헬라어 문장 검색 - Διονψσ́Αντιθυί1́58́

(디오니시오스, Antiquitates Romanae, book 1, chapter 58)

πρῶτοσ δὲ ὁ Λατῖνοσ ἔγκλημα ποιούμενοσ τὸν αἰφνίδιόν τε καὶ ἀκατάγγελτον πόλεμον ἠξίου τὸν Αἰνείαν λέγειν, ὅστισ ὢν καὶ τί βουλόμενοσ ἄγει καὶ φέρει τὰ χωρία πεπονθώσ τε οὐδὲν δεινὸν πρότεροσ καὶ οὐκ ἀγνοῶν ὅτι τὸν ἄρχοντα πολέμου πᾶσ ὁ προπαθὼν ἀμύνεται· τινοσ ἐδεῖτο μετρίου, πρὸσ φιλίαν καὶ παρ’ ἑκόντων εὑρίσκεσθαι τῶν ἐγχωρίων, παρελθὼν τὴν ἁπάντων ἀνθρώπων δικαίωσιν αἴσχιον ἢ κάλλιον ἠξίωσε βίαν προσφέρων τὰ αὐτὰ λαμβάνειν.

τοιαῦτα δὲ αὐτοῦ διαλεχθέντοσ ἀπεκρίνατο Αἰνείασ·

ἡμεῖσ γένοσ μὲν Τρῶέσ ἐσμεν, πόλεωσ δὲ οὐ τῆσ ἀφανεστάτησ ἐν Ἕλλησιν ἐγενόμεθα· ἣν ἀφαιρεθέντεσ ὑπ’ Ἀχαιῶν δεκαετεῖ πολέμῳ χειρωθεῖσαν, ἀλῆται περιερχόμενοι πόλεώσ τε καὶ χώρασ ἐν ᾗ τὸ λοιπὸν οἰκήσομεν ἀπορίᾳ, θεοῖσ δὲ κελεύουσι πειθόμενοι δεῦρ’ ἀφίγμεθα· καὶ ἡμῖν ὡσ τὰ θέσφατα λέγει λιμὴν τῆσ πλάνησ ἥδε ἡ γῆ μόνη λείπεται. ποριζόμεθα δὲ ἐκ τῆσ χώρασ ὧν ἡμῖν δεῖ δυστυχέστερον μᾶλλον ἢ εὐπρεπέστερον, ὡσ ἥδιστα νεωστὶ ἐβουλόμεθα. ἀμειψόμεθα δὲ αὐτὰ πολλαῖσ καὶ ἀγαθαῖσ ἔργων ἀμοιβαῖσ παρέχοντεσ ὑμῖν καὶ σώματα καὶ ψυχὰσ εὖ πρὸσ τὰ δεινὰ πεπαιδευμένασ χρῆσθαι ὁπόσα βούλεσθε, τὴν ὑμετέραν γῆν φυλάττοντεσ ἀδῄωτον, τὴν δὲ τῶν πολεμίων προθύμωσ συγκατακτώμενοι.

ἱκέται δὲ ὑμῶν γινόμεθα μὴ πρὸσ ὀργὴν τὰ πεπραγμένα λαμβάνειν, ἐνθυμηθέντασ ὡσ οὐ σὺν ὕβρει, ἀλλ’ ὑπ’ ἀνάγκησ ταῦτα βιασθέντεσ ἐποιοῦμεν·

ἅπαν δὲ σύγγνωμον τὸ ἀκούσιον. καὶ δεῖ ὑμᾶσ μηδὲν ἐναντίον βουλεῦσαι περὶ ἡμῶν χεῖρασ προεχομένων, εἰ δὲ μή, θεοὺσ καὶ δαίμονασ οἳ κατέχουσι τήνδε τὴν γῆν παραιτούμενοι συγγνώμονασ ἡμῖν γενέσθαι καὶ ὧν ἠναγκασμένοι δρῶμεν πειρασόμεθα πολέμου ἄρχοντασ ὑμᾶσ ἀμύνεσθαι.

οὐ γὰρ ἂν νῦν πρώτου οὐδὲ μεγίστου πολέμου τοῦδε ἀπολαύσαιμεν. ὡσ δὲ ταῦτα ὁ Λατῖνοσ ἤκουσεν ἀπεκρίνατο πρὸσ αὐτόν·

ἀλλ’ ἔγωγε εὔνοιάν τε πρὸσ ἅπαν τὸ Ἑλληνικὸν γένοσ ἔχω καὶ συμφοραῖσ ἀνθρώπων ἀναγκαίαισ πάνυ ἄχθομαι, σώζεσθαί τε ὑμᾶσ περὶ πολλοῦ ἂν ποιησαίμην, εἴ μοι δῆλοι γένοισθε οἰκήσεωσ δεόμενοι ἥκειν ἐν ἀποχρώσῃ τε γῆσ μοίρᾳ καὶ πρὸσ φιλίαν τῶν δοθησομένων μεθέξοντεσ, ἀλλ’ οὐ τὴν ἐμὴν δυναστείαν ἀφαιρησόμενοι πρὸσ βίαν. εἰ δ’ ἐπαληθεύεται ὑμῖν ὅδ’ ὁ λόγοσ πίστεισ τούτων ἀξιῶ δοῦναι καὶ λαβεῖν, αἳ φυλάξουσιν ἡμῖν ἀδόλουσ τὰσ ὁμολογίασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, book 1, chapter 58

(디오니시오스, Antiquitates Romanae, book 1, chapter 58)

상위

목록

SEARCH

MENU NAVIGATION