Diodorus Siculus, Bibliotheca Historica, Books XVIII-XX, book 18, chapter 17

(디오도로스 시켈로스, Bibliotheca Historica, Books XVIII-XX, book 18, chapter 17)

ἱππεῖσ δὲ πεντακισχίλιοι. οἱ δὲ Ἕλληνεσ κατὰ τοῦτον τὸν καιρὸν ἀντεστρατοπέδευσαν πολὺ τοῖσ πλήθεσι λειπόμενοι· πολλοὶ γὰρ αὐτῶν διὰ τὰσ προγεγενημένασ εὐημερίασ καταφρονοῦντεσ τῶν πολεμίων εἰσ τὰσ πατρίδασ ἦσαν ἀπεληλυθότεσ πρὸσ τὴν τῶν ἰδίων ἐπίσκεψιν. δι’ ἃσ αἰτίασ τῶν στρατιωτῶν ἀτακτούντων ὑπολοίπουσ εἶχον ἐν τῇ παρεμβολῇ πεζοὺσ μὲν δισμυρίουσ καὶ πεντακισχιλίουσ, ἱππεῖσ δὲ τρισχιλίουσ καὶ πεντακοσίουσ, ἐν οἷσ μάλιστα εἶχον τὰσ τῆσ νίκησ ἐλπίδασ διά τε τὰσ τῶν ἀνδρῶν ἀρετὰσ καὶ διὰ τὸ πεδινὴν ὑποκεῖσθαι χώραν.

τέλοσ δὲ τῶν περὶ Ἀντίπατρον καθ’ ἡμέραν προαγόντων τὰσ δυνάμεισ καὶ προκαλουμένων εἰσ μάχην τὸ μὲν πρῶτον ἀνέμενον τοὺσ ἀπὸ τῶν πόλεων παραγενησομένουσ, τῶν δὲ καιρῶν κατεπειγόντων ἠναγκάζοντο συγκαταβαίνειν εἰσ τὸν ὑπὲρ τῶν ὅλων κίνδυνον.

ἐκτάξαντεσ δὲ τὴν δύναμιν καὶ σπεύδοντεσ διὰ τῶν ἱππέων κρῖναι τὸν πόλεμον τούτουσ πρὸ τῆσ τῶν πεζῶν φάλαγγοσ ἔστησαν. γενομένησ δὲ ἱππομαχίασ καὶ τῶν Θετταλῶν ἱππέων πλεονεκτούντων διὰ τὰσ ἀρετὰσ οἱ περὶ τὸν Ἀντίπατρον ἐπήγαγον τὴν ἰδίαν φάλαγγα καὶ τοῖσ πεζοῖσ τῶν πολεμίων ἐπιρράξαντεσ πολὺν ἐποιοῦντο φόνον.

οἱ δ’ Ἕλληνεσ τὸ βάροσ καὶ τὸ πλῆθοσ τῶν πολεμίων οὐ δυνάμενοι φέρειν εὐθὺσ ἀπεχώρησαν πρὸσ τὰσ δυσχωρίασ, τηροῦντεσ τὰσ τάξεισ ἐπιμελῶσ. διὸ καὶ δραξάμενοι τόπων ὑπερδεξίων ῥᾳδίωσ ἠμύναντο τοὺσ Μακεδόνασ, ὑπερδέξιον ἔχοντεσ τὴν στάσιν. οἱ δὲ τῶν Ἑλλήνων ἱππεῖσ ἐπὶ τοῦ προτερήματοσ ὄντεσ, ὡσ ἔγνωσαν τὴν τῶν πεζῶν ἀποχώρησιν, εὐθὺσ πρὸσ ἐκείνουσ ἀφίππευσαν.

τότε μὲν οὖν τοῦτον τὸν τρόπον ἀγωνισάμενοι διελύθησαν, ῥεπούσησ τῆσ νίκησ πρὸσ τοὺσ Μακεδόνασ· ἀπέθανον δ’ ἐν τῇ μάχῃ τῶν μὲν Ἑλλήνων πλείουσ τῶν πεντακοσίων, τῶν δὲ Μακεδόνων ἑκατὸν καὶ τριάκοντα. τῇ δ’ ὑστεραίᾳ Μένων μὲν καὶ Ἀντίφιλοσ οἱ τῶν Ἑλλήνων ἡγεμόνεσ συνεδρεύσαντεσ ἐβουλεύσαντο πότερον ἀναμείναντεσ τοὺσ ἀπὸ τῶν πόλεων συμμάχουσ καὶ καταστάντεσ ἀξιόμαχοι περὶ τῶν ὅλων διακρίνωνται ἢ τῷ παρόντι καιρῷ συνείξαντεσ πρεσβεύωνται περὶ διαλύσεωσ.

ἔδοξεν οὖν ἀποστέλλειν κήρυκασ περὶ τῆσ τοῦ πολέμου καταλύσεωσ. πραξάντων δ’ αὐτῶν τὸ δόξαν ἀπεκρίθησαν οἱ περὶ τὸν Ἀντίπατρον κατὰ πόλεισ πρεσβεύειν·

οὐδενὶ γὰρ τρόπῳ κοινὴν σύλλυσιν ποιήσεσθαι. τῶν δὲ Ἑλλήνων οὐ προσδεχομένων τὰσ κατὰ πόλιν διαλύσεισ οἱ μὲν περὶ τὸν Ἀντίπατρον καὶ Κρατερὸν ἐπολιόρκουν τὰσ ἐπὶ Θετταλίασ πόλεισ καὶ κατὰ κράτοσ ᾕρουν, μὴ δυναμένων τῶν Ἑλλήνων βοηθεῖν. διὸ καὶ τῶν πόλεων περιφόβων οὐσῶν καὶ κατ’ ἰδίαν ἑκάστησ πρεσβευούσησ περὶ διαλύσεωσ πάσαισ συγχωρῶν τὴν εἰρήνην ἐπιεικῶσ προσεφέρετο. διόπερ ἐμπεσούσησ ὁρμῆσ εἰσ τὰσ πόλεισ ἰδίᾳ πορίζεσθαι τὴν σωτηρίαν ταχὺ πᾶσαι τῆσ εἰρήνησ ἔτυχον.

οἱ δ’ ἀλλοτριώτατα διακείμενοι πρὸσ τοὺσ Μακεδόνασ Αἰτωλοὶ καὶ Ἀθηναῖοι, συμμάχων ὄντεσ ἔρημοι, μετὰ τῶν ἰδίων στρατηγῶν ἐβουλεύοντο περὶ τοῦ πολέμου.

일치하는 문장이 없습니다.

SEARCH

MENU NAVIGATION