Diodorus Siculus, Bibliotheca Historica, Books XVIII-XX, book 18, chapter 36

(디오도로스 시켈로스, Bibliotheca Historica, Books XVIII-XX, book 18, chapter 36)

ἀπολομένων δὲ πλειόνων ἢ δισχιλίων, ἐν οἷσ καὶ τῶν ἐπιφανῶν τινεσ ἡγεμόνων ὑπῆρχον, ἀλλοτρίωσ τὸ πλῆθοσ ἔσχε πρὸσ τὸν Περδίκκαν. ὁ δὲ Πτολεμαῖοσ τὰ σώματα τῶν πρὸσ αὐτὸν ἐκπεσόντων καύσασ καὶ τῆσ ἁρμοζούσησ κηδείασ ἀξιώσασ ἀπέστειλε τὰ ὀστᾶ πρὸσ τοὺσ οἰκείουσ τε καὶ φίλουσ τῶν τετελευτηκότων. τούτων δὲ πραχθέντων οἱ παρὰ τῷ Περδίκκᾳ Μακεδόνεσ πρὸσ μὲν τοῦτον πολλῷ μᾶλλον ἀπεθηριώθησαν, πρὸσ δὲ τὸν Πτολεμαῖον ἀπέκλιναν ταῖσ εὐνοίαισ.

ἐπιγενομένησ δὲ νυκτὸσ πλήρησ ἦν ἡ παρεμβολὴ κλαυθμοῦ καὶ πένθουσ, τοσούτων μὲν ἀνδρῶν ἀλόγωσ ἀπολωλότων ἄνευ πολεμίασ πληγῆσ καὶ τούτων οὐκ ἐλαττόνων ἢ χιλίων θηριοβρώτων γεγονότων.

πολλοὶ μὲν οὖν τῶν ἡγεμόνων συνίσταντο καὶ κατηγόρουν τοῦ Περδίκκου, πᾶσα δ’ ἡ φάλαγξ τῶν πεζῶν ἀπαλλοτριωθεῖσα φανερὰν διὰ τῆσ ἀπειλούσησ φωνῆσ τὴν ἰδίαν κατεσκεύασεν ἀλλοτριότητα.

διόπερ πρῶτοι τῶν ἡγεμόνων ἀπέστησαν ὡσ ἑκατόν, ὧν ἦν ἐπιφανέστατοσ Πίθων ὁ τοὺσ ἀποστάντασ Ἕλληνασ καταπολεμήσασ, οὐδενὸσ δὲ τῶν Ἀλεξάνδρου λειπόμενοσ φίλων ἀρετῇ τε καὶ δόξῃ·

μετὰ δὲ ταῦτα καὶ τῶν ἱππέων τινὲσ συμφρονήσαντεσ ἐπὶ τὴν σκηνὴν τοῦ Περδίκκου κατήντησαν καὶ προσπεσόντεσ ἀθρόοι κατέσφαξαν τὸν Περδίκκαν. τῇ δ’ ὑστεραίᾳ γενομένησ ἐκκλησίασ ὁ Πτολεμαῖοσ καταβὰσ καὶ τοὺσ Μακεδόνασ ἀσπασάμενοσ περί τε τῶν καθ’ αὑτὸν ἀπελογήσατο καὶ τῶν ἐπιτηδείων ἐκλελοιπότων ἐχορήγησε σῖτόν τε δαψιλῆ ταῖσ δυνάμεσι καὶ τῶν ἄλλων ἐπιτηδείων ἐπλήρωσε τὴν παρεμβολήν.

μεγάλησ δὲ τυγχάνων ἀποδοχῆσ καὶ δυνάμενοσ παραλαβεῖν τὴν ἐπιμέλειαν τῶν βασιλέων διὰ τὴν τοῦ πλήθουσ εὔνοιαν τούτου μὲν οὐκ ὠρέχθη, τῷ δὲ Πίθωνι καὶ Ἀρριδαίῳ χάριτασ ὀφείλων συγκατεσκεύασε τὴν τῶν ὅλων ἡγεμονίαν· οἱ γὰρ Μακεδόνεσ βουλῆσ προτεθείσησ περὶ τῆσ ἡγεμονίασ καὶ συμβουλεύσαντοσ Πτολεμαίου πάντεσ προθύμωσ εἵλαντο τῶν βασιλέων ἐπιμελητὰσ αὐτοκράτορασ Πίθωνα καὶ Ἀρριδαῖον τὸν τὸ σῶμα τοῦ βασιλέωσ κατακομίσαντα.

Περδίκκασ μὲν οὖν ἄρξασ ἔτη τρία τοῦτον τὸν τρόπον ἀπέβαλε τὴν ἡγεμονίαν ἅμα καὶ τὴν ψυχήν.

일치하는 문장이 없습니다.

SEARCH

MENU NAVIGATION