헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 18, chapter 72)

μετὰ δὲ τὴν εὐημερίαν ταύτην οἱ μὲν Μεγαλοπολῖται ταῖσ ψυχαῖσ ἐθάρρησαν, ὁ δὲ Πολυπέρχων μετανοηθεὶσ ἐπὶ τῇ πολιορκίᾳ καὶ πολὺν χρόνον ἐπιμένειν οὐ δυνάμενοσ ἐπὶ μὲν τῆσ πολιορκίασ ἀπέλιπε μέροσ τῆσ δυνάμεωσ, αὐτὸσ δ’ ἐφ’ ἑτέρασ ἀναγκαιοτέρασ πράξεισ ἐτρέπετο. καὶ Κλεῖτον μὲν τὸν ναύαρχον μετὰ τοῦ στόλου παντὸσ ἐξέπεμψε, προστάξασ ἐφεδρεύειν τοῖσ περὶ τὸν Ἑλλήσποντον τόποισ καὶ κωλύειν τὰσ ἐκ τῆσ Ἀσίασ διαβιβαζομένασ δυνάμεισ εἰσ τὴν Εὐρώπην, προσλαβέσθαι δὲ καὶ Ἀρριδαῖον τὸν συμπεφευγότα μὲν μετὰ τῶν στρατιωτῶν εἰσ τὴν τῶν Κιανῶν πόλιν, ἐχθρὸν δ’ ὄντα τοῖσ περὶ Ἀντίγονον.

τούτου δὲ πλεύσαντοσ ἐπὶ τὸν Ἑλλήσποντον καὶ προσαγαγομένου τὰσ ἐν τῇ Προποντίδι πόλεισ, ἔτι δὲ προσδεξαμένου τὴν μετ’ Ἀρριδαίου δύναμιν κατέπλευσεν εἰσ τοὺσ τόπουσ ἐκείνουσ Νικάνωρ ὁ τῆσ Μουνυχίασ φρούραρχοσ, ἐξαπεσταλμένοσ ὑπὸ Κασάνδρου μετὰ παντὸσ τοῦ στόλου·

προσελάβετο δὲ καὶ τὰσ παρ’ Ἀντιγόνου ναῦσ, ὥστε τὰσ πάσασ ἔχειν πλείουσ τῶν ἑκατόν. γενομένησ δὲ ναυμαχίασ οὐ μακρὰν τῆσ τῶν Βυζαντίων πόλεωσ ἐνίκα ὁ Κλεῖτοσ καὶ κατέδυσε μὲν τῶν ἐναντίων ναῦσ ἑπτακαίδεκα, εἷλε δὲ σὺν αὐτοῖσ τοῖσ ἀνδράσιν οὐκ ἐλάττω τῶν τεσσαράκοντα·

αἱ δὲ λοιπαὶ κατέφυγον εἰσ τὸν τῶν Χαλκηδονίων λιμένα. τοιαύτησ δ’ εὐημερίασ γενομένησ τοῖσ περὶ τὸν Κλεῖτον οὗτοσ μὲν ὑπέλαβε μηκέτι τολμήσειν τοὺσ πολεμίουσ ναυμαχήσειν διὰ τὸ μέγεθοσ τῆσ ἥττησ, ὁ δ’ Ἀντίγονοσ πυθόμενοσ τὰ περὶ τὸν στόλον ἐλαττώματα παραδόξωσ διὰ τῆσ ἰδίασ ἀγχινοίασ καὶ στρατηγίασ ἀνεμαχέσατο τὸ γεγονὸσ ἐλάττωμα.

παρὰ γὰρ Βυζαντίων μεταπεμψάμενοσ νυκτὸσ ναῦσ ὑπηρετικὰσ ταύταισ μὲν διεβίβαζεν εἰσ τὸ πέραν τοξότασ τε καὶ σφενδονήτασ καὶ τῶν ἄλλων τῶν ψιλικῶν ταγμάτων τοὺσ ἱκανούσ.

οὗτοι δὲ πρὸ ἡμέρασ ἐπιθέμενοι τοῖσ ἐκ τῶν πολεμίων νεῶν ἀποβεβῃκόσιν ἐπὶ τὴν γῆν καὶ πεζῇ κατεστρατοπεδευκόσι κατεπλήξαντο τοὺσ περὶ τὸν Κλεῖτον. ταχὺ δὲ πάντων διὰ τὸν φόβον τεταραγμένων καὶ εἰσ τὰσ ναῦσ ἐμπηδώντων πολὺσ ἐγένετο θόρυβοσ διά τε τὰσ ἀποσκευὰσ καὶ τὸ πλῆθοσ τῶν αἰχμαλώτων. ἐν τοσούτῳ δὲ Ἀντίγονοσ ἐξαρτύσασ τὰσ μακρὰσ ναῦσ καὶ τῶν ἀλκιμωτάτων πεζῶν πολλοὺσ ἐπιβάτασ ἐπιστήσασ ἀπέστειλε, παρακαλέσασ τεθαρρηκότωσ ἐπιθέσθαι τοῖσ πολεμίοισ, ὡσ πάντωσ καθ’ ἑαυτοὺσ ἐσομένου τοῦ νικήματοσ.

τοῦ δὲ Νικάνοροσ νυκτὸσ ἀναχθέντοσ καὶ διαφωσκούσησ τῆσ ἡμέρασ οὗτοι μὲν ἐπιπεσόντεσ ἄφνω τοῖσ πολεμίοισ τεθορυβημένοισ εὐθὺσ κατὰ τὸν πρῶτον ἐπίπλουν ἐτρέψαντο καὶ τὰσ μὲν τοῖσ ἐμβόλοισ τύπτοντεσ ἀνέρρηττον, ὧν δὲ τοὺσ ταρσοὺσ παρέσυρον, ὧν δὲ αὐτάνδρων παραδιδομένων ἀκινδύνωσ ἐκυρίευον·

τέλοσ δὲ πλὴν μιᾶσ τῆσ ναυαρχίδοσ τῶν λοιπῶν πασῶν αὐτάνδρων ἐκυρίευσαν. ὁ δὲ Κλεῖτοσ φυγὼν ἐπὶ τὴν γῆν καὶ καταλιπὼν τὴν ναῦν ἐπεβάλετο μὲν διὰ Μακεδονίασ ἀνασώζεσθαι, περιπεσὼν δὲ στρατιώταισ τισὶ τοῦ Λυσιμάχου διεφθάρη.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 18, chapter 72

(디오도로스 시켈로스, Bibliotheca Historica, Books XVIII-XX, book 18, chapter 72)

상위

목록

SEARCH

MENU NAVIGATION