καὶ ἡνίκα ἔτι ἦν μετ’ ἀνθρώπων, τιμωρούμενόσ τε ἄλλουσ ὑβρίζοντασ καὶ μάλιστα ὅσοι θεῶν ἀσεβεῖσ ἦσαν, οὐκ ἂν αὐτόσ γε κατεστήσατο αὑτῷ ναόν τε καὶ ἱέρειαν ὥσπερ δὴ θεόσ. ἀλλὰ γὰρ ἐφαίνετό μοι τὸ ἱερὸν τοῦτο ἀρχαιότερον ἢ κατὰ Ἡρακλέα εἶναι τὸν Ἀμφιτρύωνοσ, καὶ Ἡρακλέουσ τοῦ καλουμένου τῶν Ἰδαίων Δακτύλων, οὗ δὴ καὶ Ἐρυθραίουσ τοὺσ ἐν Ιὠνίᾳ καὶ Τυρίουσ ἱερὰ ἔχοντασ εὑρ́ισκον.

οὐ μὴν οὐδὲ οἱ Βοιωτοὶ τοῦ Ἡρακλέουσ ἠγνόουν τοῦτο τὸ ὄνομα, ὅπου γε αὐτοὶ τῆσ Μυκαλησσίασ Δήμητροσ Ἡρακλεῖ τῷ Ἰδαίῳ τὸ ἱερὸν ἐπιτετράφθαι λέγουσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Βοιωτικά, chapter 27

(파우사니아스, Description of Greece, Βοιωτικά, chapter 27)

상위

목록

SEARCH

MENU NAVIGATION