Diodorus Siculus, Bibliotheca Historica, Books XVIII-XX, book 18, chapter 3

(디오도로스 시켈로스, Bibliotheca Historica, Books XVIII-XX, book 18, chapter 3)

οὗτοσ δὲ παραλαβὼν τὴν τῶν ὅλων ἡγεμονίαν καὶ συνεδρεύσασ μετὰ τῶν ἡγεμόνων Πτολεμαίῳ μὲν τῷ Λάγου τὴν Αἴγυπτον ἔδωκεν, Λαομέδοντι δὲ τῷ Μιτυληναίῳ Συρίαν, Φιλώτᾳ δὲ Κιλικίαν καὶ Πίθωνι μὲν Μηδίαν, Εὐμενεῖ δὲ Παφλαγονίαν καὶ Καππαδοκίαν καὶ πάσασ τὰσ συνοριζούσασ ταύταισ χώρασ, ἃσ Ἀλέξανδροσ οὐκ ἐπῆλθεν ἐκκλεισθεὶσ ὑπὸ τῶν καιρῶν, ὅτε διεπολέμει πρὸσ Δαρεῖον, Ἀντιγόνῳ δὲ Παμφυλίαν καὶ Λυκίαν καὶ τὴν μεγάλην καλουμένην Φρυγίαν, μετὰ δὲ ταῦτα Κασάνδρῳ μὲν Καρίαν, Μελεάγρῳ δὲ Λυδίαν, Λεοννάτῳ δὲ τὴν ἐφ’ Ἑλλησπόντῳ Φρυγίαν. αὗται μὲν οὖν αἱ σατραπεῖαι τοῦτον τὸν τρόπον ἐμερίσθησαν. κατὰ δὲ τὴν Εὐρώπην Λυσιμάχῳ μὲν ἐδόθη Θρᾴκη καὶ τὰ συνορίζοντα τῶν ἐθνῶν παρὰ τὴν Ποντικὴν θάλασσαν, ἡ δὲ Μακεδονία καὶ τὰ πλησιόχωρα τῶν ἐθνῶν Ἀντιπάτρῳ προσωρίσθη.

τὰσ δὲ κατὰ τὴν Ασίαν παραλελειμμένασ σατραπείασ ἔδοξε μὴ κινεῖν, ἀλλ’ ἐᾶν ὑπὸ τοὺσ αὐτοὺσ ἡγεμόνασ τεταγμένασ· ὁμοίωσ δὲ καὶ Ταξίλην καὶ Πῶρον κυρίουσ εἶναι τῶν ἰδίων βασιλειῶν, καθάπερ αὐτὸσ Ἀλέξανδροσ ἦν τεταχώσ. τούτων δὲ τὴν συνορίζουσαν σατραπείαν τοῖσ περὶ Ταξίλην βασιλεῦσι συνεχώρησε· τὴν δὲ παρὰ τὸν Καύκασον κειμένην, ὀνομαζομένην δὲ Παροπανισαδῶν προσώρισεν Ὀξυάρτῃ τῷ Βακτριανῷ , οὗ τὴν θυγατέρα Ῥωξάνην γεγαμηκὼσ ἦν Ἀλέξανδροσ.

καὶ Σιβυρτίῳ μὲν ἔδωκεν Ἀραχωσίαν καὶ Κεδρωσίαν, Στασάνορι δὲ τῷ Σολίῳ τὴν Ἀρίαν καὶ Δραγγινήν, Φιλίππῳ δὲ προσώρισε Βακτριανὴν καὶ Σογδιανήν, Φραταφέρνῃ δὲ Παρθυαίαν καὶ Ὑρκανίαν καὶ Πευκέστῃ μὲν Περσίδα, Τληπολέμῳ δὲ Καρμανίαν, Ἀτροπάτῃ δὲ Μηδίαν, Ἄρχωνι δὲ τὴν Βαβυλωνίαν, Ἀρκεσιλάῳ δὲ Μεσοποταμίαν. Σέλευκον δ’ ἔταξεν ἐπὶ τὴν ἱππαρχίαν τῶν ἑταίρων, οὖσαν ἐπιφανεστάτην·

ταύτησ γὰρ Ἡφαιστίων πρῶτοσ μὲν ἡγήσατο, μετὰ δὲ τοῦτον Περδίκκασ, τρίτοσ δ’ ὁ προειρημένοσ Σέλευκοσ. ἐπὶ δὲ τὴν κατακομιδὴν τοῦ σώματοσ καὶ τὴν κατασκευὴν τῆσ ἁρμαμάξησ τῆσ μελλούσησ κομίζειν τὸ σῶμα τοῦ τετελευτηκότοσ βασιλέωσ εἰσ Ἄμμωνα ἔταξαν Ἀρριδαῖον.

일치하는 문장이 없습니다.

SEARCH

MENU NAVIGATION