헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 6, chapter 13)

ἐν ταύτῃ λέγονται τῇ μάχῃ Ποστομίῳ τε τῷ δικτάτορι καὶ τοῖσ περὶ αὐτὸν τεταγμένοισ ἱππεῖσ δύο φανῆναι, κάλλει τε καὶ μεγέθει μακρῷ κρείττουσ, ὧν ἡ καθ’ ἡμᾶσ φύσισ ἐκφέρει, ἐναρχόμενοι γενειᾶν, ἡγούμενοί τε τῆσ Ῥωμαικῆσ ἵππου καὶ τοὺσ ὁμόσε χωροῦντασ τῶν Λατίνων παίοντεσ τοῖσ δόρασι καὶ προτροπάδην ἐλαύνοντεσ. καὶ μετὰ τὴν τροπὴν τῶν Λατίνων καὶ τὴν ἅλωσιν τοῦ χάρακοσ αὐτῶν περὶ δείλην ὀψίαν τὸ τέλοσ λαβούσησ τῆσ μάχησ, ἐν τῇ Ῥωμαίων ἀγορᾷ τὸν αὐτὸν τρόπον ὀφθῆναι δύο νεανίσκοι λέγονται, πολεμικὰσ ἐνδεδυκότεσ στολὰσ μήκιστοί τε καὶ κάλλιστοι καὶ τὴν αὐτὴν ἡλικίαν ἔχοντεσ, αὐτοί τε φυλάττοντεσ ἐπὶ τῶν προσώπων ὡσ ἐκ μάχησ ἡκόντων τὸ ἐναγώνιον σχῆμα, καὶ τοὺσ ἵππουσ ἱδρῶτι διαβρόχουσ ἐπαγόμενοι.

ἄρσαντεσ δὲ τῶν ἵππων ἑκάτερον καὶ ἀπονίψαντεσ ἀπὸ τῆσ λιβάδοσ, ἣ παρὰ τὸ ἱερὸν τῆσ Ἑστίασ ἀναδίδωσι λίμνην ποιοῦσα ἐμβύθιον ὀλίγην, πολλῶν αὐτοὺσ περιστάντων καὶ εἴ τι φέρουσιν ἐπὶ κοινὸν ἀπὸ στρατοπέδου μαθεῖν ἀξιούντων, τήν τε μάχην αὐτοῖσ φράζουσιν, ὡσ ἐγένετο καὶ ὅτι νικῶσιν·

οὓσ μεταχωρήσαντασ ἐκ τῆσ ἀγορᾶσ ὑπ’ οὐδενὸσ ἔτι λέγουσιν ὀφθῆναι, πολλὴν ζήτησιν αὐτῶν ποιουμένου τοῦ καταλειφθέντοσ τῆσ πόλεωσ ἡγεμόνοσ.

ὡσ δὲ τῇ κατόπιν ἡμέρᾳ τὰσ παρὰ τοῦ δικτάτοροσ ἐπιστολὰσ ἔλαβον οἱ τῶν κοινῶν προεστῶτεσ, καὶ σὺν τοῖσ ἄλλοισ ἅπασι τοῖσ ἐν τῇ μάχῃ γενομένοισ καὶ τὰ περὶ τῆσ ἐπιφανείασ τῶν δαιμόνων ἔμαθον, νομίσαντεσ τῶν αὐτῶν θεῶν εἶναι ἄμφω τὰ φάσματα ὥσπερ εἰκὸσ Διοσκούρων ἐπείσθησαν εἶναι τὰ εἴδωλα.

ταύτησ ἐστὶ τῆσ παραδόξου καὶ θαυμαστῆσ τῶν δαιμόνων ἐπιφανείασ ἐν Ῥώμῃ πολλὰ σημεῖα, ὅ τε νεὼσ ὁ τῶν Διοσκούρων, ὃν ἐπὶ τῆσ ἀγορᾶσ κατεσκεύασεν ἡ πόλισ, ἔνθα ὤφθη τὰ εἴδωλα, καὶ ἡ παρ’ αὐτῷ κρήνη καλουμένη τε τῶν θεῶν τούτων καὶ ἱερὰ εἰσ τόδε χρόνου νομιζομένη, θυσίαι τε πολυτελεῖσ, ἃσ καθ’ ἕκαστον ἐνιαυτὸν ὁ δῆμοσ ἐπιτελεῖ διὰ τῶν μεγίστων ἱερέων ἐν μηνὶ Κυιντιλίῳ λεγομένῳ ταῖσ καλουμέναισ εἰδοῖσ, ἐν ᾗ κατώρθωσαν ἡμέρᾳ τόνδε τὸν πόλεμον·

ὑπὲρ ἅπαντα δὲ ταῦτα ἡ μετὰ τὴν θυσίαν ἐπιτελουμένη πομπὴ τῶν ἐχόντων τὸν δημόσιον ἵππον, οἳ κατὰ φυλάσ τε καὶ λόχουσ κεκοσμημένοι στοιχηδὸν ἐπὶ τῶν ἵππων ὀχούμενοι πορεύονται πάντεσ, ὡσ ἐκ μάχησ ἥκοντεσ ἐστεφανωμένοι θαλλοῖσ ἐλαίασ, καὶ πορφυρᾶσ φοινικοπαρύφουσ ἀμπεχόμενοι τηβέννασ τὰσ καλουμένασ τραβέασ, ἀρξάμενοι μὲν ἀφ’ ἱεροῦ τινοσ Ἄρεοσ ἔξω τῆσ πόλεωσ ἱδρυμένου, διεξιόντεσ δὲ τήν τ’ ἄλλην πόλιν καὶ διὰ τῆσ ἀγορᾶσ παρὰ τὸ τῶν Διοσκούρων ἱερὸν παρερχόμενοι, ἄνδρεσ ἔστιν ὅτε καὶ πεντακισχίλιοι φέροντεσ, ὅσα παρὰ τῶν ἡγεμόνων ἀριστεῖα ἔλαβον ἐν ταῖσ μάχαισ, καλὴ καὶ ἀξία τοῦ μεγέθουσ τῆσ ἡγεμονίασ ὄψισ. ὑπὸ Ῥωμαίων ἔμαθον·

ἐξ ὧν τεκμήραιτ’ ἄν τισ, ὡσ θεοφιλεῖσ ἦσαν οἱ τότε ἄνθρωποι, σὺν ἄλλοισ πολλοῖσ καὶ μεγάλοισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 6, chapter 13

(디오니시오스, Antiquitates Romanae, Books IV-VI, book 6, chapter 13)

상위

목록

SEARCH

MENU NAVIGATION