헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 18, chapter 40)

Ἀντίγονοσ δὲ τῆσ Ἀσίασ ἀποδεδειγμένοσ στρατηγὸσ διαπολεμήσων πρὸσ Εὐμενῆ ἤθροισεν ἐκ τῆσ χειμασίασ τὰσ δυνάμεισ. παρασκευασάμενοσ δὲ τὰ πρὸσ τὴν μάχην προῆγεν ἐπὶ τὸν Εὐμενῆ, διατρίβοντα περὶ Καππαδοκίαν. ὁ δ’ Εὐμενὴσ, ἀποστάντοσ ἀπ’ αὐτοῦ τινοσ τῶν ἐπιφανῶν ἡγεμόνων ὀνόματι Περδίκκου, στρατοπεδεύοντοσ ἀπὸ τριῶν ἡμερῶν ὁδοῦ μετὰ τῶν συναποστάντων στρατιωτῶν πεζῶν μὲν τρισχιλίων, ἱππέων δὲ πεντακοσίων, ἐξέπεμψεν ἐπ’ αὐτὸν Φοίνικα τὸν Τενέδιον, ἔχοντα πεζοὺσ μὲν ἐπιλέκτουσ τετρακισχιλίουσ, ἱππεῖσ δὲ χιλίουσ.

οὗτοσ δὲ νυκτοπορίᾳ συντόνῳ χρησάμενοσ προσέπεσε τοῖσ ἀποστάταισ ἀπροσδοκήτωσ περὶ δευτέραν φυλακὴν νυκτερινήν·

καταλαβὼν δ’ αὐτοὺσ κοιμωμένουσ τόν τε Περδίκκαν ἐζώγρησε καὶ τῆσ δυνάμεωσ ἐγκρατὴσ ἐγένετο. Εὐμενὴσ δὲ τοὺσ αἰτιωτάτουσ τῆσ ἀποστάσεωσ ἡγεμόνασ ἐθανάτωσε·

τοὺσ δὲ στρατιώτασ τοῖσ ἄλλοισ ἀναμίξασ καὶ φιλανθρώπωσ προσενεχθεὶσ ἰδίουσ ταῖσ εὐνοίαισ ἐποιήσατο. μετὰ δὲ ταῦθ’ ὁ μὲν Ἀντίγονοσ διαπεμψάμενοσ πρὸσ Ἀπολλωνίδην τινά, τῶν ἱππέων ἀφηγούμενον παρ’ Εὐμενεῖ, μεγάλαισ ἐπαγγελίαισ δι’ ἀπορρήτων ἔπεισε προδότην γενέσθαι καὶ κατὰ τὴν μάχην αὐτομολῆσαι.

τοῦ δ’ Εὐμενοῦσ στρατοπεδεύοντοσ τῆσ Καππαδοκίασ ἔν τισιν εὐθέτοισ πεδίοισ πρὸσ ἱππομαχίαν ἐπιβαλὼν ὁ Ἀντίγονοσ μετὰ πάσησ τῆσ δυνάμεωσ κατελάβετο τὴν ὑπερκειμένην τῶν πεδίων ὑπωρίαν.

εἶχε δ’ ὁ μὲν Ἀντίγονοσ κατ’ ἐκείνουσ τοὺσ καιροὺσ πεζοὺσ μὲν πλείω τῶν μυρίων, ὧν ἦσαν οἱ ἡμίσεισ Μακεδόνεσ, θαυμαστοὶ κατὰ τὰσ ἀνδραγαθίασ, ἱππεῖσ δὲ δισχιλίουσ, ἐλέφαντασ δὲ τριάκοντα, ὁ δ’ Εὐμενὴσ πεζοὺσ μὲν οὐκ ἐλάττουσ τῶν δισμυρίων, ἱππεῖσ δὲ πεντακισχιλίουσ.

γενομένησ δὲ μάχησ ἰσχυρᾶσ καὶ τοῦ Ἀπολλωνίδου μετὰ τῶν περὶ αὐτὸν ἱππέων ποιήσαντοσ ἀλόγωσ ἀπὸ τῶν ἰδίων διάστασιν ἐνίκησεν ὁ Ἀντίγονοσ καὶ ἀνεῖλεν τῶν ἐναντίων εἰσ ὀκτακισχιλίουσ.

ἐκυρίευσε δὲ καὶ τῆσ ἀποσκευῆσ ἁπάσησ, ὥστε τοὺσ περὶ τὸν Εὐμενῆ στρατιώτασ διὰ μὲν τὴν ἧτταν καταπλαγῆναι, διὰ δὲ τὴν ἀπώλειαν τῆσ ἀποσκευῆσ ἀθυμῆσαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 18, chapter 40

(디오도로스 시켈로스, Bibliotheca Historica, Books XVIII-XX, book 18, chapter 40)

상위

목록

SEARCH

MENU NAVIGATION