헬라어 문장 검색 - Διονψσ́Αντιθυί1́23́

(디오니시오스, Antiquitates Romanae, book 1, chapter 23)

οἱ δὲ Πελασγοὶ πολλῆσ καὶ ἀγαθῆσ χώρασ κρατήσαντεσ, πόλεισ τε πολλὰσ μὲν παραλαβόντεσ, ἄλλασ δ’ αὐτοὶ κατασκευάσαντεσ, μεγάλην καὶ ταχεῖαν ἐπίδοσιν ἔλαβον εἰσ εὐανδρίαν καὶ πλοῦτον καὶ τὴν ἄλλην εὐτυχίαν, ἧσ οὐ πολὺν ὤναντο χρόνον· ἐξεφθάρησαν, τὸ δὲ πλεῖστον αὐτῶν μέροσ εἰσ τὴν Ἑλλάδα καὶ τὴν βάρβαρον αὖθισ ἐσκεδάσθη ̔περὶ ὧν πολὺσ ἂν εἰή λόγοσ, εἰ βουλοίμην τὴν ἀκρίβειαν γράφειν’, ὀλίγον δὲ κατέμεινεν ἐν Ἰταλίᾳ τῶν Ἀβοριγίνων προνοίᾳ.

πρῶτον μὲν οὖν τῆσ οἰκοφθορίασ ταῖσ πόλεσιν ἐδόκει αὐχμῷ ἡ γῆ κακωθεῖσα ἄρξαι, ἡνίκα οὔτ’ ἐπὶ τοῖσ δένδρεσι καρπὸσ οὐδεὶσ ὡραῖοσ γενέσθαι διέμεινεν, ἀλλ’ ὠμοὶ κατέρρεον, οὔθ’ ὁπόσα σπερμάτων ἀνέντα βλαστοὺσ ἀνθήσειεν ἑώσ στάχυοσ ἀκμῆσ τοὺσ κατὰ νόμον ἐξεπλήρου χρόνουσ, οὔτε πόα κτήνεσιν ἐφύετο διαρκήσ, τῶν τε ναμάτων τὰ μὲν οὐκέτι πίνεσθαι σπουδαῖα ἦν, τὰ δ’ ὑπελίμπανε θέρουσ, τὰ δ’ εἰσ τέλοσ ἀπεσβέννυτο.

ἀδελφὰ δὲ τούτοισ ἐγίνετο περί τε προβάτων καὶ γυναικῶν γονάσ·

ἢ γὰρ ἐξημβλοῦτο τὰ ἔμβρυα, ἢ κατὰ τοὺσ τόκουσ διεφθείρετο ἔστιν ἃ καὶ τὰσ φερούσασ συνδιαλυμηνάμενα. εἰ δέ τι διαφύγοι τὸν ἐκ τῶν ὠδίνων κίνδυνον ἔμπηρον ἢ ἀτελὲσ ἢ δι’ ἄλλην τινὰ τύχην βλαφθὲν τρέφεσθαι χρηστὸν οὐκ ἦν·

ἔπειτα καὶ τὸ ἄλλο πλῆθοσ τὸ ἐν ἀκμῇ μάλιστα ἐκακοῦτο νόσοισ καὶ θανάτοισ παρὰ τὰ εἰκότα συχνοῖσ. μαντευομένοισ δ’ αὐτοῖσ τίνα θεῶν ἢ δαιμόνων παραβάντεσ τάδε πάσχουσι καὶ τί ποιήσασιν αὐτοῖσ λωφῆσαι τὰ δεινὰ ἐλπίσ, ὁ θεὸσ ἀνεῖλεν ὅτι τυχόντεσ ὧν ἐβούλοντο οὐκ ἀπέδοσαν ἃ εὔξαντο, ἀλλὰ προσοφείλουσι τὰ πλείστου ἄξια.

οἱ γὰρ Πελασγοὶ ἀφορίασ αὐτοῖσ γενομένησ ἐν τῇ γῇ πάντων χρημάτων εὔξαντο τῷ τε Διὶ καὶ τῷ Ἀπόλλωνι καὶ τοῖσ Καβείροισ καταθύσειν δεκάτασ τῶν προσγενησομένων ἁπάντων, τελεσθείσησ δὲ τῆσ εὐχῆσ ἐξελόμενοι καρπῶν τε καὶ βοσκημάτων ἁπάντων τὸ λάχοσ ἀπέθυσαν τοῖσ θεοῖσ, ὡσ δὴ κατὰ τούτων μόνων εὐξάμενοι.

ταῦτα δὴ Μυρσίλοσ ὁ Λέσβιοσ ἱστόρηκεν ὀλίγου δεῖν τοῖσ αὐτοῖσ ὀνόμασι γράφων οἷσ ἐγὼ νῦν, πλὴν ὅσον οὐ Πελασγοὺσ καλεῖ τοὺσ ἀνθρώπουσ, ἀλλὰ Τυρρηνούσ·

τὴν δ’ αἰτίαν ὀλίγον ὕστερον ἐρῶ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, book 1, chapter 23

(디오니시오스, Antiquitates Romanae, book 1, chapter 23)

상위

목록

SEARCH

MENU NAVIGATION