Diodorus Siculus, Bibliotheca Historica, Books XVIII-XX, book 18, chapter 65

(디오도로스 시켈로스, Bibliotheca Historica, Books XVIII-XX, book 18, chapter 65)

κατὰ δὲ τοῦτον τὸν καιρὸν ἧκεν ἐπιστολὴ Νικάνορι παρ’ Ὀλυμπιάδοσ, ἐν ᾗ προσέταττεν ἀποδοῦναι Ἀθηναίοισ τήν τε Μουνυχίαν καὶ τὸν Πειραιᾶ. ὁ δὲ Νικάνωρ ἀκούων ὅτι μέλλουσιν οἱ βασιλεῖσ καὶ Πολυπέρχων κατάγειν εἰσ Μακεδονίαν τὴν Ὀλυμπιάδα καὶ τοῦ τε παιδίου τὴν ἐπιμέλειαν ἐκείνῃ παραδιδόναι καὶ τὴν προϋπάρχουσαν ἀποδοχὴν καὶ τιμὴν Ἀλεξάνδρου ζῶντοσ ἀποκαθιστάναι Ὀλυμπιάδι, φοβηθεὶσ ἐπηγγείλατο μὲν παραδώσειν, ἀεὶ δὲ προφάσεισ τινὰσ ποιούμενοσ παρῆγε τὴν πρᾶξιν. οἱ δὲ Ἀθηναῖοι πεπολυωρηκότεσ ἐν τοῖσ ἔμπροσθεν χρόνοισ τὴν Ὀλυμπιάδα καὶ νομίσαντεσ τὰσ μὲν ταύτῃ δεδογμένασ τιμὰσ ὄντωσ γεγονέναι, τὴν δὲ ἀπόληψιν τῆσ αὐτονομίασ διὰ ταύτησ ἐλπίζοντεσ ἀκινδύνωσ ἔσεσθαι περιχαρεῖσ ἦσαν.

ἀτελέστων δ’ ἔτι τῶν ἐπαγγελιῶν οὐσῶν ᾗκεν Ἀλέξανδροσ ὁ Πολυπέρχοντοσ υἱὸσ μετὰ δυνάμεωσ εἰσ τὴν Ἀττικήν.

οἱ μὲν οὖν Ἀθηναῖοι διέλαβον αὐτὸν ἥκειν ἀποκαταστήσοντα τῷ δήμῳ τήν τε Μουνυχίαν καὶ τὸν Πειραιᾶ, τὸ δ’ ἀληθὲσ οὐχ οὕτωσ εἶχεν, ἀλλὰ τοὐναντίον αὐτὸσ ἰδίᾳ παραληψόμενοσ ἀμφότερα πρὸσ τὰσ ἐν τῷ πολέμῳ χρείασ. τῶν γὰρ Ἀντιπάτρῳ γεγονότων φίλων τινέσ, ὧν ὑπῆρχον καὶ οἱ περὶ Φωκίωνα, φοβούμενοι τὰσ ἐκ τῶν νόμων τιμωρίασ ὑπήντησαν τῷ Ἀλεξάνδρῳ καὶ διδάξαντεσ τὸ συμφέρον ἔπεισαν αὐτὸν ἰδίᾳ κατέχειν τὰ φρούρια καὶ μὴ παραδιδόναι τοῖσ Ἀθηναίοισ, μέχρι ἂν ὁ Κάσανδροσ καταπολεμηθῇ.

ὁ δὲ Ἀλέξανδροσ πλησίον τοῦ Πειραιῶσ καταστρατοπεδεύσασ τοὺσ μὲν Ἀθηναίουσ οὐ παρελάμβανε πρὸσ τὰσ ἐντεύξεισ τὰσ πρὸσ τὸν Νικάνορα, ἰδίᾳ δὲ συνιὼν εἰσ λόγουσ καὶ ἐν ἀπορρήτοισ διαπραττόμενοσ φανερὸσ ἦν ἀδικεῖν μέλλων τοὺσ Ἀθηναίουσ.

ὁ δὲ δῆμοσ εἰσ ἐκκλησίαν συνελθὼν τὰσ μὲν ὑπαρχούσασ ἀρχὰσ κατέλυσεν, ἐκ δὲ τῶν δημοτικωτάτων τὰ ἀρχεῖα καταστήσασ τοὺσ ἐπὶ τῆσ ὀλιγαρχίασ γεγονότασ ἄρχοντασ κατεδίκασε τοὺσ μὲν θανάτῳ, τοὺσ δὲ φυγῇ καὶ δημεύσει τῆσ οὐσίασ·

ἐν οἷσ ἦν καὶ Φωκίων ὁ ἐπ’ Ἀντιπάτρου τὴν τῶν ὅλων ἀρχὴν ἐσχηκώσ.

일치하는 문장이 없습니다.

SEARCH

MENU NAVIGATION