Diodorus Siculus, Bibliotheca Historica, Books XVIII-XX, book 18, chapter 34

(디오도로스 시켈로스, Bibliotheca Historica, Books XVIII-XX, book 18, chapter 34)

μεσοπορούντων δ’ αὐτῶν ἐπεφάνησαν οἱ περὶ τὸν Πτολεμαῖον δρόμῳ προσιόντεσ πρὸσ τὴν τοῦ πολίσματοσ ἐπικουρίαν. φθασάντων δ’ αὐτῶν καὶ παρεισπεσόντων εἰσ τὸ χωρίον καὶ διά τε τῶν σαλπίγγων καὶ βοῆσ φανερὰν ποιησάντων τὴν ἑαυτῶν παρουσίαν οἱ μὲν περὶ τὸν Περδίκκαν οὐ κατεπλάγησαν, ἀλλὰ τολμηρῶσ προσῆγον τοῖσ τειχίσμασιν. εὐθὺ δ’ οἱ μὲν ὑπασπισταὶ προσθέμενοι τὰσ κλίμακασ ἀνέβαινον, οἱ δ’ ἐπὶ τῶν ἐλεφάντων τὸν χάρακα διέσπων καὶ τὰσ ἐπάλξεισ ἐρρίπτουν.

ὁ δὲ Πτολεμαῖοσ ἔχων περὶ αὐτὸν τοὺσ ἀρίστουσ καὶ βουλόμενοσ προτρέψασθαι τοὺσ ἄλλουσ ἡγεμόνασ καὶ φίλουσ προσιέναι τοῖσ δεινοῖσ αὐτὸσ ἀναλαβὼν τὴν σάρισαν καὶ στὰσ ἐπ’ ἄκρου τοῦ προτειχίσματοσ τὸν μὲν ἡγούμενον τῶν ἐλεφάντων ἐξετύφλωσεν, ὑπερδέξιον ἔχων τὴν στάσιν, τὸν δὲ ἐπικαθήμενον Ἰνδὸν τραυματίαν ἐποίησεν, τοὺσ δὲ διὰ τῆσ κλίμακοσ ἀναβαίνοντασ καταπεφρονηκότωσ τύπτων καὶ κατατραυματίζων περιεκύλισεν εἰσ τὸν ποταμὸν μετὰ τῶν ὅπλων. ἀκολούθωσ δὲ τούτῳ καὶ τῶν φίλων τοῦ Πτολεμαίου διαγωνιζομένων τὸ μὲν ἐχόμενον θηρίον κατακοντισθέντοσ τοῦ κυβερνῶντοσ αὐτὸ Ἰνδοῦ παντελῶσ ἄχρηστον ἐγένετο.

ἐπὶ πολὺν δὲ χρόνον τῆσ τειχομαχίασ συνεστώσησ οἱ μὲν περὶ τὸν Περδίκκαν ἐκ διαδοχῆσ προσβάλλοντεσ πᾶσαν σπουδὴν εἰσεφέροντο κατὰ κράτοσ ἑλεῖν τὸ χωρίον, ὁ δὲ Πτολεμαῖοσ, αὐτὸσ ἀριστεύων καὶ τοὺσ φίλουσ παρακαλῶν ἐνδείξασθαι τὴν εὔνοιαν ἅμα καὶ τὴν ἀρετήν, ἡρωικοὺσ ἀγῶνασ συνεστήσατο.

πολλῶν δ’ ἀπολλυμένων παρ’ ἀμφοτέροισ διὰ τὴν ὑπερβολὴν τῆσ τῶν ἡγεμόνων φιλοτιμίασ καὶ τῶν περὶ τὸν Πτολεμαῖον ταῖσ ὑπεροχαῖσ τῶν τόπων πλεονεκτούντων, τῶν δὲ περὶ τὸν Περδίκκαν τοῖσ πλήθεσιν ὑπερεχόντων, τὸ τελευταῖον ἀμφοτέρων διημερευσάντων ἐν τοῖσ κινδύνοισ ὁ μὲν Περδίκκασ λύσασ τὴν πολιορκίαν ἐπανῆλθεν εἰσ τὴν ἰδίαν στρατοπεδείαν.

νυκτὸσ δ’ ἀναζεύξασ λαθραίαν ἐποιεῖτο τὴν πορείαν καὶ κατήντησεν εἰσ τὸν ἀπέναντι τόπον τῆσ Μέμφεωσ, πρὸσ ᾗ συμβαίνει σχίζεσθαι τὸν Νεῖλον καὶ ποιεῖν νῆσον δυναμένην ἀσφαλῶσ δέξασθαι στρατοπεδείαν τε καὶ δύναμιν τὴν μεγίστην.

εἰσ ταύτην οὖν διεβίβαζε τὴν δύναμιν ἐπιπόνωσ τῶν στρατιωτῶν περαιουμένων διὰ τὸ βάθοσ τοῦ ποταμοῦ·

μέχρι γὰρ τοῦ γενείου τὸ ῥεῦμα προσπῖπτον ἐσάλευε τὰ σώματα τῶν διαβαινόντων, ἅτε καὶ τῶν ὅπλων ἐμποδιζόντων τοὺσ ἄνδρασ.

일치하는 문장이 없습니다.

SEARCH

MENU NAVIGATION