Diodorus Siculus, Bibliotheca Historica, Books XVIII-XX, book 18, chapter 12

(디오도로스 시켈로스, Bibliotheca Historica, Books XVIII-XX, book 18, chapter 12)

Ἀντίπατροσ δ’ ἀπολελειμμένοσ ὑπ’ Ἀλεξάνδρου στρατηγὸσ τῆσ Εὐρώπησ ὡσ ἐπύθετο τήν τε τοῦ βασιλέωσ ἐν Βαβυλῶνι τελευτὴν τήν τε τῶν σατραπειῶν διαίρεσιν, πρὸσ μὲν Κρατερὸν εἰσ Κιλικίαν διεπέμπετο παρακαλῶν τὴν ταχίστην βοηθῆσαι οὑ̔͂τοσ γὰρ προαπεσταλμένοσ εἰσ Κιλικίαν ἤμελλε κατάγειν εἰσ Μακεδονίαν τοὺσ ἀπολελυμένουσ τῆσ στρατείασ Μακεδόνασ, ὄντασ ὑπὲρ τοὺσ μυρίουσ’, πρὸσ δὲ Φιλώταν τὸν εἰληφότα σατραπείαν τὴν ἐφ’ Ἑλλησπόντῳ Φρυγίαν, ὁμοίωσ ἀξιῶν καὶ τοῦτον βοηθῆσαι καὶ μίαν τῶν ἑαυτοῦ θυγατέρων συνοικιεῖν ἐπαγγελλόμενοσ. πυθόμενοσ δὲ τὴν ὑπὸ τῶν Ἑλλήνων συνδρομὴν ἐπ’ αὐτὸν γεγενημένην, τῆσ μὲν Μακεδονίασ ἀπέλιπε στρατηγὸν Σίππαν, δοὺσ στρατιώτασ τοὺσ ἱκανοὺσ καὶ παραγγείλασ στρατολογεῖν ὡσ πλείστουσ·

αὐτὸσ δ’ ἀναλαβὼν Μακεδόνασ μὲν μυρίουσ καὶ τρισχιλίουσ, ἱππεῖσ δὲ ἑξακοσίουσ ἑ̓σπάνιζε γὰρ ἡ Μακεδονία στρατιωτῶν πολιτικῶν διὰ τὸ πλῆθοσ τῶν ἀπεσταλμένων εἰσ τὴν Ἀσίαν ἐπὶ διαδοχὴν τῆσ στρατείασ’ ἀνέζευξεν ἐκ τῆσ Μακεδονίασ εἰσ Θετταλίαν, συμπαραπλέοντοσ αὐτῷ τοῦ στόλου παντόσ, ὃν ἀπεσταλκὼσ ἦν Ἀλέξανδροσ παραπέμψοντα πλῆθοσ χρημάτων ἐκ τῶν βασιλικῶν θησαυρῶν εἰσ τὴν Μακεδονίαν, οὐσῶν τῶν πασῶν τριήρων ἑκατὸν καὶ δέκα. οἱ δὲ Θετταλοὶ τὸ μὲν πρῶτον συμμαχοῦντεσ τῷ Ἀντιπάτρῳ πολλοὺσ καὶ ἀγαθοὺσ ἱππεῖσ ἐξέπεμψαν αὐτῷ·

ὕστερον δ’ ὑπὸ τῶν Ἀθηναίων μεταπεισθέντεσ ἀφίππευσαν πρὸσ Λεωσθένην καὶ μετὰ τῶν Ἀθηναίων ταχθέντεσ διεπολέμουν ὑπὲρ τῆσ τῶν Ἑλλήνων ἐλευθερίασ. μεγάλησ δὲ δυνάμεωσ ταύτησ τοῖσ Ἀθηναίοισ προσγεγενημένησ οἱ μὲν Ἕλληνεσ ἐκράτουν πολὺ τῶν Μακεδόνων ὑπερέχοντεσ, ὁ δὲ Ἀντίπατροσ μάχῃ λειφθεὶσ καὶ τὸ λοιπὸν οὔτε παρατάξασθαι τολμῶν οὔτ’ εἰσ τὴν Μακεδονίαν ἐπανελθεῖν ἀσφαλῶσ δυνάμενοσ κατέφυγεν εἰσ πόλιν Λάμιαν.

ἐν ταύτῃ δὲ τὴν δύναμιν συνέχων καὶ τὰ τείχη κατασκευάζων, ἔτι δὲ παρασκευὰσ ὅπλων καὶ καταπελτῶν καὶ σίτου ποιούμενοσ ἐκαραδόκει τοὺσ ἀπὸ τῆσ Ἀσίασ συμμάχουσ.

일치하는 문장이 없습니다.

SEARCH

MENU NAVIGATION