헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 6, chapter 1)

οἱ δ’ ἐν τῷ κατόπιν ἐνιαυτῷ τὴν ὕπατον ἀρχὴν παραλαβόντεσ, Αὖλοσ Σεμπρώνιοσ Ἀτρατῖνοσ καὶ Μάρκοσ Μηνύκιοσ, ἐπὶ τῆσ ἑβδομηκοστῆσ καὶ πρώτησ ὀλυμπιάδοσ, ἣν ἐνίκα στάδιον Τισικράτησ Κροτωνιάτησ ἄρχοντοσ Ἀθήνησιν Ἱππάρχου, ἄλλο μὲν οὐδὲν οὔτε πολεμικὸν οὔτε πολιτικὸν ἱστορίασ ἄξιον ἐπὶ τῆσ ἑαυτῶν ἀρχῆσ ἔπραξαν· εἰρήνην ἥ τε τῆσ ἀναπράξεωσ τῶν δανείων κώλυσισ, ἣν ἐψηφίσατο ἡ βουλή, τέωσ ἂν ὁ προσδοκώμενοσ πόλεμοσ εἰσ ἀσφαλὲσ ἔλθῃ τέλοσ, ἔπαυσε τοὺσ ἐντὸσ τείχουσ νεωτερισμούσ, οὓσ ἐποιοῦντο οἱ πένητεσ ἀφεῖσθαι τῶν χρεῶν ἀξιοῦντεσ δημοσίᾳ·

δόγμα δὲ βουλῆσ ἐκύρωσαν ἐπιεικέστατον, Λατίνοισ ἀνδράσιν εἴ τινεσ ἔτυχον ἐκ τοῦ Ῥωμαίων ἔθνουσ συνοικοῦσαι γυναῖκεσ ἢ Ῥωμαίοισ Λατῖναι, ἑαυτῶν εἶναι κυρίασ, ἐάν τε μένειν θέλωσι παρὰ τοῖσ γεγαμηκόσιν ἐάν τε εἰσ τὰσ πατρίδασ ἀναστρέφειν·

τῶν δ’ ἐκγόνων τὰ μὲν ἄρρενα παρὰ τοῖσ πατράσι μένειν, τὰσ δὲ θηλείασ καὶ ἔτι ἀγάμουσ ταῖσ μητράσιν ἕπεσθαι· ἐτύγχανον δὲ πολλαὶ πάνυ γυναῖκεσ εἰσ τὰσ ἀλλήλων πόλεισ ἐκδεδομέναι καὶ διὰ τὸ συγγενὲσ καὶ διὰ φιλίαν, οἳ τυχοῦσαι τῆσ ἐκ τοῦ ψηφίσματοσ ἀδείασ ἐδήλωσαν ὅσην εἶχον ἐπιθυμίαν τῆσ ἐν Ῥώμῃ διαίτησ. αἵ τε γὰρ ἐν ταῖσ Λατίνων πόλεσι Ῥωμαῖαι μικροῦ δεῖν πᾶσαι καταλιποῦσαι τοὺσ ἄνδρασ ὡσ τοὺσ πατέρασ ἀνέστρεψαν, αἵ τε Ῥωμαίοισ ἐκδεδομέναι Λατίνων πλὴν δυεῖν, αἱ λοιπαὶ τῶν πατρίδων ὑπεριδοῦσαι παρὰ τοῖσ γεγαμηκόσιν ἔμειναν·

οἰωνὸσ εὐτυχὴσ τῆσ μελλούσησ πόλεωσ ἐπικρατήσειν τῷ πολέμῳ.

ἐπὶ τούτων φασὶ τῶν ὑπάτων τὸν νεὼν καθιερωθῆναι τῷ Κρόνῳ κατὰ τὴν ἄνοδον τὴν εἰσ τὸ Καπετώλιον φέρουσαν ἐκ τῆσ ἀγορᾶσ, καὶ δημοτελεῖσ ἀναδειχθῆναι τῷ θεῷ καθ’ ἕκαστον ἐνιαυτὸν ἑορτάσ τε καὶ θυσίασ.

τὰ δὲ πρὸ τούτων βωμὸν αὐτόθι καθιδρύσθαι λέγουσι ὑφ’ Ἡρακλέουσ κατεσκευασμένον, ἐφ’ οὗ τὰσ ἐμπύρουσ ἀπαρχὰσ ἔθυον Ἑλληνικοῖσ ἔθεσιν οἱ τὰ ἱερὰ παρ’ ἐκείνου παραλαβόντεσ· τὴν δ’ ἀρχὴν τῆσ ἱδρύσεωσ τοῦ ναοῦ τινὲσ μὲν ἱστοροῦσι λαβεῖν Τῖτον Λάρκιον τὸν ὑπατεύσαντα τῷ πρόσθεν ἐνιαυτῷ, οἱ δὲ καὶ βασιλέα Ταρκύνιον τὸν ἐκπεσόντα τῆσ ἀρχῆσ· τὴν δὲ καθιέρωσιν τοῦ ναοῦ λαβεῖν Πόστομον Κομίνιον κατὰ ψήφισμα βουλῆσ.

τούτοισ μὲν δὴ τοῖσ ὑπάτοισ εἰρήνησ ὥσπερ ἔφην βαθείασ ἐξεγένετο ἀπολαῦσαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 6, chapter 1

(디오니시오스, Antiquitates Romanae, Books IV-VI, book 6, chapter 1)

상위

목록

SEARCH

MENU NAVIGATION