Diodorus Siculus, Bibliotheca Historica, Books XVIII-XX, book 18, chapter 75

(디오도로스 시켈로스, Bibliotheca Historica, Books XVIII-XX, book 18, chapter 75)

μετὰ δὲ ταῦτα Νικάνοροσ καταπλεύσαντοσ εἰσ τὸν Πειραιᾶ κεκοσμημένῳ τῷ στόλῳ τοῖσ ἀπὸ τῆσ νίκησ ἀκροστολίοισ τὸ μὲν πρῶτον ἀποδοχῆσ αὐτὸν ἠξίωσε μεγάλησ ὁ Κάσανδροσ διὰ τὰσ εὐημερίασ, μετὰ δὲ ταῦτα ὁρῶν αὐτὸν ὄγκου πλήρη καὶ πεφρονηματισμένον, ἔτι δὲ τὴν Μουνυχίαν διὰ τῶν ἑαυτοῦ στρατιωτῶν φρουροῦντα, κρίνασ αὐτὸν ἀλλότρια φρονεῖν ἐδολοφόνησεν. ἐστράτευσε δὲ καὶ εἰσ Μακεδονίαν καὶ πολλοὺσ ἔσχε τῶν ἐγχωρίων ἀφισταμένουσ πρὸσ αὐτόν. ὁμοίωσ δὲ καὶ εἰσ τὰσ Ἑλληνίδασ πόλεισ ἐνέπεσέν τισ ὁρμὴ τῆσ Ἀντιπάτρου συμμαχίασ.

ὁ μὲν γὰρ Πολυπέρχων ἀργῶσ ἐδόκει καὶ ἀφρόνωσ προστατεῖν τῆσ τε βασιλείασ καὶ τῶν συμμάχων, ὁ δὲ Κάσανδροσ ἐπιεικῶσ προσφερόμενοσ πᾶσι καὶ κατὰ τὰσ πράξεισ ἐνεργὸσ ὢν πολλοὺσ εἶχεν αἱρετιστὰσ τῆσ αὑτοῦ δυναστείασ. ἐπεὶ δὲ κατὰ τὸν ἑπόμενον ἐνιαυτὸν Ἀγαθοκλῆσ ἐγένετο τύραννοσ τῶν Συρακοσίων, ταύτην μὲν τὴν βύβλον αὐτοῦ περιγράψομεν κατὰ τὴν ἐν ἀρχῇ πρόθεσιν, τῆσ δ’ ἐχομένησ τὴν ἀρχὴν ἀπὸ τῆσ Ἀγαθοκλέουσ τυραννίδοσ ποιησάμενοι διέξιμεν τὰσ οἰκείασ τῇ γραφῇ πράξεισ.

일치하는 문장이 없습니다.

SEARCH

MENU NAVIGATION