헬라어 문장 검색 - Διονψσ́Αντιθυί1́85́

(디오니시오스, Antiquitates Romanae, book 1, chapter 85)

τὰ δὲ κατὰ τὴν κτίσιν αὐτὴν γενόμενα ̔τοῦτο γὰρ ἔτι μοι τὸ μέροσ τῆσ γραφῆσ λείπεταἰ νῦν ἔρχομαι διηγησόμενοσ. ἐπειδὴ γὰρ Ἀμολίου τελευτήσαντοσ ἀνενεώσατο τὴν ἀρχὴν ὁ Νεμέτωρ ὀλίγον ἐπισχὼν χρόνον, ἐν ᾧ τὴν πόλιν ἐκ τῆσ πρότερον ἐπεχούσησ ἀκοσμίασ εἰσ τὸν ἀρχαῖον ἐκόσμει τρόπον, εὐθὺσ ἐπενόει τοῖσ μειρακίοισ ἰδίαν ἀρχὴν κατασκευάσαι ἑτέραν πόλιν οἰκίσασ. ἅμα δὲ καὶ τοῦ πολιτικοῦ πλήθουσ ἐπίδοσιν εἰσ εὐανδρίαν ἐσχηκότοσ ἀπαναλῶσαί τι καλῶσ ἔχειν ᾤετο, καὶ μάλιστα τὸ διάφορον αὐτῷ ποτε γενόμενον, ὡσ μὴ δι’ ὑποψίασ αὐτοὺσ ἔχοι.

κοινωσάμενοσ δὲ τοῖσ μειρακίοισ, ἐπειδὴ κἀκείνοισ ἐδόκει, δίδωσιν αὐτοῖσ χωρία μὲν ὧν ἄρξουσιν, ἔνθα παῖδεσ ὄντεσ ἐτράφησαν, ἐκ δὲ τοῦ λεὼ τόν τε δι’ ὑποψίασ αὐτῷ γενόμενον, ὃσ ἔμελλε νεωτερισμοῦ εἰσαῦθισ ἄρξειν, καὶ εἴ τι ἑκούσιον ἀπαναστῆναι ἐβούλετο.

ἦν δὲ ἐν τούτοισ πολὺ μὲν ὥσπερ εἰκὸσ ἐν πόλει κινουμένῃ τὸ δημοτικὸν γένοσ, ἱκανὸν δὲ καὶ τὸ ἀπὸ τοῦ κρατίστου γνώριμον, ἐκ δὲ τοῦ Τρωικοῦ τὸ εὐγενέστατον δὴ νομιζόμενον, ἐξ οὗ καὶ γενεαί τινεσ ἔτι περιῆσαν εἰσ ἐμέ, πεντήκοντα μάλιστ’ οἶκοι.

ἐχορηγεῖτο δὲ τοῖσ νεανίσκοισ καὶ χρήματα καὶ ὅπλα καὶ σῖτοσ καὶ ἀνδράποδα καὶ ὑποζύγια ἀχθοφόρα καὶ εἴ τι ἄλλο πόλεωσ ἦν κατασκευῇ πρόσφορον. ὡσ δὲ ἀνέστησαν ἐκ τῆσ Ἄλβασ οἱ νεανίσκοι τὸν λεὼν μίξαντεσ αὐτῷ τὸν αὐτόθεν, ὅσοσ ἦν ἐν τῷ Παλλαντίῳ καὶ περὶ τὴν Σατορνίαν ὑπολιπήσ, μερίζονται τὸ πλῆθοσ ἅπαν διχῇ.

τοῦτο δὲ αὐτοῖσ δόξαν παρέσχε φιλοτιμίασ, ἵνα θᾶττον ἀνύηται τῇ πρὸσ ἀλλήλουσ ἁμίλλῃ τὰ ἔργα, αἴτιον δὲ τοῦ μεγίστου κακοῦ, στάσεωσ, ἐγένετο. οἵ τε γὰρ προσνεμηθέντεσ αὐτοῖσ τὸν ἑαυτῶν ἡγεμόνα ἕκαστοι κυδαίνοντεσ ὡσ ἐπιτήδειον ἁπάντων ἄρχειν ἐπῆρον, αὐτοί τε οὐκέτι μίαν γνώμην ἔχοντεσ οὐδὲ ἀδελφὰ διανοεῖσθαι ἀξιοῦντεσ, ὡσ αὐτὸσ ἄρξων ἑκάτεροσ θατέρου, παρώσαντεσ τὸ ἴσον τοῦ πλείονοσ ὠρέγοντο.

τέωσ μὲν οὖν ἀφανῆ τὰ πλεονεκτήματα αὐτῶν ἦν, ἔπειτα δὲ ἐξερράγη σὺν τοιᾷδε προφάσει. τὸ χωρίον ἔνθα ἔμελλον ἱδρύσειν τὴν πόλιν οὐ τὸ αὐτὸ ᾑρεῖτο ἑκάτεροσ.

Ῥωμύλου μὲν γὰρ ἦν γνώμη τὸ Παλλάντιον οἰκίζειν τῶν τε ἄλλων ἕνεκα καὶ τῆσ τύχησ τοῦ τόπου, ἣ τὸ σωθῆναί τε αὐτοῖσ καὶ τραφῆναι παρέσχε· Ῥώμῳ δὲ ἐδόκει τὴν καλουμένην νῦν ἀπ’ ἐκείνου Ῥεμορίαν οἰκίζειν. ἔστι δὲ τὸ χωρίον ἐπιτήδειον ὑποδέξασθαι πόλιν λόφοσ οὐ πρόσω τοῦ Τεβέριοσ κείμενοσ, ἀπέχων τῆσ Ῥώμησ ἀμφὶ τοὺσ τριάκοντα σταδίουσ. ἐκ δὲ τῆσ φιλονεικίασ ταύτησ ἀκοινώνητοσ εὐθὺσ ὑπεδηλοῦτο φιλαρχία.

τῷ γὰρ εἴξαντι τὸ κρατῆσαν εἰσ πάντα ὁμοίωσ ἐπιθήσεσθαι ἔμελλεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, book 1, chapter 85

(디오니시오스, Antiquitates Romanae, book 1, chapter 85)

상위

목록

SEARCH

MENU NAVIGATION