헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 6, chapter 86)

ἐοίκέ πωσ ἀνθρωπείῳ σώματι πόλισ. σύνθετον γὰρ καὶ ἐκ πολλῶν μερῶν ἐστιν ἑκάτερον· καὶ οὔτε δύναμιν ἔχει ἕκαστον τὴν αὐτὴν τῶν ἐν αὐτοῖσ μερῶν οὔτε χρείασ παρέχεται τὰσ ἴσασ. εἰ δὴ λάβοι τὰ μέρη τοῦ ἀνθρωπείου σώματοσ ἰδίαν αἴσθησιν καθ’ αὑτὰ καὶ φωνήν, ἔπειτα στάσισ ἐν αὐτοῖσ ἐμπέσοι καθ’ ἓν γενομένοισ τοῖσ ἄλλοισ ἅπασι πρὸσ τὴν γαστέρα μόνην, καὶ λέγοιεν οἱ μὲν πόδεσ, ὅτι πᾶν ἐπ’ αὐτοῖσ ἐπίκειται τὸ σῶμα·

αἱ δὲ χεῖρεσ, ὅτι τὰσ τέχνασ ἐργάζονται καὶ τἀπιτήδεια ἐκπορίζουσι καὶ μάχονται πολεμίοισ καὶ ἄλλα πολλὰ ὠφελήματα παρέχουσιν εἰσ τὸ κοινόν·

οἱ δὲ ὦμοι, ὅτι τὰ ἄχθη πάντα ἐπ’ αὐτοῖσ κομίζεται· τὸ δὲ στόμα ὅτι φθέγγεται· ἡ δὲ κεφαλή, ὅτι ὁρᾷ καὶ ἀκούει καὶ τὰσ ἄλλασ αἰσθήσεισ περιλαβοῦσα πάσασ ἔχει, δι’ ὧν σώζεται τὸ πρᾶγμα· εἶτα φαῖεν πρὸσ τὴν γαστέρα· σὺ δ’, ὦ χρηστή, τί τούτων ποιεῖσ ἢ τίσ ἐστιν ἡ σὴ χάρισ ἡμῖν καὶ ὠφέλεια; ὑπηρετεῖν ἀναγκάζεισ καὶ φέρειν ἁπανταχόθεν εἰσ τὴν ἐκπλήρωσιν τῶν σεαυτῆσ ἐπιθυμιῶν.

φέρε, τί οὐ μεταποιούμεθα τῆσ ἐλευθερίασ, καὶ τῶν πολλῶν ἀφιέμεθα πραγματειῶν, ἃσ ἕνεκα ταύτησ ὑπομένομεν;

εἰ δὴ ταῦτα δόξειεν αὐτοῖσ καὶ μηδὲν ἔτι δρῴη τὸ ἑαυτοῦ ἔργον, ἔσθ’ ὅπωσ ἂν ἐπὶ τὸ πολὺ διαρκέσαι δυνηθείη τὸ σῶμα, ἀλλ’ οὐκ ἂν ἐντὸσ ὀλίγων ἡμερῶν τῷ κακίστῳ τῶν μόρων ἀναλωθείη, λιμῷ; οὐκ ἂν ἔχοι ἄλλωσ τισ εἰπεῖν. τὸν αὐτὸν δὴ τρόπον ὑπολάβετε καὶ περὶ πόλεωσ.

πολλὰ γὰρ δὴ τὰ συμπληροῦντα καὶ ταύτην ἔθνη καὶ οὐδὲν ἀλλήλοισ ἐοικότα, ὧν ἕκαστον ἰδίαν τινὰ τῷ κοινῷ χρείαν ὥσπερ τὰ μέλη τῷ σώματι παρέχεται. οἱ μὲν γὰρ τοὺσ ἀγροὺσ γεωργοῦσιν, οἱ δὲ μάχονται περὶ αὐτῶν πρὸσ τοὺσ πολεμίουσ, οἱ δ’ ἐμπορεύονται πολλὰσ διὰ θαλάσσησ ὠφελείασ, οἱ δὲ τὰσ ἀναγκαίασ ἐργάζονται τέχνασ. εἰ δὲ πάντα τὰ ἔθνη ταῦτα πρὸσ τὴν βουλὴν τὴν ἐκ τῶν ἀρίστων συνηγμένην διαστασιάσειε καὶ λέγοι·

σὺ δ’ ἡμῖν, ὦ βουλή, τί ποιεῖσ ἀγαθὸν καὶ ἀντὶ ποίασ αἰτίασ ἄρχειν τῶν ἄλλων ἀξιοῖσ; οὐθὲν γὰρ ἂν εἰπεῖν ἔχοισ· ἔπειτ’ οὐκ ἀπαλλαγησόμεθά σου τῆσ τυραννίδοσ ταύτησ ἤδη ποτὲ καὶ δίχ’ ἡγεμόνοσ οἰκήσομεν; εἰ δὴ ταῦτα διανοηθέντεσ τῶν συνήθων ἐπιτηδευμάτων ἀποσταῖεν, τί κωλύσει ταύτην κακὴν κακῶσ ἀπολέσθαι τὴν πόλιν ὑπὸ λιμοῦ τε καὶ πολέμου καὶ παντὸσ ἄλλου κακοῦ;

ἀλῆται καὶ πτωχοὶ περιέρχεσθε δι’ αὐτήν.

οὐδὲν γὰρ ὑμᾶσ εἴργασται δεινὸν οὐδ’ ἂν ἐργάσαιτο, ἀλλ’ αὐτὴ καλεῖ καὶ ἀντιβολεῖ καὶ τὰσ ψυχὰσ ὑμῖν ἅμα ταῖσ πύλαισ ἀναπετάσασα ὑποδέχεται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 6, chapter 86

(디오니시오스, Antiquitates Romanae, Books IV-VI, book 6, chapter 86)

상위

목록

SEARCH

MENU NAVIGATION