Diodorus Siculus, Bibliotheca Historica, Books XVIII-XX, book 18, chapter 7

(디오도로스 시켈로스, Bibliotheca Historica, Books XVIII-XX, book 18, chapter 7)

οἱ δ’ ἐν ταῖσ ἄνω καλουμέναισ σατραπείαισ κατοικισθέντεσ Ἕλληνεσ ὑπ’ Ἀλεξάνδρου, ποθοῦντεσ μὲν τὴν Ἑλληνικὴν ἀγωγὴν καὶ δίαιταν, ἐν δὲ ταῖσ ἐσχατιαῖσ τῆσ βασιλείασ ἐξερριμμένοι, ζῶντοσ μὲν τοῦ βασιλέωσ ὑπέμενον διὰ τὸν φόβον, τελευτήσαντοσ δὲ ἀπέστησαν. συμφρονήσαντεσ δὲ καὶ ἑλόμενοι στρατηγὸν Φίλωνα τὸν Αἰνιᾶνα δύναμιν ἀξιόλογον συνεστήσαντο.

πεζοὺσ μὲν γὰρ εἶχον πλείουσ τῶν δισμυρίων, ἱππεῖσ δὲ τρισχιλίουσ, πάντασ δὲ τῶν κατὰ τὸν πόλεμον ἀγώνων πολλάκισ πεῖραν εἰληφότασ καὶ διαφόρουσ ταῖσ ἀνδραγαθίαισ. Περδίκκασ δὲ πυθόμενοσ τὴν τῶν Ἑλλήνων ἀπόστασιν ἐκλήρωσεν ἐκ τῶν Μακεδόνων πεζοὺσ μὲν τρισχιλίουσ, ἱππεῖσ δὲ ὀκτακοσίουσ.

τοῦ δὲ πλήθουσ ἑλόμενοσ στρατηγὸν Πίθωνα τὸν σωματοφύλακα μὲν Ἀλεξάνδρου γεγονότα, φρονήματοσ δὲ πλήρη καὶ δυνάμενον στρατηγεῖν παρέδωκε τούτῳ τοὺσ ἀποκληρωθέντασ. δοὺσ δ’ αὐτῷ πρὸσ τοὺσ σατράπασ ἐπιστολὰσ, ἐν αἷσ γεγραμμένον ἦν στρατιώτασ δοῦναι τῷ Πίθωνι μυρίουσ μὲν πεζούσ, ἱππεῖσ δὲ ὀκτακισχιλίουσ, ἐξαπέστειλεν ἐπὶ τοὺσ ἀποστάντασ. ὁ δὲ Πίθων μεγαλεπίβολοσ ὢν ἀσμένωσ ὑπήκουσεν εἰσ τὴν στρατείαν, διανοούμενοσ τοὺσ μὲν Ἕλληνασ ταῖσ φιλανθρωπίαισ προσάγεσθαι, τὴν δὲ δύναμιν τῇ τούτων συμμαχίᾳ μεγάλην ποιήσασ ἰδιοπραγεῖν καὶ τῶν ἄνω σατραπειῶν δυναστεύειν.

ὁ δὲ Περδίκκασ ὑφορώμενοσ αὐτοῦ τὴν ἐπιβολήν διεκελεύσατο καταπολεμήσαντα τοὺσ ἀφεστηκότασ ἅπαντασ ἀποκτεῖναι καὶ τὰ λάφυρα διαδοῦναι τοῖσ στρατιώταισ.

ὁ δὲ Πίθων ἀναζεύξασ μετὰ τῶν δεδομένων αὐτῷ στρατιωτῶν καὶ παρὰ τῶν σατραπῶν προσλαβόμενοσ τοὺσ συμμάχουσ ἧκεν μετὰ πάσησ τῆσ δυνάμεωσ ἐπὶ τοὺσ ἀφεστηκότασ. διὰ δέ τινοσ Αἰνιᾶνοσ διαφθείρασ Λητόδωρον, ἐπὶ τρισχιλίων στρατιωτῶν παρὰ τοῖσ ἀποστάταισ τεταγμένον, τοῖσ ὅλοισ προετέρησε. γινομένησ γὰρ τῆσ παρατάξεωσ καὶ τῆσ νίκησ ἀμφιδοξουμένησ ὁ προδότησ ἐγκαταλιπὼν τοὺσ συμμάχουσ ἀλόγωσ ἀπῆλθεν ἐπί τινα λόφον, ἔχων τρισχιλίουσ.

οἱ δ’ ἄλλοι δόξαντεσ τούτουσ πρὸσ φυγὴν ὡρμηκέναι διεταράχθησαν καὶ τραπέντεσ ἔφυγον. ὁ δὲ Πίθων νικήσασ τῇ μάχῃ διεκηρύξατο πρὸσ τοὺσ ἡττημένουσ, κελεύων τὰ μὲν ὅπλα καταθέσθαι, αὐτοὺσ δὲ τὰ πιστὰ λαβόντασ ἐπὶ τὰσ ἰδίασ κατοικίασ ἀναχωρῆσαι.

γενομένων δ’ ἐπὶ τούτοισ ὁρ́κων καὶ τῶν Ἑλλήνων ἀναμιχθέντων τοῖσ Μακεδόσιν ὁ μὲν Πίθων περιχαρὴσ ἦν, κατὰ νοῦν αὐτῷ προχωρούντων τῶν πραγμάτων, οἱ δὲ Μακεδόνεσ μνησθέντεσ μὲν τῆσ τοῦ Περδίκκου παραγγελίασ, οὐδὲν δὲ φροντίσαντεσ τῶν γεγενημένων ὁρ́κων παρεσπόνδησαν τοὺσ Ἕλληνασ.

ἀπροσδοκήτωσ γὰρ αὐτοῖσ ἐπιθέμενοι καὶ λαβόντεσ ἀφυλάκτουσ ἅπαντασ κατηκόντισαν καὶ τὰ χρήματα διήρπασαν.

ὁ μὲν οὖν Πίθων διαψευσθεὶσ τῶν ἐλπίδων ἀπῆλθε μετὰ τῶν Μακεδόνων πρὸσ τὸν Περδίκκαν. καὶ τὰ μὲν κατὰ τὴν Ἀσίαν ἐν τούτοισ ἦν.

일치하는 문장이 없습니다.

SEARCH

MENU NAVIGATION