헬라어 문장 검색 - Παυσαν́Δεσξριπ́9́10́

(파우사니아스, Description of Greece, Βοιωτικά, chapter 10)

πολυάνδριον δὲ οὐ μακρὰν ἀπὸ τῶν πυλῶν ἐστι· κεῖνται δὲ ὁπόσουσ κατέλαβεν ἀποθανεῖν Ἀλεξάνδρῳ καὶ Μακεδόσιν ἀντιτεταγμένουσ. οὐ πόρρω δὲ ἀποφαίνουσι χωρίον ἔνθα Κάδμον λέγουσιν ‐ ὅτῳ πιστά ‐ τοῦ δράκοντοσ, ὃν ἀπέκτεινεν ἐπὶ τῇ κρήνῃ, τοὺσ ὀδόντασ σπείραντα, ἄνδρασ δὲ ἀπὸ τῶν ὀδόντων ἀνεῖναι τὴν γῆν. ἔστι δὲ λόφοσ ἐν δεξιᾷ τῶν πυλῶν ἱερὸσ Ἀπόλλωνοσ·

καλεῖται δὲ ὅ τε λόφοσ καὶ ὁ θεὸσ Ἰσμήνιοσ, παραρρέοντοσ τοῦ ποταμοῦ ταύτῃ τοῦ Ἰσμηνοῦ. πρῶτα μὲν δὴ λίθου κατὰ τὴν ἔσοδόν ἐστιν Ἀθηνᾶ καὶ Ἑρμῆσ, ὀνομαζόμενοι Πρόναοι· ποιῆσαι δὲ αὐτὸν Φειδίασ, τὴν δὲ Ἀθηνᾶν λέγεται Σκόπασ· μετὰ δὲ ὁ ναὸσ ᾠκοδόμηται. τὸ δὲ ἄγαλμα μεγέθει τε ἴσον τῷ ἐν Βραγχίδαισ ἐστὶ καὶ τὸ εἶδοσ οὐδὲν διαφόρωσ ἔχον·

ὅστισ δὲ τῶν ἀγαλμάτων τούτων τὸ ἕτερον εἶδε καὶ τὸν εἰργασμένον ἐπύθετο, οὐ μεγάλη οἱ σοφία καὶ τὸ ἕτερον θεασαμένῳ Κανάχου ποίημα ὂν ἐπίστασθαι. διαφέρουσι δὲ τοσόνδε· ὁ μὲν γὰρ ἐν Βραγχίδαισ χαλκοῦ, ὁ δὲ Ἰσμήνιόσ ἐστι κέδρου. ἔστι δ’ ἐνταῦθα λίθοσ ἐφ’ ᾧ Μαντώ φασι τὴν Τειρεσίου καθέζεσθαι.

οὗτοσ μὲν πρὸ τῆσ ἐσόδου κεῖται, καί οἱ τὸ ὄνομά ἐστι καὶ ἐσ ἡμᾶσ ἔτι Μαντοῦσ δίφροσ· ἐν δεξιᾷ δὲ τοῦ ναοῦ λίθου πεποιημένασ εἰκόνασ Ἡνιόχησ εἶναι, τὴν δὲ Πύρρασ λέγουσι, θυγατέρασ δὲ αὐτὰσ εἶναι Κρέοντοσ, ὃσ ἐδυνάστευεν ἐπιτροπεύων Λαοδάμαντα τὸν Ἐτεοκλέουσ. τόδε γε καὶ ἐσ ἐμὲ ἔτι γινόμενον οἶδα ἐν Θήβαισ·

τῷ Ἀπόλλωνι τῷ Ἰσμηνίῳ παῖδα οἴκου τε δοκίμου καὶ αὐτὸν εὖ μὲν εἴδουσ, εὖ δὲ ἔχοντα καὶ ῥώμησ, ἱερέα ἐνιαύσιον ποιοῦσιν· ἐπίκλησισ δέ ἐστίν οἱ δαφναφόροσ, στεφάνουσ γὰρ φύλλων δάφνησ φοροῦσιν οἱ παῖδεσ. εἰ μὲν οὖν πᾶσιν ὁμοίωσ καθέστηκεν ἀναθεῖναι δαφνηφορήσαντασ χαλκοῦν τῷ θεῷ τρίποδα, οὐκ ἔχω δηλῶσαι, δοκῶ δὲ οὐ πᾶσιν εἶναι νόμον· οὐ γὰρ δὴ πολλοὺσ ἑώρων αὐτόθι ἀνακειμένουσ· οἱ δ’ οὖν εὐδαιμονέστεροι τῶν παίδων ἀνατιθέασιν. ἐπιφανὴσ δὲ μάλιστα ἐπί τε ἀρχαιότητι καὶ τοῦ ἀναθέντοσ τῇ δόξῃ τρίπουσ ἐστὶν Ἀμφιτρύωνοσ ἀνάθημα ἐπὶ Ἡρακλεῖ δαφνηφορήσαντι. ἀνωτέρω δὲ τοῦ Ἰσμηνίου τὴν κρήνην ἴδοισ ἄν, ἥντινα Ἄρεώσ φασιν ἱερὰν εἶναι καὶ δράκοντα ὑπὸ τοῦ Ἄρεωσ ἐπιτετάχθαι φύλακα τῇ πηγῇ.

πρὸσ ταύτῃ τῇ κρήνῃ τάφοσ ἐστὶ Καάνθου· Μελίασ δὲ ἀδελφὸν καὶ Ὠκεανοῦ παῖδα εἶναι Κάανθον λέγουσι, σταλῆναι δὲ ὑπὸ τοῦ πατρὸσ ζητήσοντα ἡρπασμένην τὴν ἀδελφήν.

ὡσ δὲ Ἀπόλλωνα εὑρὼν ἔχοντα τὴν Μελίαν οὐκ ἐδύνατο ἀφελέσθαι, πῦρ ἐτόλμησεν ἐσ τὸ τέμενοσ ἐνεῖναι τοῦ Ἀπόλλωνοσ τοῦτο ὃ νῦν καλοῦσιν Ἰσμήνιον· καὶ αὐτὸν ὁ θεόσ, καθά φασιν οἱ Θηβαῖοι, τοξεύει. Καάνθου μὲν ἐνταῦθά ἐστι μνῆμα, Ἀπόλλωνι δὲ παῖδασ ἐκ Μελίασ γενέσθαι λέγουσι Τήνερον καὶ Ἰσμηνόν·

Τηνέρῳ μὲν Ἀπόλλων μαντικὴν δίδωσι, τοῦ δὲ Ἰσμηνίου τὸ ὄνομα ἔσχεν ὁ ποταμόσ. οὐ μὴν οὐδὲ τὰ πρότερα ἦν ἀνώνυμοσ, εἰ δὴ καὶ Λάδων ἐκαλεῖτο πρὶν Ἰσμηνὸν γενέσθαι τὸν Ἀπόλλωνοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Βοιωτικά, chapter 10

(파우사니아스, Description of Greece, Βοιωτικά, chapter 10)

상위

목록

SEARCH

MENU NAVIGATION