헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 6, chapter 62)

ἀλλὰ πλεῖστον δὴ ἐν τούτῳ Μενήνιοσ ἐψεύσθη τῆσ δόξησ, ἀνὴρ σώφρων, ἐκ τῶν ἑαυτοῦ τρόπων τεκμαίρεται χρηστὰ ὑπὲρ ἑτέρων. ἐγκείσεται γὰρ ὑμῖν πέρα τοῦ δέοντοσ βαρὺσ ὑπό τ’ αὐθαδείασ, ἣ φιλεῖ περὶ τὸ κρατοῦν ἀεὶ γίνεσθαι, καὶ ἀφροσύνησ, ἧσ πλεῖστον ὄχλοσ μετέχει μέροσ· κἂν εἰ μὴ ἐν ἀρχαῖσ, χρόνῳ γοῦν ὕστερον καὶ ἐφ’ ἑκάστῳ χρήματι, ὧν ἂν δεηθεὶσ μὴ τύχῃ, τὰ ὅπλα λαβὼν τὸν αὐτὸν τρόπον ὑμῖν σοβαρῶσ ἐπιθήσεται. τελευταῖα ἐν Συρακούσαισ οἱ γεωμόροι πρὸσ τῶν πελατῶν ἐξηλάθησαν.

εἰ δ’ ἐπ’ ἐκείνων ἀγανακτήσαντεσ ἐναντιώσεσθε τοῖσ αἰτήμασι, τί δή ποτ’ οὐκ αὐτόθεν ἄρχεσθε ἐλεύθερα φρονήματα ἔχειν;

κρεῖττον γὰρ ἀπ’ ἐλάττονοσ αἰτίασ ὁρμηθέντασ πρὶν βλαβῆναί τι ἀποδείξασθαι τὸ γενναῖον, ἢ πολλὰ ὑπομείναντασ τότε ἀγανακτεῖν περὶ τῶν γεγονότων καὶ μὴ ἐπιτρέπειν τὰ λοιπὰ καὶ ὀψὲ ἄρξασθαι νοῦν ἔχειν. φοβείτω δ’ ὑμῶν μηδένα μήτε ὁ τῶν ἀποστατῶν ἀνασεισμὸσ μήτε ὁ τῶν ἀλλοφύλων πόλεμοσ· δυνάμεωσ ὡσ οὐχ ἱκανῆσ οὔσησ διασῶσαι τὴν πόλιν.

ἡ μὲν γὰρ τῶν φυγάδων βραχεῖά ἐστιν ἰσχὺσ καὶ οὔτε πολὺν ἀνθέξει χρόνον διαμένουσα, ὥσπερ νῦν, ὑπαίθριοσ ὑπὸ καλύβαισ ὡρ́ᾳ ἔτουσ χειμερίῳ, πορίζεσθαι δὲ τὰ ἐπιτήδεια οὐχ ὅπωσ δι’ ἁρπαγῆσ ἔτι δυνησομένη ἐπειδὰν τὰ ὄντα ἀναλώσῃ, ἀλλ’ οὐδ’ ἂν ἄλλοθεν ὠνητὰ ἐπεισάγεσθαι διὰ πενίαν, οἷσ οὔτε ἰδίᾳ οὔτ’ ἐν κοινῷ χρήματά ἐστιν·

οἱ δὲ πόλεμοι ταῖσ περιουσίαισ τῶν χρημάτων ὡσ τὰ πολλὰ ἀντέχουσιν· ἀναρχία τ’ αὐτοῖσ ὡσ εἰκὸσ καὶ στάσισ ἐκ τῆσ ἀναρχίασ ἐμπεσοῦσα ταχὺ διαχεῖ τὰ βουλεύματα. οὐ γὰρ δὴ ἀξιώσουσιν οὔτε Σαβίνοισ οὔτε Τυρρηνοῖσ οὔτ’ ἄλλοισ τισὶ τῶν ἀλλοφύλων παραδόντεσ σφᾶσ αὐτούσ, ἐκείνοισ δουλεύειν, ὧν καὶ αὐτοί ποτ’ ἀφείλοντο τὴν ἐλευθερίαν σὺν ὑμῖν, καὶ μάλιστα οὐδὲ πιστευθήσονται πρὸσ αὐτῶν οἱ κακῶσ αὑτῶν τὴν πατρίδα καὶ αἰσχρῶσ ἀπολέσαι προθυμηθέντεσ, μὴ οὐχὶ ὅμοια δράσειν τὴν ὑποδεξαμένην.

ἀριστοκρατεῖται δὲ καὶ τα ἔθνη τὰ πέριξ ὑμῶν ᾶπαντα, καὶ το δημοτικὸν ἐν οὐδεμιᾷ πόλει μεταποιεῖται τῶν ἰσων, ὥστε οὐ δήπου οἱ προὔχοντεσ ἐν ἑκάστῃ πόλει τὸν οἰκεῖον οὐκ ἐῶντεσ παρακινεῖν ὄχλον, τοῦτον εἰσδέξονται τὸν ἔπηλυν καὶ στασιαστὴν εἰσ τὴν ἑαυτῶν πατρίδα, μὴ μεταδόντεσ αὐτοὶ τῶν ὁμοίων σὺν χρόνῳ στερήσονται τῶν ἴσων.

εἰ δ’ ἄρα γε γνώμησ ἁμάρτοιμι καὶ παραδέξαιτό τισ αὐτοὺσ πόλισ, ἐνταῦθα δὴ διαγινώσκοινθ’ ὡσ ἄν πολέμιοί τε ὄντεσ καὶ τὰ πολεμίων πεισόμενοι.

ἔχομεν δ’ αὐτῶν ὅμηρα πατέρασ καὶ γαμετὰσ καὶ τὴν ἄλλην συγγένειαν, ὧν οὐδ’ ἂν εὐχόμενοι κρείττονα παρὰ θεῶν αἰτησαίμεθα· οὓσ ἐν ὄψει τῶν συγγενῶν στήσαντεσ ἀπολοῦμεν, εἰ τολμήσαιεν ὁμόσε χωρεῖν, ὡσ ταῖσ ἐσχάταισ λώβαισ διαχρησόμενοι. καὶ αὐτούσ, εἰ τοῦτο μάθοιεν, εὖ ἴστε, ὅτι λήψεσθε ἀντιβολοῦντασ, ὀλοφυρομένουσ, παραδιδόντασ σφᾶσ αὐτοὺσ ἡμῖν δίχα τῶν ὅπλων, ἅπαντα ὑπομένοντασ.

δειναὶ γὰρ αἱ τοιαίδε ἀνάγκαι πάντασ τοὺσ αὐθάδεισ λογισμοὺσ κλάσαι καὶ καταβαλεῖν εἰσ τὸ μηδέν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 6, chapter 62

(디오니시오스, Antiquitates Romanae, Books IV-VI, book 6, chapter 62)

상위

목록

SEARCH

MENU NAVIGATION