헬라어 문장 검색 - Διονψσ́Αντιθυί1́12́

(디오니시오스, Antiquitates Romanae, book 1, chapter 12)

εὑρὼν δὲ χώραν πολλὴν μὲν εἰσ νομάσ, πολλὴν δὲ εἰσ ἀρότουσ εὔθετον, ἔρημον δὲ τὴν πλείστην καὶ οὐδὲ τὴν οἰκουμένην πολυάνθρωπον, ἀνακαθήρασ τὸ βάρβαρον ἐκ μέρουσ τινὸσ αὐτῆσ ᾤκισε πόλεισ μικρὰσ καὶ συνεχεῖσ ἐπὶ τοῖσ ὄρεσιν, ὅσπερ ἦν τοῖσ παλαιοῖσ τρόποσ οἰκήσεωσ συνήθησ. ἐκαλεῖτο δὲ ἥ τε χώρα πᾶσα πολλὴ οὖσα ὅσην κατέσχεν Οἰνωτρία, καὶ οἱ ἄνθρωποι πάντεσ ὅσων ἦρξεν Οἴνωτροι, τρίτην μεταλαβόντεσ ὀνομασίαν ταύτην. ἐπὶ μὲν γὰρ Αἰζειοῦ βασιλεύοντοσ Αἰζειοὶ ἐλέγοντο, Λυκάονοσ δὲ παραλαβόντοσ τὴν ἀρχὴν ἀπ’ ἐκείνου αὖθισ Λυκάονεσ ὠνομάσθησαν, Οἰνώτρου δὲ κομίσαντοσ αὐτοὺσ εἰσ Ἰταλίαν Οἴνωτροι χρόνον τινὰ ἐκλήθησαν.

μαρτυρεῖ δέ μοι τῷ λόγῳ Σοφοκλῆσ μὲν ὁ τραγῳδοποιὸσ ἐν Τριπτολέμῳ δράματι·

πεποίηται γὰρ αὐτῷ Δημήτηρ διδάσκουσα τὸν Τριπτόλεμον, ὅσην χώραν ἀναγκασθήσεται σπείρων τοῖσ δοθεῖσιν ὑπ’ αὐτῆσ καρποῖσ διεξελθεῖν· μνησθεῖσα δὲ τῆσ ἑῴου πρῶτον Ἰταλίασ, ἥ ἐστιν ἀπ’ ἄκρασ Ιἀπυγίασ μέχρι πορθμοῦ Σικελικοῦ, καὶ μετὰ τοῦτο τῆσ ἀντικρὺ ἁψαμένη Σικελίασ, ἐπὶ τὴν ἑσπέριον Ἰταλίαν αὖθισ ἀναστρέφει καὶ τὰ μέγιστα τῶν οἰκούντων τὴν παράλιον ταύτην ἐθνῶν διεξέρχεται, τὴν ἀρχὴν ἀπὸ τῆσ Οἰνώτρων οἰκήσεωσ ποιησαμένη. ἀπόχρη δὲ ταῦτα μόνα λεχθέντα τῶν ἰαμβείων, ἐν οἷσ φησι· τὰ δ’ ἐξόπισθε, χειρὸσ εἰσ τὰ δεξιά, Οἰνωτρία τε πᾶσα καὶ Τυρρηνικὸσ κόλποσ Λιγυστική τε γῆ σε δέξεται.

Ἀντίοχοσ δὲ ὁ Συρακούσιοσ, συγγραφεὺσ πάνυ ἀρχαῖοσ, ἐν Ἰταλίασ οἰκισμῷ τοὺσ παλαιοτάτουσ οἰκήτορασ διεξιὼν, ὡσ ἕκαστοί τι μέροσ αὐτῆσ κατεῖχον, Οἰνώτρουσ λέγει πρώτουσ τῶν μνημονευομένων ἐν αὐτῇ κατοικῆσαι, εἰπὼν ὧδε·

Ἀντίοχοσ Ξενοφάνεοσ τάδε συνέγραψε περὶ Ἰταλίησ ἐκ τῶν ἀρχαίων λόγων τὰ πιστότατα καὶ σαφέστατα· τὴν γῆν ταύτην, ἥτισ νῦν Ἰταλίη καλεῖται, τὸ παλαιὸν εἶχον Οἴνωτροι. ἔπειτα διεξελθὼν ὃν τρόπον ἐπολιτεύοντο, καὶ ὡσ βασιλεὺσ ἐν αὐτοῖσ Ἰταλὸσ ἀνὰ χρόνον ἐγένετο, ἀφ’ οὗ μετωνομάσθησαν Ἰταλοί, τούτου δὲ τὴν ἀρχὴν Μόργησ διεδέξατο, ἀφ’ οὗ Μόργητεσ ἐκλήθησαν, καὶ ὡσ Σικελὸσ ἐπιξενωθεὶσ Μόργητι ἰδίαν πράττων ἀρχὴν διέστησε τὸ ἔθνοσ, ἐπιφέρει ταυτί· καὶ Μόργητεσ ἐγένοντο καὶ Ἰταλίητεσ ἐόντεσ Οἴνωτροι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, book 1, chapter 12

(디오니시오스, Antiquitates Romanae, book 1, chapter 12)

상위

목록

SEARCH

MENU NAVIGATION