헬라어 문장 검색 - Παυσαν́Δεσξριπ́9́12́

(파우사니아스, Description of Greece, Βοιωτικά, chapter 12)

τῷ δὲ Ἀπόλλωνι Θηβαῖοι τῷ Σποδίῳ ταύρουσ ἔθυον τὸ ἀρχαῖον· καί ποτε παρούσησ σφίσι τῆσ ἑορτῆσ ἥ τε ὡρ́α κατήπειγε τῆσ θυσίασ καὶ οἱ πεμφθέντεσ ἐπὶ τὸν ταῦρον οὐχ ἧκον· οὕτω δὴ παρατυχούσησ ἁμάξησ τὸν ἕτερον τῶν βοῶν τῷ θεῷ θύουσι καὶ ἀπ’ ἐκείνου ἐργάτασ βοῦσ θύειν νομίζουσι. λέγεται δὲ καὶ ὅδε ὑπ’ αὐτῶν λόγοσ, <ὡσ> ἀπιόντι ἐκ Δελφῶν Κάδμῳ τὴν ἐπὶ Φωκέων βοῦσ γένοιτο ἡγεμὼν τῆσ πορείασ, τὴν δὲ βοῦν ταύτην παρὰ βουκόλων εἶναι τῶν Πελάγοντοσ ὠνητήν·

ἐπὶ δὲ ἑκατέρᾳ τῆσ βοὸσ πλευρᾷ σημεῖον ἐπεῖναι λευκὸν εἰκασμένον κύκλῳ τῆσ σελήνησ, ὁπότε εἰή πλήρησ. ἔδει δὲ ἄρα Κάδμον καὶ τὸν σὺν αὐτῷ στρατὸν ἐνταῦθα οἰκῆσαι κατὰ τοῦ θεοῦ τὴν μαντείαν, ἔνθα ἡ βοῦσ ἔμελλε καμοῦσα ὀκλάσειν·

ἀποφαίνουσιν οὖν καὶ τοῦτο τὸ χωρίον. ἐνταῦθα ἔστι μὲν ἐν ὑπαίθρῳ βωμὸσ καὶ ἄγαλμα <Ἀθηνᾶσ>· ἀναθεῖναι δὲ αὐτὸ Κάδμον λέγουσι. τοῖσ οὖν νομίζουσιν ἐσ γῆν ἀφικέσθαι Κάδμον τὴν Θηβαί̈δα Αἰγύπτιον καὶ οὐ Φοίνικα ὄντα, ἔστιν ἐναντίον τῷ λόγῳ τῆσ Ἀθηνᾶσ ταύτησ τὸ ὄνομα, ὅτι Ὄγγα κατὰ γλῶσσαν τὴν Φοινίκων καλεῖται καὶ οὐ Σάισ κατὰ τὴν Αἰγυπτίων φωνήν. φασὶ δὲ οἱ Θηβαῖοι, καθότι τῆσ ἀκροπόλεωσ ἀγορά σφισιν ἐφ’ ἡμῶν πεποίηται, Κάδμου τὸ ἀρχαῖον οἰκίαν εἶναι·

θαλάμων δὲ ἀποφαίνουσι τοῦ μὲν Ἁρμονίασ ἐρείπια καὶ ὃν Σεμέλησ φασὶν εἶναι, τοῦτον δὲ καὶ ἐσ ἡμᾶσ ἔτι ἄβατον φυλάσσουσιν ἀνθρώποισ. Ἑλλήνων δὲ τοῖσ ἀποδεχομένοισ ᾆσαι Μούσασ ἐσ τὸν Ἁρμονίασ γάμον τὸ χωρίον ἐστὶν ἐπὶ τῆσ ἀγορᾶσ, ἔνθα δή φασι τὰσ θεὰσ ᾆσαι. λέγεται δὲ καὶ τόδε, ὡσ ὁμοῦ τῷ κεραυνῷ βληθέντι ἐσ τὸν Σεμέλησ θάλαμον πέσοι ξύλον ἐξ οὐρανοῦ·

Πολύδωρον δὲ τὸ ξύλον τοῦτο χαλκῷ λέγουσιν ἐπικοσμήσαντα Διόνυσον καλέσαι Κάδμον. πλησίον δὲ Διονύσου ἄγαλμα, καὶ τοῦτο Ὀνασιμήδησ ἐποίησε δι’ ὅλου πλῆρεσ ὑπὸ τοῦ χαλκοῦ· τὸν βωμὸν δὲ οἱ παῖδεσ εἰργάσαντο οἱ Πραξιτέλουσ.

ἀνδριάσ τέ ἐστι Προνόμου ἀνδρὸσ αὐλήσαντοσ ἐπαγωγότατα ἐσ τοὺσ πολλούσ.

τέωσ μέν γε ἰδέασ αὐλῶν τρεῖσ ἐκτῶντο οἱ αὐληταὶ καὶ τοῖσ μὲν αὔλημα ηὔλουν τὸ Δώριον, διάφοροι δὲ αὐτοῖσ ἐσ ἁρμονίαν τὴν Φρύγιον ἐπεποίηντο οἱ αὐλοί, τὸ δὲ καλούμενον Λύδιον ἐν αὐλοῖσ ηὐλεῖτο ἀλλοίοισ· Πρόνομοσ δὲ ἦν ὃσ πρῶτοσ ἐπενόησεν αὐλοὺσ ἐσ ἅπαν ἁρμονίασ εἶδοσ ἔχοντασ ἐπιτηδείωσ, πρῶτοσ δὲ διάφορα ἐσ τοσοῦτο μέλη ἐπ’ αὐλοῖσ ηὔλησε τοῖσ αὐτοῖσ. λέγεται δὲ ὡσ καὶ τοῦ προσώπου τῷ σχήματι καὶ τῇ τοῦ παντὸσ κινήσει σώματοσ περισσῶσ δή τι ἔτερπε τὰ θέατρα·

καί οἱ καὶ ᾆσμα πεποιημένον ἐστὶ ἐσ προσόδιον ἐσ Δῆλον τοῖσ ἐπ’ Εὐρίπῳ Χαλκιδεῦσι. τοῦτόν τε οὖν ἐνταῦθα οἱ Θηβαῖοι καὶ Ἐπαμινώνδαν τὸν Πολύμνιδοσ ἀνέθεσαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Βοιωτικά, chapter 12

(파우사니아스, Description of Greece, Βοιωτικά, chapter 12)

상위

목록

SEARCH

MENU NAVIGATION