Diodorus Siculus, Bibliotheca Historica, Books XVIII-XX, book 18, chapter 62

(디오도로스 시켈로스, Bibliotheca Historica, Books XVIII-XX, book 18, chapter 62)

παραδόξου δὲ καὶ ταχείασ τῆσ περὶ τὸν Εὐμενῆ γενομένησ αὐξήσεωσ Πτολεμαῖοσ μὲν μετὰ στόλου πλεύσασ εἰσ Ζεφύριον τῆσ Κιλικίασ διεπέμπετο πρὸσ τοὺσ τῶν ἀργυρασπίδων ἡγεμόνασ, παρακαλῶν μὴ προσέχειν τῷ Εὐμενεῖ, καθ’ οὗ πάντεσ Μακεδόνεσ θάνατον κατέγνωσαν. ὁμοίωσ δὲ πρὸσ τοὺσ ἐπὶ τῶν ἐν Κυΐνδοισ φρουρίων τεταγμένουσ ἐξέπεμψε, διαμαρτυρόμενοσ μὴ διδόναι μηδὲν τῶν χρημάτων Εὐμενεῖ καὶ τὴν ἀσφάλειαν αὐτοῖσ ἐπηγγείλατο παρέξεσθαι.

ἀλλὰ τούτῳ μὲν οὐδεὶσ προσεῖχε διὰ τὸ τοὺσ βασιλεῖσ καὶ τὸν ἐπιμελητὴν αὐτῶν Πολυπέρχοντα, ἔτι δὲ Ὀλυμπιάδα τὴν Ἀλεξάνδρου μητέρα γεγραφέναι πάντα ὑπηρετεῖν Εὐμενεῖ, ὡσ ὄντι τῆσ βασιλείασ αὐτοκράτορι στρατηγῷ. μάλιστα δ’ Ἀντιγόνῳ δυσηρέστει τότε τὰ περὶ τὴν Εὐμενοῦσ προαγωγὴν καὶ τὸ μέγεθοσ τῆσ περὶ αὐτὸν συνισταμένησ ἐξουσίασ·

ὑπελάμβανε γὰρ ὑπὸ τοῦ Πολυπέρχοντοσ τοῦτον ἑαυτῷ κατασκευάζεσθαι μέγιστον ἀντίπαλον ἀποστάτῃ γεγονότι τῆσ βασιλείασ. διόπερ κρίνασ ἐπιβουλὴν συστήσασθαι κατ’ αὐτοῦ προεχειρίσατο τῶν φίλων Φιλώταν καὶ τούτῳ μὲν ἔδωκεν ἐπιστολὴν γεγραμμένην πρόσ τε τοὺσ ἀργυράσπιδασ καὶ τοὺσ ἄλλουσ τοὺσ μετ’ Εὐμενοῦσ Μακεδόνασ, συνεξέπεμψε δὲ αὐτῷ καὶ ἄλλουσ τριάκοντα Μακεδόνασ τῶν περιέργων καὶ λάλων, οἷσ ἦν προστεταγμένον κατ’ ἰδίαν ἐντυχεῖν τοῖσ ἡγεμόσι τῶν ἀργυρασπίδων Ἀντιγένει καὶ Τευτάμῳ καὶ διὰ τούτων συστήσασθαί τινα κατ’ Εὐμενοῦσ ἐπιβουλήν, δωρεάσ τε μεγάλασ ἐπαγγελλομένουσ καὶ σατραπείασ μείζονασ, ὁμοίωσ δὲ καὶ τῶν ἀργυρασπίδων τοῖσ γνωριζομένοισ καὶ πολίταισ ἐντυγχάνειν καὶ διαφθείρειν δωρεαῖσ πρὸσ τὴν κατ’ Εὐμενοῦσ ἐπιβουλήν.

τῶν μὲν οὖν ἄλλων οὐδένα πεῖσαι κατίσχυσαν, Τεύταμοσ δὲ ὁ τῶν ἀργυρασπίδων ἡγεμὼν διαφθαρεὶσ ἐπεβάλετο καὶ τὸν συνάρχοντα Ἀντιγένην πεῖσαι κοινωνῆσαι τῆσ πράξεωσ.

ὁ δ’ Ἀντιγένησ, συνέσει καὶ πίστεωσ βεβαιότητι διαφέρων, οὐ μόνον ἀντεῖπεν, ἀλλὰ καὶ μετέπεισε τὸν προδιεφθαρμένον.

ἐδίδαξε γὰρ αὐτὸν συμφέρειν ζῆν τὸν Εὐμενῆ μᾶλλον ἢ τὸν Ἀντίγονον· ἐκεῖνον μὲν γὰρ εἰσ πλεῖον ἰσχύσαντα παρελεῖσθαι τὰσ σατραπείασ αὐτῶν καὶ ἀντικαταστήσειν ἐκ τῶν αὐτοῦ φίλων, Εὐμενῆ δὲ ξένον ὄντα μηδέποτ’ ἰδιοπραγῆσαι τολμήσειν, ἀλλὰ στρατηγὸν ὄντα φίλοισ αὐτοῖσ χρήσεσθαι καὶ συμπράξασι φυλάξειν αὐτοῖσ τὰσ σατραπείασ, τάχα δὲ καὶ ἄλλασ προσδώσειν.

일치하는 문장이 없습니다.

SEARCH

MENU NAVIGATION