헬라어 문장 검색 - Παυσαν́Δεσξριπ́9́31́

(파우사니아스, Description of Greece, Βοιωτικά, chapter 31)

καὶ Ἀρσινόησ ἐστὶν ἐν Ἑλικῶνι εἰκών, ἣν Πτολεμαῖοσ ἔγημεν ἀδελφὸσ ὤν. τὴν δὲ Ἀρσινόην στρουθὸσ φέρει χαλκῆ τῶν ἀπτήνων· πτερὰ μέν γε καὶ αὗται κατὰ ταὐτὰ ταῖσ ἄλλαισ φύουσιν, ὑπὸ δὲ βάρουσ καὶ διὰ μέγεθοσ οὐχ οἱᾶ́ τέ ἐστιν ἀνέχειν σφᾶσ ἐσ τὸν ἀέρα τὰ πτερά. ἐνταῦθα καὶ Τηλέφῳ τῷ Ἡρακλέουσ γάλα ἐστὶν ἔλαφοσ παιδὶ μικρῷ διδοῦσα καὶ βοῦσ τε παρ’ αὐτὸν καὶ ἄγαλμα Πριάπου θέασ ἄξιον.

τούτῳ τιμαὶ τῷ θεῷ δέδονται μὲν καὶ ἄλλωσ, ἔνθα εἰσὶν αἰγῶν νομαὶ καὶ προβάτων ἢ καὶ ἑσμοὶ μελισσῶν· Λαμψακηνοὶ δὲ ἐσ πλέον ἢ θεοὺσ τοὺσ ἄλλουσ νομίζουσι, Διονύσου τε αὐτὸν παῖδα εἶναι καὶ Ἀφροδίτησ λέγοντεσ. ἐν δὲ τῷ Ἑλικῶνι καὶ ἄλλοι τρίποδεσ κεῖνται καὶ ἀρχαιότατοσ, ὃν ἐν Χαλκίδι λαβεῖν τῇ ἐπ’ Εὐρίπῳ λέγουσιν Ἡσίοδον νικήσαντα ᾠδῇ.

περιοικοῦσι δὲ καὶ ἄνδρεσ τὸ ἄλσοσ, καὶ ἑορτήν τε ἐνταῦθα οἱ Θεσπιεῖσ καὶ ἀγῶνα ἄγουσι Μουσεῖα· ἄγουσι δὲ καὶ τῷ Ἔρωτι, ἆθλα οὐ μουσικῆσ μόνον ἀλλὰ καὶ ἀθληταῖσ τιθέντεσ. ἐπαναβάντι δὲ στάδια ἀπὸ τοῦ ἄλσουσ τούτου ὡσ εἴκοσιν ἔστιν ἡ τοῦ Ἵππου καλουμένη κρήνη· ταύτην τὸν Βελλεροφόντου ποιῆσαί φασιν ἵππον ἐπιψαύσαντα ὁπλῇ τῆσ γῆσ. Βοιωτῶν δὲ οἱ περὶ τὸν Ἑλικῶνα οἰκοῦντεσ παρειλημμένα δόξῃ λέγουσιν ὡσ ἄλλο Ἡσίοδοσ ποιήσειεν οὐδὲν ἢ τὰ Ἔργα·

καὶ τούτων δὲ τὸ ἐσ τὰσ Μούσασ ἀφαιροῦσι προοίμιον, ἀρχὴν τῆσ ποιήσεωσ εἶναι τὸ ἐσ τὰσ Ἔριδασ λέγοντεσ· καί μοι μόλυβδον ἐδείκνυσαν, ἔνθα ἡ πηγή, τὰ πολλὰ ὑπὸ τοῦ χρόνου λελυμασμένον· ἐγγέγραπται δὲ αὐτῷ τὰ Ἔργα.

ἔστι δὲ καὶ ἑτέρα κεχωρισμένη τῆσ προτέρασ, ὡσ πολύν τινα ἐπῶν ὁ Ἡσίοδοσ ἀριθμὸν ποιήσειεν, ἐσ γυναῖκάσ τε ᾀδόμενα καὶ ἃσ μεγάλασ ἐπονομάζουσιν Ηοἴασ, καὶ Θεογονίαν τε καὶ ἐσ τὸν μάντιν Μελάμποδα, καὶ ὡσ Θησεὺσ ἐσ τὸν Αἵδην ὁμοῦ Πειρίθῳ καταβαίη παραινέσεισ τε Χίρωνοσ ἐπὶ διδασκαλίᾳ δὴ τῇ Ἀχιλλέωσ, καὶ ὅσα ἐπὶ Ἔργοισ τε καὶ Ἡμέραισ. οἱ δὲ αὐτοὶ οὗτοι λέγουσι καὶ ὡσ μαντικὴν Ἡσίοδοσ διδαχθείη παρὰ Ἀκαρνάνων·

καὶ ἔστιν ἔπη Μαντικά, ὁπόσα τε ἐπελεξάμεθα καὶ ἡμεῖσ, καὶ ἐξηγήσεισ ἐπὶ τέρασιν. ἐναντία δὲ καὶ ἐσ τοῦ Ἡσιόδου τὴν τελευτήν ἐστιν εἰρημένα.

ὅτι μὲν γὰρ οἱ παῖδεσ τοῦ Γανύκτοροσ Κτίμενοσ καὶ Ἄντιφοσ ἔφυγον ἐσ Μολυκρίαν ἐκ Ναυπάκτου διὰ τοῦ Ἡσιόδου τὸν φόνον καὶ αὐτόθι ἀσεβήσασιν ἐσ Ποσειδῶνα ἐγένετο τῇ Μολυκρίδι σφίσιν ἡ δίκη, τάδε μὲν καὶ οἱ πάντεσ κατὰ ταὐτὰ εἰρήκασι· τὴν δὲ ἀδελφὴν τῶν νεανίσκων οἱ μὲν ἄλλου τού φασιν αἰσχύναντοσ Ἡσίοδον λαβεῖν οὐκ ἀληθῆ τὴν τοῦ ἀδικήματοσ δόξαν, οἱ δὲ ἐκείνου γενέσθαι τὸ ἔργον. τὰ μὲν δὴ ἐσ Ἡσίοδον καὶ αὐτὸν καὶ ἐσ τὰ ἔπη διάφορα ἐπὶ τοσοῦτο εἴρηται·

ἐπὶ δὲ ἄκρᾳ τῇ κορυφῇ τοῦ Ἑλικῶνοσ ποταμὸσ οὐ μέγασ ἐστὶν ὁ Λάμοσ.

Θεσπιέων δὲ ἐν τῇ γῇ ἡ Δονακών ἐστιν ὀνομαζόμενοσ· ἐνταῦθά ἐστι Ναρκίσσου πηγή, καὶ τὸν Νάρκισσον ἰδεῖν ἐσ τοῦτο τὸ ὕδωρ φασίν, οὐ συνέντα δὲ ὅτι ἑώρα σκιὰν τὴν ἑαυτοῦ λαθεῖν τε αὐτὸν ἐρασθέντα αὑτοῦ καὶ ὑπὸ τοῦ ἔρωτοσ ἐπὶ τῇ πηγῇ οἱ συμβῆναι τὴν τελευτήν. τοῦτο μὲν δὴ παντάπασιν εὐήθεσ, ἡλικίασ ἤδη τινὰ ἐσ τοσοῦτο ἥκοντα ὡσ ὑπὸ ἔρωτοσ ἁλίσκεσθαι μηδὲ ὁποῖόν τι ἄνθρωποσ καὶ ὁποῖόν τι ἀνθρώπου σκιὰ διαγνῶναι· ἔχει δὲ καὶ ἕτεροσ ἐσ αὐτὸν λόγοσ, ἧσσον μὲν τοῦ προτέρου γνώριμοσ, λεγόμενοσ δὲ καὶ οὗτοσ, ἀδελφὴν γενέσθαι Ναρκίσσῳ δίδυμον, τά τε ἄλλα ἐσ ἅπαν ὅμοιον τὸ εἶδοσ καὶ ἀμφοτέροισ ὡσαύτωσ κόμην εἶναι καὶ ἐσθῆτα ἐοικυῖαν αὐτοὺσ ἐνδύεσθαι καὶ δὴ καὶ ἐπὶ θήραν ἰέναι μετὰ ἀλλήλων·

Νάρκισσον δὲ ἐρασθῆναι τῆσ ἀδελφῆσ, καὶ ὡσ ἀπέθανεν ἡ παῖσ, φοιτῶντα ἐπὶ τὴν πηγὴν συνιέναι μὲν ὅτι τὴν ἑαυτοῦ σκιὰν ἑώρα, εἶναι δέ οἱ καὶ συνιέντι ῥᾳστώνην τοῦ ἔρωτοσ ἅτε οὐχ ἑαυτοῦ σκιὰν δοξάζοντι ἀλλὰ εἰκόνα ὁρᾶν τῆσ ἀδελφῆσ.

νάρκισσον δὲ ἄνθοσ ἡ γῆ καὶ πρότερον ἔφυεν ἐμοὶ δοκεῖν, εἰ τοῖσ Πάμφω τεκμαίρεσθαι χρή τι ἡμᾶσ ἔπεσι·

γεγονὼσ γὰρ πολλοῖσ πρότερον ἔτεσιν ἢ Νάρκισσοσ ὁ Θεσπιεὺσ Κόρην τὴν Δήμητρόσ φησιν ἁρπασθῆναι παίζουσαν καὶ ἄνθη συλλέγουσαν, ἁρπασθῆναι δὲ οὐκ ἰοίσ ἀπατηθεῖσαν ἀλλὰ ναρκίσσοισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Βοιωτικά, chapter 31

(파우사니아스, Description of Greece, Βοιωτικά, chapter 31)

상위

목록

SEARCH

MENU NAVIGATION